الماتى اكىمى باقىتجان ساعىنتاەۆ 2021 جىلى مەگاپوليستىڭ بارلىق كوشەلەرىن 100% جارىقپەن قامتاماسىز ەتۋدى تاپسىرعانىن بۇعان دەيىن دە حابارلاعان ەدىك. بۇگىن وڭىرلىك كوممۋنيكاتسيالار قىزمەتىندە وتكەن بريفينگتە اۋەزوۆ اۋدانىنىڭ اكىمى سايران سايفەدەنوۆ اۋدان بويىنشا جۇرگىزىلىپ جاتقان جۇمىستاردىڭ بارىسى تۋرالى باياندادى, دەپ حابارلايدى Egemen.kz.
اۋدان بويىنشا 12 360 بىرلىك سىرتقى جارىقتاندىرۋ جەلىلەرىنىڭ تىرەكتەرى بار (377,7 كم), اۋداننىڭ جارىقتاندىرىلۋى شامامەن 93% قۇرايدى.
«قالا اكىمىنىڭ تاپسىرماسى بويىنشا 2020 جىلى 6 106 سىرتقى جارىق نۇكتەلەرى جاڭعىرتىلدى, ونىڭ ىشىندە: 3 563-ءى جاڭارتىلدى; 2 543-ءى سالىندى. بۇدان باسقا, ۇزىندىعى 88 كم سىرتقى جارىقتاندىرۋ جەلىلەرىن (كوشەنى جارىقتاندىرۋ, ءىشىنارا جارىقتاندىرۋ, اۋلالار مەن ءوتۋ جولدارى) سالۋعا جسق ازىرلەنۋدە. ونىڭ اياقتالۋى بويىنشا اۋداننىڭ جارىقتاندىرىلۋى 100% قۇرايدى», - دەپ حابارلادى سايران سايفەدەنوۆ.
سونىمەن بىرگە, «2020 جىلعا دەيىن وڭىرلەردى دامىتۋ» مەملەكەتتىك باعدارلاماسى اياسىندا باسقارىلاتىن ۋربانيزاتسيا جانە حالىقتىڭ ءومىر ءسۇرۋ ساپاسىن جاقسارتۋ ارقىلى وڭىرلەردىڭ باسەكەگە قابىلەتتىلىگىن ارتتىرۋ بويىنشا اۋداندا بيۋدجەت قاراجاتى ەسەبىنەن قايتارىمدى نەگىزدە 60 ۇيدە ليفت جابدىقتارىن اۋىستىرۋ جانە شاتىردى جوندەۋ جۇمىستارى جۇرگىزىلدى. سونداي-اق پيك (47 پيك) ءوز قاراجاتى ەسەبىنەن 385 كپتۇ جوندەۋ جۇمىستارى جۇرگىزىلدى. بۇل شاتىرلاردى, كىرەبەرىستەردى, سىرتقى قابىرعالاردى جانە ينجەنەرلىك جەلىلەردى جوندەۋ.
لازارەۆ, اكتيۋبينسكايا, سولنەچنايا, چەرنوۆا, مانۋيلسكي, يۋبيلەينايا, ششەپەتكوۆ, زاپاتوتسكي, كاساتكين كوشەلەرىندەگى كارىز جەلىلەرىنىڭ قۇرىلىسى بويىنشا جۇمىستار اياقتالدى. 8 كوپ پاتەرلى تۇرعىن ۇيلەر (62 مىڭ شارشى مەتر) سالىندى. 4 كپتۇ اياقتالۋ ساتىسىندا (39 مىڭ ش. م.).