بۇگىن وڭىرلىك كوممۋنيكاتسيالار قىزمەتىنىڭ اقپارات الاڭىندا جامبىل وبلىسى بويىنشا سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى سالتانات الىباەۆا بريفينگ وتكىزىپ, وبلىستىڭ ەپيدەميالىق جاعدايى تۋرالى باياندادى. ول ءوز سوزىندە بيىلعى جىلى وڭىردە كوروناۆيرۋس ىندەتىمەن 5 مىڭعا جۋىق ادامنىڭ اۋىرعانىن ايتتى.
سوڭعى 2 اپتانىڭ وزىندە وبلىس بويىنشا قاۋىپتى ىندەت جۇقتىرۋدىڭ 235 جاعدايى تىركەلگەن. Oنىڭ ىشىندە سيمپتومدىق اعىمى بار 125 ناۋقاس, سيمپتومسىز اعىمى بار 110 ناۋقاس انىقتالعان. شەكتەۋ شارالارى السىرەگەن ساتتەن باستاپ, ياعني 17 تامىزدان بۇگىنگى كۇنگە دەيىن 2802 رەيد جۇرگىزىلىپ,14317 نىسان تەكسەرۋمەن قامتىلعان. سونداي-اق, 906 نىساندا قۇقىقبۇزۋشىلىقتار انىقتالعان. بۇل رەتتە مەديتسينالىق بەتپەردە رەجيمىن, الەۋمەتتىك قاشىقتىقتى, جۇمىس رەجيمىن ساقتاماعانى جانە بۇقارالىق ءىس-شارالاردى وتكىزگەنى ءۇشىن 490 اكىمشىلىك قۇقىقبۇزۋشىلىق تۋرالى حاتتاما تولتىرىلىپ, ايىپپۇل سالىنعان.
سونىمەن قاتار, بۇگىندە وبلىس بويىنشا انىقتالماعان پنەۆمونيانىڭ 478 جاعدايى تىركەلگەن. سالتانات الىباەۆا بارلىق ناۋقاستار پنەۆمونيا دياگنوزىمەن وبلىستىڭ مەديتسينالىق ۇيىمدارىنا جۇگىنگەن كەزدە انىقتالعانىن مالىۋمدەدى. ال, ەلىمىزدەگى ەپيدەميالىق جاعدايدى باعالاۋ بويىنشا جامبىل وبلىسى جاسىل ايماقتا ورنالاسقان. ءوڭىر بويىنشا جاعداي تۇراقتى. سونداي-اق, ول قورداي اۋدانىنداعى «قاراسۋ», «اۋحاتتى», مەركە اۋدانىنداعى «سىپاتاي باتىر» جانە جامبىل اۋدانىنداعى «ايشا ءبيبى» وتكىزۋ پۋنكتتەرى جۇمىس ىستەپ تۇرعانىن, ايماققا ايىرقالپاقتى ەلدەن كەلەتىن ازاماتتار 2 كۇندىك كارانتيندىك ستاتسيونارعا جاتقىزىلاتىنىن, شەتەل ازاماتتارى تەك تەرىس ناتيجەلى پتر تەستى جاسالعان انىقتامامەن عانا شەكارادان وتە الاتىنىن دا ايتتى. ماسەلەن, اعىمداعى جىلعى 6 قازاننان باستاپ بۇگىنگى كۇنگە دەيىن 63206 ادام شەكارادان وتكەن. ونىڭ ىشىندە 2267 ادام 2 كۇندىك كارانتيندىك ستاتسيونارعا جاتقىزىلىپ, پتر ادىسىمەن تەكسەرۋگە الىنعان. تەكسەرىلگەندەر اراسىنان كوروناۆيرۋس ىندەتىمەن اۋىراتىن 28 ناۋقاس انىقتالىپتى. الايدا, انىقتالعان ناۋقاستار وقشاۋلانعان. «ەپيدەميولوگيالىق تەرگەۋ جۇرگىزىلىپ, ناۋقاستار جانە ولارمەن جاقىن بايلانىستاعى ادامدار مەديتسينالىق باقىلاۋعا الىندى. ال, 1339 شەتەل ازاماتتارىنا تەرىس ناتيجەلى پتر تەستى بولماعاندىقتان, ەلىمىزگە كىرۋگە رۇقسات بەرىلمەگەن», دەدى سالتانات الىباەۆا.
جامبىل وبلىسى