«قۇقىقتىق ءتارتىپ» ءىس-شاراسىنىڭ ەكى كۇنىنىڭ ناتيجەسى بويىنشا 35 قىلمىس تىركەلدى, دەپ حابارلايدى Egemen.kz Polisia.kz سايتىنا سىلتەمە جاساپ.
وسى جىلدىڭ 5-7 قاڭتار ارالىعىندا قوعامدىق ورىندار مەن كوشەلەردە قىلمىستاردىڭ الدىن الۋ جانە اكىمشىلىك قۇقىق بۇزۋشىلىقتاردى انىقتاۋ ماقساتىندا رەسپۋبليكا كولەمىندە “قۇقىقتىق تارتىپ” جەدەل الدىن الۋ ء ىس-شاراسى وتكىزىلەدى. ءىس-شارانىڭ ەكى كۇنىنىڭ ناتيجەسى بويىنشا تىركەلگەن 35 قىلمىستىڭ 20-سى ءىزى سۋىماي اشىلسا, وتكەن جىلدان ىزدەۋدە جۇرگەن ەكى ادام ۇستالدى.
تىيىم سالىنعان زاتتار, ياعني قارۋ-جاراق جانە سۋىق قارۋ ۇستاۋدىڭ 85 دەرەگى انىقتالدى.
– ەسىرتكى زاتتارىن زاڭسىز تاسىمالداۋدىڭ ءۇش دەرەگى; – زاڭسىز قارۋ تاسىمالداۋدىڭ ەكى دەرەگى;
– سۋىق قارۋ (پىشاق) الىپ ءجۇرۋدىڭ 80 دەرەگى انىقتالدى. سونىمەن قاتار, بارلىعى 1167 اكىمشىلىك قۇقىق بۇزۋشىلىق دەرەگى انىقتالدى, ونىڭ تۇرمىستىق-جانجالدىق قاتىناستا – 51, ۇساق بۇزاقىلىق– 144, قوعامدىق ورىنداردا ىشىمدىك ءىشۋ نەمەسە ماس كۇيىندە ءجۇرۋدىڭ-147 دەرەگى انىقتالسا, ۋاقىتشا ۋىتسىزداندىرۋ جانە ايىقتىرعىشقا – 69 ادام جەتكىزىلسە, قابىلداپ-تاراتۋ ورنىنا ەشقانداي قۇجاتسىز جۇرگەن بەس ادام جەتكىزىلدى.