«بارىس» ويىنشىسى ۇزدىك اتاندى

ماسەلەن, «بارىس» كلۋبىنىڭ كاپيتانى داررەن ديتس قورعاۋشىلار اراسىندا ەڭ ۇزدىك سۇرمەرگەن اتاندى. ول وتكەن جىلى قحل-دا جالپى سانى 52 ويىن وتكىزىپ, 31 ۇپاي جيناعان. ياعني ماۋسىم بويى قارسىلاس قاقپاسىن 19 مارتە ءدال كوزدەپ, 12 رەت ارىپتەستەرىنە ناتيجەلى پاس اسىرعان. سونىمەن قاتار قازاقستاندىق كوماندانىڭ حوككەيشىسى جىلدىڭ ەڭ ناتيجەلى 5 ويىنشىسىنىڭ قاتارىنان كورىندى. ال «بارىس» قاقپاشىسى يوني ورتيو جەلتوقسان ايىنىڭ ۇزدىك قاقپاشىسى اتاندى.

ايتا كەتەيىك, ەلوردالىق كوماندا قحل-ءدىڭ ەڭ كەيىنگى ويىنىن «بارىس ارەنادا» ماگنيتوگورسكى­نىڭ «مەتاللۋرگ» كلۋبىمەن وتكىزىپ, تارتىستى وتكەن ماتچتىڭ قوسىمشا مينۋتىندا 3:2 ەسەبىمەن باسىم ءتۇستى. «بارىستىڭ» وۆەرتايمداعى جەڭىستى گولىن مەتتيۋ فرەتتين سوقتى. 38 ويىندا 45 ۇپاي جيناعان جەرلەستەرىمىز بۇگىندە تۇراقتى بىرىنشىلىكتىڭ «شىعىس» كونفەرەنتسياسىندا 8-ورىندا كەلەدى.