شىعىس قازاقستان وبلىسىنىڭ پوليتسەيلەرى ايازدى كۇندەرى كۇشەيتىلگەن رەجيمدە قىزمەت اتقاردى. كۇن سايىن قوعامدىق ءتارتىپتى ساقتاۋعا جانە جول قاۋىپسىزدىگىن قامتاماسىز ەتۋ ءۇشىن 200-دەن استام پاترۋلدىك پوليتسيا جاساعى, ونىڭ ىشىندە قالا سىرتىنداعى تاسجولدارعا قىزمەت كورسەتەتىن 36 جاساق جۇمىلدىرىلادى, دەپ حابارلايدى Egemen.kz
جاڭا جىلدىڭ العاشقى اپتاسى ايازدى بولدى. سول كەزدەرى پوليتسيا دەپارتامەنتىنىڭ قىزمەتكەرلەرى جول بويىندا 90 جۇرگىزۋشىگە كومەك كورسەتكەن.
2 قاڭتاردا وسكەمەن - سامار باعىتىندا جۇرگىزۋشىنىڭ كولىگى بۇزىلىپ, جولدا قالعان. دەر كەزىندە كەلگەن پوليتسيا ينسپەكتورلارى كولىكتى ەۆاكۋاتورعا تيەۋگە كومەكتەستى.
التاي - وسكەمەن باعىتىنداعى تاس جولدا كەلە جاتقان جەڭىل كولىك ءوشىپ قالعان. اۋا تەمپەراتۋراسى كۇرت تومەندەپ, جولاۋشىلار توڭازىعان. كومەككە جەدەل جەتكەن پوليتسەيلەر جولاۋشىلاردى ءوز كولىكتەرىنە جايعاستىرىپ, ولاردىڭ كولىكتەرىن وتالدىرۋعا كومەك كورسەتكەن.
«قاتتى ايازدا پوليتسيا قىزمەتكەرلەرى ەڭ الدىمەن قيىن جاعدايعا تاپ بولعان وبلىس تۇرعىندارىنا كومەك كورسەتۋگە تىرىسادى, سونداي-اق جولداعى ءتارتىپ تە نازاردا», - دەپ اتاپ ءوتتى وبلىستىق پوليتسيا دەپارتامەنتىنىڭ باستىعى ساعات ماديەۆ.
سونداي-اق, اياگوز قالاسىنىڭ پوليتسيا پاترۋل قىزمەتكەرلەرى سەمەيگە بارا جاتقان جۇرگىزۋشىگە قول ۇشتارىن سوزعان. ونىڭ كولىگى قاتتى ايازدا سىنىپ قالعان. پوليتسەيلەر اۆتوكولىكتى جوندەۋ ستانساسىنا جەتكىزىپ, جۇرگىزۋشىنىنى قوناقۇيگە ورنالاستىرعان.
شقو پوليتسيا دەپارتامەنتى تاعى قايتالاپ ايازدى كۇندەرى ەلدى مەكەن اۋماعىنان تىس شىقپاۋدى ەسكەرتەدى.
شىعىس قازاقستان وبلىسى