بەك ەير ۇشاق اپاتىنا 1 جىل ۋاقىت بولسا دا الدىن الا بيلەت العان جولاۋشىلار ورىندالماعان رەيستەردىڭ اقشاسىن ءالى كۇنگە دەيىن قايتارا الماي ءجۇر, دەپ حابارلايدى Egemen.kz
كومپانيانىڭ ولارعا بەرەشەگى 100 ميلليون تەڭگەدەن اسادى. بۇگىن وسى ىسكە قاتىستى تالعار اۋدانىندا كەزەكتى سوت وتىرىسى ءوتتى. وندا تاراپتاردىڭ جيناعان ماتەريالدارى مەن دايەككوزدەرى تولىق ەمەس بولعاندىقتان كەيىنگە شەگەرىلدى.
ايتا كەتەيىك, گۇلدالا ەلدىمەكەنىندە 95 جولاۋشىسى جانە 5 ەكيپاج مۇشەسى بار ۇشاقتىڭ اپاتقا ۇشىراعىنىنا ءبىر جىل تولدى. اۋەجاي اۋماعىنا جاقىن تۇستاعى ۇيگە بارىپ سوعىلعان اپات سالدارىنان 12 ادام قازا تاۋىپ, 29 ادام جاراقات الدى. 51 ادام جاقىن ماڭايداعى اۋرۋحانالارعا جەتكىزىلگەن ەدى.
قايعىلى وقيعادان كەيىن بەك ەير اۋە كومپانياسىنا تيەسىلى فوككەر-100 ۇشاعىنىڭ قىزمەتى توقتاتىلىپ, كوميتەت ۇشۋ جونىندە سەرتيفيكاتىن قايتارىپ العان بولاتىن.