بۇل كۇندەرى مەگاپوليستىڭ ەكى بىردەيمەديتسينالىق ۇيىمىنىڭ بازاسىندا QazCovid-in يناكتيۆاتسيالانعان ۆاكتسينانى سىناقتان وتكىزۋدىڭ III فازاسى ءجۇرىپ جاتىر.
الماتىلىق 2 مىڭ ەرىكتى ۆاكتسيناتسيادان وتەتىن بولادى. سىناقتىڭ ەكى كۇنى ىشىندە ۆاكتسينانى العاشقى 300 ەرىكتى قابىلدادى. قر ءبىلىم جانە عىلىم مينيسترلىگىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى وتاندىق ۆاكتسينانىڭ ءى جانە ءىى فازالارىن كلينيكالىق سىناقتان وتكىزگەنى بەلگىلى. الدىن الا جاسالعان شارالاردىڭ ناتيجەلەرى وتاندىق ۆاكتسينا قاۋىپسىزدىگىنىڭ, يممۋنوگەندىگىنىڭ جانە تيىمدىلىگىنىڭ جوعارى دەڭگەيىن كورسەتۋدە.
سىناقتار ءساتتى اياقتالىپ ءارى دەنساۋلىق ساقتاۋ مينيسترلىگىندە تىركەلگەن سوڭ ەرىكتى تۇردە جاپپاي ۆاكتسيناتسيالاۋ ناۋرىز ايىنا جوسپارلانۋدا. ەلىمىزدە جاسالعان ۆاكتسيناعا ۇلكەن ءۇمىت ارتىلۋدا, ويتكەنى ەكپە جاساۋ ينفەكتسيانىڭ جاپپاي تارالۋىنا قارسى بىردەن-ءبىر ءتيىمدى ءادىس بولىپ تابىلادى.
ايتا كەتەرلىگى, الماتىدا سىيىمدىلىعى 200 مىڭ بىرلىكتى قۇرايتىن «سپۋتنيك V» انتيكوۆيدتى ۆاكتسينانى ساقتايتىن قويمالار دايىن. پرەپاراتتى ۇزاق مەرزىمدە ساقتاۋ ءۇشىن ناقتىلى تەمپەراتۋرالىق رەجيمدى ۇستاۋ ماڭىزدى شارتتىڭ ءبىرى بولىپ تابىلادى.
الماتى