جاقىن كۇندەرى تاشكەنتتە امەريكاندىق Apple كومپانياسىنىڭ كەڭسەسى اشىلادى. بۇل تۋرالى دۇيسەنبىدەگى بريفينگتە اقپاراتتىق تەحنولوگيالار جانە كوممۋنيكاتسيالار مينيسترلىگىنىڭ ءباسپاسوز قىزمەتىنىڭ جەتەكشىسى شەرزود احماتوۆ مالىمدەدى, دەپ حابارلايدى Egemen.kz وزبەكستان رەسپۋبليكاسى پرەزيدەنت اكىمشىلىگى جانىنداعى اقپارات جانە بۇقارالىق كوممۋنيكاتسيالار اگەنتتىگىنىڭ رەسمي تەلەگرام ارناسىنا سىلتەمە جاساپ.
Apple Distribution International 2020 جىلدىڭ ساۋىرىندە, Google, Samsung, Netflix جانە باسقا دا بىرقاتار كومپانيالارمەن بىرگە وزبەكستاندا سالىق تولەۋشىلەر رەتىندە تىركەلگەن. ويتكەنى وزبەكستاننىڭ سالىق كودەكسىندە ەلدەگى جەكە تۇلعالارعا ەلەكتروندىق قىزمەت كورسەتەتىن شەتەلدىك كومپانيالاردىڭ ققس تولەۋى ءتيىس.
ازىرگە وزبەكستاندا Apple كەڭسەسى ناقتى قاشان اشىلاتىنى تۋرالى اقپارات جوق.
ايتا كەتۋ كەرەك, بۇل ەلدە وڭتۇستىك كورەيادان شىققان ءموبيلدى قۇرىلعىلاردىڭ, كومپيۋتەرلەر مەن تۇرمىستىق تەحنيكانىڭ ءىرى ءوندىرۋشىسى Samsung كومپانياسىنىڭ 4 كەڭسەسى بار.
ال Apple كىرىسى بويىنشا الەمدەگى ەڭ ءىرى تەحنولوگيالىق كومپانيا جانە نارىقتىق كاپيتالداندىرۋ بويىنشا الەمدەگى الپاۋىت كومپانيالاردىڭ ءبىرى.