اتىراۋ وبلىسىندا ورنالاسقان تەڭىز كەنىشىندەگى ينفەكتسيالىق ستاتسيوناردا 669 ناۋقاس ەمدەلىپ جاتىر, دەپ حابارلايدى Egemen.kz
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, وتكەن تاۋلىكتە 81 ادام كوروناۆيرۋس جۇقتىردى. قاۋىپتى ىندەتتەن 29 ناۋقاس ەمدەلىپ شىقتى.
«كوروناۆيرۋسقا شالدىققانداردىڭ اراسىندا اتىراۋ قالاسىنان 8 ناۋقاس تىركەلدى. سونداي-اق, تەڭىز كەنىشىندە 66 جۇمىسشىدان, جىلىوياۋدانىندا 4, قۇرمانعازى اۋدانىندا 3 ادامنان COVID-19 انىقتالدى. ناۋقاستاردىڭ 11-ىندە كوروناۆيرۋستىڭ سيمپتومدى ءتۇرى بار», دەپ حابارلادى باسقارمانىڭ ءباسپاسوز قىزمەتى.
قازىر 267 ادام ءۇي جاعدايىندا ەمدەلۋگە جىبەرىلدى.
ال وبلىستىق ينفەكتسيالىق ستاتسيوناردا 103, اۋداندارداعى ينفەكتسيالىق ستاتسيونارلاردا 40 پاتسيەنت ەمدەلىپ جاتىر. تەڭىز كەنىشىندە ستاتسيوناردا جاتقىزىلعان ناۋقاستار 669 ادامعا جەتىپ وتىر.