مادەنيەت جانە سپورت سالاسىنداعى سىبايلاس جەمقورلىقتىڭ الدىن الۋ

ءىس-شاراعا بەينە-كونفەرەنتس بايلانىس ارقىلى اگەنتتىكتىڭ اۋماقتىق دەپارتامەنتتەرى, مينيسترلىككە باعىنىستى ۇيىمدار مەن كوميتەتتەر, سونداي-اق جەرگىلىكتى اتقارۋشى ورگاندارىنداعى سالالىق باسقارمالار قاتىستى.

اقتوتى رايىمقۇلوۆا سىبايلاس جەمقورلىققا قارسى ءىس-قيمىل شارالارىن جۇزەگە اسىرۋ اياسىندا باستى نازار اقپاراتتىق-تۇسىندىرمە جۇمىستارىنا, ءنورماتيۆتى-قۇقىقتىق بازاسىن جەتىلدىرۋگە جانە «ادالدىق الاڭى» جوبالىق كەڭسەسىنىڭ جۇمىسىن نىعايتۋعا بولىنگەنىن اتاپ ءوتتى.

كەڭەس بارىسىندا «مادەنيەت جانە سپورت مينيسترلىگى – ادالدىق الاڭى» جوبالىق كەڭسەسىنىڭ ناتيجەلەرى تۋرالى ءسوز قوزعالدى. جەتەكشىسى مارات قامزولداەۆ جاز ايلارىندا جوبالىق كەڭسە مۇشەلەرى قوعامدىق ۇيىمداردى تارتۋ ارقىلى مادەنيەت جانە سپورت سالاسىنىڭ جوعارعى وقۋ ورىندارى مەن كوللەدجدەردىڭ قابىلداۋ ەمتيحاندارىنا مونيتورينگ جاساۋعا قاتىسقانىن جەتكىزدى.

اشىقتىق پەن جاريالىلىقتى قامتاماسىز ەتۋ ماقساتىندا اتا-انالارمەن كەرى بايلانىس ورناتىلىپ, كوكەيتەستى سۇراقتاردىڭ بارىنە جاۋاپ بەرىلدى. ناتيجەسىندە تۇڭعىش رەت ەشقانداي شاعىم تۇسپەدى. بۇل باستاما جالعاسىن تاباتىن بولادى.

ودان بولەك, كامزولداەۆ جوبالىق كەڭسە كۇشىمەن بيزنەس-ۇردىستەر مەن سىبايلاس جەمقورلىق تاۋەكەلدەرىنىڭ الدىن الۋدىڭ ناقتى شارالارىن ازىرلەۋ ءۇشىن قازاق ۇلتتىق ونەر ۋنيۆەرسيتەتىندە سىبايلاس جەمقورلىققا قارسى اۋديت وتكىزىلگەنىنە توقتالدى. مۇنداي تاجىريبە كەزەڭىمەن مينيسترلىككە قاراستى وقۋ ورىندارىنا, سونداي-اق تەاترالدى-كونتسەرتتىك ۇيىمدارعا ەنگىزىلەدى.

ا.شپەكباەۆ كەزدەسۋ بارىسىندا: «مادەنيەت, سپورت جانە تۋريزم – حالىقتىڭ ايناسى. بۇل سالاداعى جەمقورلىق تۇتاستاي مەملەكەتتىڭ ابىرويىنا نۇقسان كەلتىرەدى», دەپ پىكىر ءبىلدىردى.

اگەنتتىك توراعاسى مينيسترلىك باسشىلىعىن ءار وڭىردەگى مادەنيەت ۇيلەرى مەن كلۋبتارىن دامىتۋعا, فيلم دۋبلياجدارىنىڭ ساپاسىن ارتتىرۋعا جانە مەملەكەتتىك ءتىلدىڭ لاتىن قارپىنە كوشۋ جۇمىستارىنا قوعام وكىلدەرىن تارتۋعا, ءتۋريزمنىڭ ينفراقۇرىلىمىن جاقسارتۋعا شاقىردى.

سىبايلاس جەمقورلىققا قارسى زاڭنامالىق باستامالاردى ءتۇسىندىرۋ بارىسىندا ۆەدومستۆو باسشىسى جەمقورلىق قۇقىقبۇزۋشىلىقتارى ءۇشىن جەكە جاۋاپكەرشىلىك نورمالارىن بىلە تۇرىپ, الدىن الۋ شارالارىن قولدانباعان باسشىلارعا قاتىستى جازانىڭ قاتاڭدىعىن ەسكەرتتى.

اگەنتتىك تاراپىنان سپورت كوميتەتىنە ءوزىنىڭ باعىنىستى مەكەمەلەرىمەن بىرگە بۇۇ ەسىرتكى جانە قىلمىس باسقارماسىنىڭ «سپورتتى جەمقورلىق پەن قىلمىستان قورعاۋ» باعدارلاماسى اياسىنداعى ءىس-شارالارعا قاتىسۋ تۋرالى ۇسىنىس ايتىلدى.

اتالعان حالىقارالىق ۇيىممەن «پاراساتتىلىق جاي-كۇيى: قوعامدىق (مەملەكەتتىك) ۇيىمدارداعى سىبايلاس جەمقورلىق تاۋەكەلدەرىن باعالاۋدى وتكىزۋدىڭ نۇسقاۋلىعى» ارنايى ۇسىنىم قۇجاتى ازىرلەنگەنىن اتاپ ءوتۋ كەرەك.

وقۋ ناتيجەسى بويىنشا ءتيىستى ۇيىمداردىڭ بارلىق دەڭگەيدە سپورت «تازالىعىن» قامتاماسىز ەتۋ پوتەنتسيالىنىڭ كۇشەيۋى, سونداي-اق جوبا اياسىندا مەكەمەلەرمەن قاتار, ءىرى سپورت ءىس-شارالارىن وتكىزۋ بارىسىندا سىبايلاس جەمقورلىق تاۋەكەلدەرىنىڭ ىشكى تالداۋىن ۇيىمداستىرۋ كۇتىلۋدە.

كەڭەس سوڭىندا ا. رايىمقۇلوۆا اگەنتتىك ۇسىنىمدارىنىڭ نەگىزىندە سىبايلاس جەمقورلىقتىڭ الدىن الۋ جانە پاراساتتىلىق قاعيدالارىن ناسيحاتتاۋ باعىتتارى بويىنشا كەشەندى جوسپار ازىرلەنەتىنىن جەتكىزدى.

مينيسترلىك وسى باعىتتا قوسقان ۇلەسى رەتىندە ەكى كوركەم ءفيلمنىڭ ءتۇسىرۋ جۇمىستارىن اياقتاۋدا. كەلەر جىلى قوس تۋىندى كورەرمەندەر نازارىنا ۇسىنىلادى.