الماتىدا كوممۋنالدىق قىزمەتتەر كۇشەيتىلگەن رەجىمدە جۇمىس ىستەيدى

الماتىنىڭ تىرشىلىكتى قامتاماسىز ەتۋ جۇيەلەرى جاڭا جىل كۇندەرى جوعارى دايىندىق رەجىمىندە جۇمىس ىستەدى. الماتى قالاسىنىڭ ينجەنەرلىك جەلىلەرى مەن تىرشىلىكتى قامتاماسىز ەتۋ وبەكتىلەرىندە بىردە-ءبىر ءىرى جانە ورتاشا اپات بولعان جوق.

ء«بىز جاڭا جىلدى جوعارى دايىندىق جاعدايىندا وتكىزدىك. الماتى قالاسىنىڭ جىلۋ-ەنەرگەتيكالىق كەشەنى مەن تۇرعىن ءۇي-كوممۋنالدىق شارۋاشىلىعىنىڭ جۇمىسىندا ءىرى اقاۋلار تىركەلگەن جوق. وسى كۇندەرى سۋمەن جابدىقتاۋ جانە ەلەكتر جەلىلەرىندە بولعان بىرنەشە جەرگىلىكتى سيپاتتاعى توتەنشە جاعدايلار قىسقا مەرزىمدە جويىلدى», دەدى قالالىق ەنەرگياتيىمدىلىك جانە ينفراقۇرىلىمدى دامىتۋ باسقارماسىنىڭ باسشىسى ايدار بەركىمباەۆ.

ونىڭ ايتۋىنشا, تىرشىلىكتى قامتاماسىز ەتۋ جۇيەلەرىنىڭ ۇزدىكسىز جۇمىس ىستەۋى — الماتى قالاسىنىڭ اكىمى باقىتجان ساعىنتاەۆتىڭ تاپسىرماسىنا سايكەس جۇزەگە اسىرىلاتىن وتىن-ەنەرگەتيكالىق كەشەنىنىڭ جانە تۇرعىن ءۇي-كوممۋنالدىق شارۋاشىلىعىنىڭ بارلىق كاسىپورىندارىن جاڭا جىلدىق مەرەكەلەرگە تىڭعىلىقتى دايىنداۋدىڭ ناتيجەسى.

تاۋلىك بويى كەزەكشىلىك ەتەتىن جەدەل-پروفيلاكتيكالىق بريگادالارعا جانە ديسپەتچەرلىك قىزمەتتەرگە ەرەكشە نازار اۋدارىلدى, ولاردىڭ كاسىبيلىلىگى الماتىلىقتار مەن قالا قوناقتارىنىڭ جايلىلىعىن قامتاماسىز ەتتى.

جالپى, 2020 جىل ىشىندە الماتى قالاسىنىڭ تۇتىنعانى: - 5 ميلليارد كيلوۆاتت ساعات ەلەكتر ەنەرگياسى; - 1 625 ميلليون تەكشە مەتر گاز; - 145,5 ميلليون تەكشە مەتر سۋىق سۋ, ونىڭ 75,1 ميلليون تەكشە مەترە, حالىق; 7,9 ملن گيگاكالوريا جىلۋ ەنەرگياسى, ونىڭ 5,5 ملن-ى (69,6%) «الماتى ەلەكتر ستانتسيالارى» اق-نا, 2,4 ملن-نان استامى (30,4%) - «الماتىتەپلوكوممۋنەنەرگو» جشس-ءنىڭ 84 قالالىق قازاندىقتارى جىلۋ بەردى.