قۇرمەتتى وتانداستار!
قازاقستان حالقى اسسامبلەياسى پراۆوسلاۆيە حريستياندارىن جانە بارشا قازاقستاندىقتاردى جارقىن مەرەكە – حريستوس روجدەستۆوسىمەن شىن جۇرەكتەن قۇتتىقتايدى!
روجدەستۆو مەيرامى اۋەلدەن ادامزاتتىڭ ەڭ تازا جانە ەڭ جاقسى قاسيەتتەرىن بەلگىلەپ بەردى, ءۇمىت سىيلادى, مادەنيەت پەن تاريحتى وزگەرتتى. ول ۇلتتىق جانە الەۋمەتتىك ايىرماشىلىقتارعا قاراماستان, قازىرگى الەمنىڭ رۋحاني-مادەني جانە ونەگەلىك كەلبەتىن قالىپتاستىرۋعا ۇلكەن اسەر ەتتى.
قازاقستاندا پراۆوسلاۆيە باسقا ءداستۇرلى دىندەرمەن قاتار قوعامدىق كەلىسىم مەن بىرلىكتىڭ ماڭىزدى ەلەمەنتتەرىنىڭ ءبىرى بولىپ وتىر. قازاقستاندىقتار روجدەستۆونى ءاردايىم تاتۋ-ءتاتتى تۇرمىس كەشۋ, ءوزارا تۇسىنىستىك پەن ءبىرىن-ءبىرى قولداۋ اتموسفەراسىندا اتاپ وتەدى.
ءبىز بۇعان تاۋەلسىزدىك جىلدارى نۇرسۇلتان نازارباەۆتىڭ ەلىمىزدە بەيبىتشىلىك پەن كەلىسىم ورناتۋ ساياساتىن ۇستانۋدىڭ ارقاسىندا قول جەتكىزدىك. سونىڭ نەگىزىندە ءوزىمىزدىڭ پوليەتنوستىق جانە پوليكونفەسسيالىق قالپىمىزدى ستراتەگيالىق ارتىقشىلىققا اينالدىردىق, ال قازاقستان الەمدىك جانە ءداستۇرلى دىندەر ليدەرلەرى سەزىنىڭ ورنىنا اينالدى.
«ەل بىرلىگى – ونىڭ ارالۋاندىعىندا» مودەلى مەملەكەتتىڭ تابىستى دامۋىنىڭ ماڭىزدى فاكتورى بولىپ قالا بەرەدى.
ءبىز قازاقستاندىق ءداستۇرلى قۇندىلىقتارعا سۇيەنە وتىرىپ, بولاشاقتى بەيبىتشىلىك پەن كەلىسىم, قۇرمەت پەن ادىلەت قاعيداتتارى نەگىزىندە قۇرامىز.
قىمباتتى جەرلەستەر!
ايتۋلى تاماشا مەرەكەنى قارسى الىپ وتىرعان ازاماتتاردىڭ بارلىعىن قۇتتىقتايمىز. شاڭىراقتارىڭىز قۋانىشقا, جىلۋلىق پەن قۇت-بەرەكەگە تولسىن!
وسى قۋانىشتى كۇنى سىزدەرگە زور دەنساۋلىق, باقىت جانە بارلىق يگى ىستەرىڭىزگە تابىس تىلەيمىز!
قازاقستان حالقى
اسسامبلەياسى