وكىنىشكە قاراي, الماتىدا كارانتين شارالارىن بۇزۋ فاكتىلەرىن تىركەۋ ءالى دە جالعاسىپ جاتىر. مونيتورينگتىك توپ 2020 جىلدىڭ 8 قازانىنان بيىلعى جىلدىڭ 2 قاڭتارىنا دەيىن قر اقبتك-ءنىڭ 425-بابىنىڭ 1-بولىگىمەن شەكتەۋ ءىس-شارالارىن ساقتاماعانى ءۇشىن جالپى سوماسى 107 ملن تەڭگەدەن استام سوماعا 997 اكىمشىلىك قۇقىق بۇزۋشىلىق تۋرالى حاتتاما جاسادى. 17 ماتەريال سوتقا بەرىلدى, بىرقاتار كاسىپكەرلەرگە 100 اەك مولشەرىندە ايىپپۇل سالىندى جانە ولاردىڭ قىزمەتى 1, 3 ايعا توقتاتىلدى, دەپ حابارلايدى Egemen.kz
الماتى قالاسى كاسىپكەرلەر پالاتاسىنىڭ باسشىسى ايتۋار قوشمامبەتوۆ وڭىرلىك كوممۋنيكاتسيالار قىزمەتىنىڭ بريفينگىندە بيزنەس-قوعامداستىقتى سانيتارلىق نورمالاردى ساقتاۋعا شاقىردى.
«كاسىپكەرلىك نىساندارىنا 7 مىڭعا جۋىق تەكسەرۋ جۇرگىزىلدى, نىسانداردىڭ ءبىر بولىگى سانيتارلىق نورمالاردى بۇزعان. سونىمەن قاتار ءبىز ىنتالاندىرۋعا جانە الدىن الۋ شارالارىنا كوبىرەك كوڭىل بولەمىز. سوڭعى ەكى ايدا ءبىز الماتى قالاسىنىڭ باس مەملەكەتتىك سانيتار دارىگەرىمەن بەلسەندى جۇمىس جۇرگىزىپ جاتىرمىز. ءبىز كاسىپكەرلەردىڭ جەكەلەگەن توپتارىنا زاڭنامانى ءتۇسىندىرۋ ءۇشىن تىكەلەي ەفيرلەردى ۇيىمداستىرىپ ءجۇرمىز. ونەركاسىپتىك ۇيىمدارمەن, قوعامدىق تاماقتانۋ ۇيىمدارىمەن, ساۋدا ورتالىقتارىمەن, ساۋدا-ويىن-ساۋىق دۇكەندەرىمەن, سۋپەرماركەتتەرمەن وسىنداي كەزدەسۋلەر وتكىزىلدى. ياعني, شەكتەۋلەرگە ۇشىراعان ءاربىر توپپەن ءبىز بەلگىلى ءبىر جۇمىس جۇرگىزەمىز», - دەيدى الماتى قالاسى كاسىپكەرلەر پالاتاسىنىڭ باسشىسى.
ايتۋار قوشمامبەتوۆ قالانىڭ باس سانيتار دارىگەرىمەن جەدەل بايلانىس ورناتىلعانىن اتاپ ءوتتى.
«باس سانيتار دارىگەردىڭ قاۋلىسىنىڭ جوبالارى تەك جوبا ساتىسىندا بولعان كەزدە, ءبىز وسى شەكتەۋلەر مەن جەڭىلدىكتەرگە قاتىستى بيزنەس سالالارىمەن تەز تالقىلاۋدى ۇيىمداستىرامىز. سونداي-اق, مونيتورينگتىك توپتاردان باسقا ءبىز سانيتارلىق قورعاۋ سالاسىنداعى قولدانىستاعى زاڭنامانى ءتۇسىندىرۋ بويىنشا ارنايى توپ قۇرعانىمىزدى ەرەكشە اتاپ وتكىم كەلەدى. وعان ءبىزدىڭ 12 مامانىمىز كىردى, 300-دەن استام ءىرى ساۋدا جانە ونەركاسىپ نىساندارىن ارالاپ شىقتىق جانە ارقايسىسىمەن ايىپپۇلداردىڭ بولماۋى ءۇشىن قانداي نورمالاردى ساقتاۋ كەرەكتىگىن ءتۇسىندىرۋ جۇمىستارىن جۇرگىزدىك.
بۇل رەتتە, ارنايى توپتىڭ قولدانىستاعى زاڭنامانى ءتۇسىندىرۋ جونىندەگى جۇمىسى تەك ۇسىنىم جاساۋ سيپاتىنا يە.
«قازىر ءبىز بيزنەستى بارلىق نورمالاردى ساقتاۋعا شاقىرامىز. بۇرىن ايتىپ وتكەنىمىزدەي, بىزدە قاڭتار ايىنان باستاپ پيلوتتىق جوبا جوسپارلانۋدا - جابىق قالعان 9 سالا قىزمەتىنىڭ بارلىق تۇرلەرى پايدالانۋعا بەرىلمەك جانە ولار ءۇشىن الگوريتمدەر جەكە ازىرلەنەتىن بولادى. بارلىعى مەملەكەت پەن بيزنەس اراسىنداعى ادالدىق پەن سەنىم قاعيداتتارىنا نەگىزدەلەتىن بولادى. سوندىقتان ءبىز قولدانىستاعى نورمالاردى تولىعىمەن ساقتاۋعا شاقىرامىز جانە ءبىز ءتيىستى كەلىسىمدەر اياسىندا بارلىق قىزمەت تۇرلەرىن بىرتىندەپ ىسكە قوسامىز», دەدى ول.
قالا كاسىپكەرلەرىن كوروناۆيرۋستىق ينفەكتسيا بويىنشا تۇراقتى جاعدايدى ساقتاۋ ماقساتىندا قولدانىستاعى نورمالاردى تولىق ساقتاۋعا شاقىرادى. ەگەر سانيتارلىق شارالار دۇرىس ساقتالسا, نىساندارى جابىلىپ, ايىپپۇلدار سالىنبايدى.
سونداي-اق, قازىرگى ۋاقىتتا الماتىدا كوروناۆيرۋسپەن اۋىرعان ادامدار 18847 ادامدى قۇرايدى, ونىڭ ىشىندە 17309 ادام ساۋىعىپ, 389 ادام قايتىس بولعانىن ەسكە سالامىز.