توعىز كەلى بالىقتى زاڭسىز اۋلاعان شىمكەنت قالاسىنىڭ تۇرعىنى ۇستالدى, دەپ حابارلايدى Egemen.kz Polisia.kz سايتىنا سىلتەمە جاساپ.
2021 جىلعى 6 قاڭتاردا ەڭبەكشى اۋدانى پوليتسيا باسقارماسى №52 ۋچاسكەلىك پوليتسيا پۋنكتىنىڭ ينسپەكتورلارى جەدەل-ىزدەستىرۋ ءىس-شارالارى بارىسىندا قۇقىق بۇزۋشىنىڭ جەكە باسىن انىقتالدى. وعان قاتىستى قر اقبتك-ءنىڭ 383-بابىنىڭ 3-بولىگى (اۋەسقويلىق (سپورتتىق) بالىق اۋلاۋدى قوسپاعاندا, تىيىم سالىنعان مەرزىمدەردە, تىيىم سالىنعان قۇرالدارمەن نەمەسە تاسiلدەرمەن, تىيىم سالىنعان جەرلەردە بالىق اۋلاۋ قاعيدالارىن, سونداي-اق بالىق رەسۋرستارىن جانە باسقا دا سۋ جانۋارلارىن پايدالانۋدىڭ باسقا دا تۇرلەرiن جۇزەگە اسىرۋ قاعيدالارىن قىلمىستىق جازالاناتىن ءىس-ارەكەت بەلگiلەرi جوق ورەسكەل بۇزۋ) بويىنشا اكىمشىلىك جاۋاپكەرشىلىككە تارتىلدى. ول جەرگىلىكتى تۇرعىن بولىپ شىقتى.
پوليتسيا بالىق اۋلاۋعا ارنالعان 30 مەترلىك توردى تاركىلەدى. ازامات 2020 جىلدىڭ 14 جەلتوقسانىندا ماياتاس ەلدى مەكەنىنىڭ جانىنداعى بادام سۋ قويماسىندا بالىق اۋلاۋ جەلىسىنىڭ كومەگىمەن زاڭسىز بالىق اۋلاعانىن ايتىپ, ءوز كىناسىن تولىق مويىندادى. زاڭسىز اۋلانعان بالىقتىڭ جالپى سالماعى توعىز كەلى.