اتىراۋ وبلىسىنداعى تەڭىز كەنىشىندە 88 جۇمىسشى كوروناۆيرۋس ينفەكتسياسىن جۇقتىردى, دەپ حابارلايدى Egemen.kz
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە قاراعاندا, وتكەن تاۋلىكتە 116 ادامنان كوروناۆيرۋس ينفەكتسياسى انىقتالعان. ناۋقاستاردىڭ دەنى اتىراۋ قالاسى مەن تەڭىز كەنىشىندە بايقالىپ وتىر.
«وبلىس ورتالىعىنان 17, تەڭىز كەنىشىندە 88 جۇمىسشى قاۋىپتى ۆيرۋسقا شالدىقتى. سونداي-اق, جىلىوي اۋدانىندا 4, قىزىلقوعادا – 1, ماقاتتا – 1, قۇرمانعازى اۋدانىندا 5 ادام كوروناۆيرۋس جۇقتىردى. 28 ناۋقاستا سovid-19 سيمپتومدى ءتۇرى بايقالدى», دەپ حابارلادى باسقارمانىڭ ءباسپاسوز قىزمەتىنىڭ وكىلى.
قازىر ءۇي جاعدايىندا ەمدەلىپ جاتقان 292 ادام بار. وبلىستىق ينفەكتسيالىق ستاتسيوناردا 106, اۋداندارداعى ستاتسيونارلاردا 37, تەڭىز كەنىشىندەگى ستاتسيوناردا 622 ادام ەم قابىلداپ جاتىر. وتكەن تاۋلىكتە كوروناۆيرۋستان 90 ادام ەمدەلىپ شىققان. ەسكە سالا كەتسەك, بۇعان دەيىن اتىراۋ وبلىسىندا 1032 ناۋقاس ەمدەلىپ جاتقانىن جازعان بولاتىنبىز.