وتكەن جىلى الماتىدا قول جەتىمدى باسپانامەن قامتاماسىز ەتۋ جۇمىستارى بىرنەشە مەملەكەتتىك جانە قالالىق تۇرعىن ءۇي باعدارلامالارى بويىنشا جۇزەگە استى.
ماسەلەن, قالا اكىمى باقىتجان ساعىنتاەۆتىڭ باستاماسى بويىنشا قولعا الىنعان «الماتى جاستارى»باعدارلاماسى اياسىندا جاس وتباسىلارعا 949 پاتەر بەرىلدى. بۇل باعدارلاماعا ءبىلىم, دەنساۋلىق ساقتاۋ, مادەنيەت, سپورت, الەۋمەتتىك سالالار مەن باق-تا جۇمىس ىستەيتىن جاستار, سونىمەن قاتار جوو مەن عزي-نىڭ قىزمەتكەرلەرى قاتىستى.
تاعى 432 پاتەردى «شاڭىراق»باعدارلاماسىنىڭ شارتتارىنا سايكەس كەزەكتە تۇرعاندار الدى, ال 360 وتباسى تۇرعىنۇيقۇرىلىسجيناقبانكى ارقىلى جەڭىلدەتىلگەن نەسيە شارتتارى بويىنشا باسپانالى بولدى.
كوپبالالى جانە تولىق ەمەس وتباسىلاردىڭ, سونداي-اق مۇگەدەك بالالاردى تاربيەلەپ وتىرعان وتباسىلاردىڭ وكىلدەرى «باقىتتى وتباسى» باعدارلاماسى بويىنشا جىل ىشىندە 365 پاتەر الدى.
كوممۋنالدىق تۇرعىن ءۇي قورىنان 429 پاتەر حالىقتىڭ الەۋمەتتىك وسال توپتارىنىڭ وكىلدەرى مەن كوپ بالالى وتباسىلارعا ءبولىندى.
وتكەن جىلى بارلىعى 2535 الماتىلىق وتباسى قول جەتىمدى باسپانامەن قامتاماسىز ەتىلدى. بۇل جۇمىس الداعى جىلى دا جالعاسادى.
باعدارلامالاردىڭ شارتتارى مەن اعىمداعى حابارلاندىرۋلارمەن الماتى قالاسى تۇرعىن ءۇي ساياساتى دەپارتامەنتىنىڭ www.uzh-almaty.kz سايتىندا تانىسۋعا بولادى.