كاسىپكەرلەر قاتارى كوبەيدى

ونىڭ ايتۋىنشا, جالپى بيزنەس سۋبەكتىسىندەگى جەكە كاسىپ­كەرلەردىڭ ۇلەسى 60 پايىزدى قۇ­رايدى. سانعا شاققاندا 120 مىڭ­عا جۋىق. شاعىن جانە ورتا بيز­نەس يەلەرى 40 پايىز شاماسىن­دا. بىلتىرعى III توقساننىڭ قورى­تىن­دىسى بويىنشا 107 كاسىپورىن جا­بىلعان. ونىڭ 29-ى – ورتا, 178-ءى شاعىن كاسىپكەرلىك نىساندارى ەكەن.

– ءساۋىر مەن قىركۇيەك ارا­لىعىندا كاسىپكەرلەر سانى ءبىر­شاما ءوستى. تىركەلگەن 5 081 كاسىپ­ورىننىڭ 879-ى – جەكە كاسىپكەرلەر بولسا, 4 000-نان استامى زاڭدى تۇل­عالار. ءبىزدىڭ ويىمىزشا, «باستاۋ بيزنەس» جوباسى ارقىلى كاسىپكەرلەر سانى ارتىپ وتىر. اتال­عان جوبا اياسىندا بىلتىر 2 600 ادام وقىپ, 1 334-ءى ءوز كاسىپ­تەرىن اشتى. جالپى 1 705 گرانت بولىنگەن بولاتىن. گرانتتىق جانە اكىمدىك باعدارلامالارى بويىنشا قولعا الىنعان كەز كەلگەن كاسىپكەرلىك ماقساتتى قولداۋعا دايىنبىز. شاھاردا, اسىرەسە, ساۋ­دا جانە قىزمەت كورسەتۋ سالاسى باسىمدىققا يە. ءبىزدىڭ جوبانى وقىپ كاسىپ باستاعانداردىڭ كوبى – اتەلە, فوتوسالون, ءدامحانا, ناۋ­بايحانا بيزنەستەرىمەن اينالىسۋدا, – دەيدى سپيكەر.

1-14 جەلتوقسان ارالىعىندا كاسىپكەرلەر پالاتاسى جۇرگىزگەن ساۋالداماعا قاتىسقان 6 مىڭعا جۋىق كاسىپكەردىڭ تەڭ جارتىسى قارجىلىق تۇراقسىزدىققا تاپ بولىپ وتىرعاندارىن ايتقان. 4 پايىزى – تابىستان ايىرىلعان, 24 پايىزى – سۇرانىس ازايۋىنا تاپ بولعان, 40 پايىزى – ارەندا قۇنىن, 27 پايىزى – كوممۋنالدىق تولەمدى, 21 پايىزى – سالىق تولەۋدەن قينالعان, 19 پايىزى قىزمەتكەرلەرىنە جالاقى بەرۋ تۇرعىسىنان قيىندىققا ۇشىراعان. ال 12 پايىزى جاقىن ارادا كاسىپتەرىن جابۋعا ءماجبۇر ەكەندەرىن جاريا ەتكەن.

ايتۋار قوشمامبەتوۆتىڭ ايتۋىنشا, بيزنەس يەلەرى كاراوكە-زال, فۋد-كورت, بوۋلينگ, مەكتەپ اسحاناسى, بالالار ويىن-ساۋىق ورتالىعى, بانكتەر زالدارىنىڭ اشىلۋىن سۇراپ وتىر. قازىرگى كەزدە قالادا تسيفرلى مونيتورينگ جۇرگىزۋدىڭ قاناتقاقتى جوباسى قولعا الىنىپتى. ياعني, سانيتارلىق تالاپتاردى ساقتاۋدى باقىلايتىن بەينەكامەرالار ورناتىلادى. بۇل باستاما جاڭا جىلدان باستاپ ىسكە قوسىلماق.

الماتى