بۇل تۋرالى مەملەكەت باسشىسى باس باسىلىمدا جارىق كورگەن «تاۋەلسىزدىك بارىنەن قىمبات» اتتى ماقالاسىندا ايتتى, - دەپ حابارلايدى Egemen.kz.
«قازاقستان – ءبىرتۇتاس مەملەكەت. ەلىمىز وڭتۇستىك, سولتۇستىك, باتىس, شىعىس دەپ بولىنبەيدى. بۇل – تەك باعىتتى بىلدىرەتىن شارتتى اتاۋلار. 2018 جىلى ەلباسىنىڭ جارلىعىمەن وڭتۇستىك قازاقستان وبلىسىنا تۇركىستان اتاۋى بەرىلدى. تاريحي ادىلدىكتى قالپىنا كەلتىرگەن ورىندى شەشىمدى حالىق ءبىراۋىزدان قولداپ, وتە جىلى قابىلدادى. ويتكەنى, مۇنداعى شەجىرەلى شاھار عانا ەمەس, تۇتاس ءوڭىر كونە زامانداردان بەرى تۇركىستان دەپ اتالعان. وسى يگى ءۇردىستى ەلىمىز بويىنشا جالعاستىرۋعا بولادى. ءبىز مۇنداي قادامداردى بايىپپەن جاسايمىز», - دەدى پرەزيدەنت.
مەملەكەت باسشىسى جەرگە بايلانىستى ماسەلەلەردى دە اتاپ ءوتتى. ء«بارىمىز ايقىن بىلەتىن جانە بۇلجىمايتىن اقيقات – قازاقتىڭ جەرى ەشبىر شەتەلدىكتىڭ مەنشىگىنە بەرىلمەيدى, ەشقاشان ساتىلمايدى. وسىنى ءار ازاماتىمىز ساناسىنا بەرىك ءسىڭىرۋى قاجەت», - دەدى پرەزيدەنت.