ازيا دامۋ بانكى كۆازيمەملەكەتتىك سەكتورعا رەسپۋبليكانىڭ اۆتوموبيل جولدارى سالاسىن جاقسارتۋ ءۇشىن العاش رەت گرانتتىق قارجىلاندىرۋ ءبولىپ وتىر, دەپ حابارلايدى Egemen.kz.
باعدارلامانى ىسكە اسىرۋدى قر يدم اۆتوموبيل جولدارى كوميتەتى جول اكتيۆتەرىنىڭ ۇلتتىق ساپا ورتالىعى ۇيلەستىرەتىن بولادى.
حالىقارالىق قارجى ينستيتۋتتارى قازاقستاندا اۆتوموبيل جولدارىن سالۋ, قايتا قۇرۋ, جوندەۋ جانە كۇتىپ-ۇستاۋ كەزىندە جۇمىستار مەن ماتەريالداردىڭ ساپاسىنا ساراپتاما جۇرگىزۋ ءۇشىن, سونداي-اق جول اكتيۆتەرىن باسقارۋ ءۇشىن مامانداندىرىلعان جول قۇرىلىمىن قۇرۋ يدەياسىن جوعارى باعالادى.
2019 جىلى قۇرىلعان قر يدم اۆتوموبيل جولدارى كوميتەتى جول اكتيۆتەرىنىڭ ۇلتتىق ساپا ورتالىعى ءوز جۇمىسىنىڭ تيىمدىلىگىن كورسەتىپ ۇلگەردى. ازيا دامۋ بانكى ورتالىققا ونىڭ ءارى قاراي فۋنكتسيونالدىق دامۋى مەن ساپانى باقىلاۋدى جاقسارتۋى ءۇشىن ارنايى گرانتىن ءبولىپ وتىر. قارجىلاندىرۋ باعدارلاماسى نورماتيۆتىك-قۇقىقتىق بازانى, نورماتيۆتىك-تەحنيكالىق قۇجاتتامانى جەتىلدىرۋگە, جول قاۋىپسىزدىگىن ارتتىرۋعا, سونداي-اق جول سالاسىنداعى سىبايلاس جەمقورلىق تاۋەكەلدەرىن ازايتۋعا باعىتتالعان.
جۇمىس بارىسىندا ازيا دامۋ بانكى باعدارلامانى باسقاراتىن بولادى. بۇدان بولەك, كونسۋلتانتتاردى تارتىپ, سەمينارلار وتكىزەدى. سونداي-اق, جوبانىڭ بارلىق ناتيجەلەرىنىڭ ساپاسى مەن ۇيلەستىرىلۋىن قامتاماسىز ەتپەك.
باعدارلامانى ىسكە اسىرۋ 2021 جىلدىڭ باسىندا باستالادى دەپ كوزدەلىپ وتىر. ول 1,5 جىلعا ەسەپتەلگەن.