الماتىدا قىلمىس بارلىق باعىت بويىنشا 47,8%-عا تومەندەدى, دەپ حابارلايدى Egemen.kz. بۇل تۋرالى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ بريفينگتە حابارلادى.
سونىمەن قاتار الماتى قالاسىندا جىل باسىنان بەرى ستاتسيونارلىق پوليتسيا بەكەتتەرىنە جەتى مىڭنان استام ازامات جۇگىنگەن.
«كريمينوگەندىك جاعدايدى ەگجەي-تەگجەيلى تالداۋ نەگىزىندە قالا اكىمىنىڭ تاپسىرماسى بويىنشا 41 ستاتسيونارلىق مودۋلدىك پوليتسيا بەكەتى ورناتىلدى, ونىڭ تورتەۋى تۋريستىك پوليتسياعا ارنالعان جانە 37-ءى ەڭ كريمينوگەندى اۋداندارعا ورنالاستىرىلعان. مودۋلدىك بەكەتتەردە كۇندىز ۋچاسكەلىك ينسپەكتورلار, تۇندە پاترۋلدىك پوليتسيا پولكىنىڭ ەكى ينسپەكتورى قىزمەت اتقارادى. ورناتىلعان مودۋلدىك پوليتسيا بەكەتتەرى قالاداعى قىلمىس جاعدايىنىڭ وڭالۋىنا اسەر ەتتى. ستاتسيونارلىق بەكەتتەر قويىلىپ, جاياۋ پاترۋلدەر سانى كوبەيتىلگەن جەرلەردە قۇقىق بۇزۋشىلىقتاردىڭ ازايۋى بايقالادى, العىس بىلدىرگەن جەرگىلىكتى تۇرعىنداردىڭ كوپتەگەن وڭ پىكىرلەرى بار, بۇل ولاردىڭ جۇمىسىنىڭ تيىمدىلىگىن كورسەتەدى. بۇل اۋدانداردا قىلمىس ورتا ەسەپپەن 60%-عا تومەندەدى», دەدى قانات تايمەردەنوۆ.
ستاتسيونارلىق پوليتسيا بەكەتتەرى ورناتىلعان ساتتەن باستاپ جەتى مىڭنان استام ازامات ءوتىنىش ءبىلدىردى, ولاردىڭ وتىنىشتەرى بويىنشا 43 قىلمىستىق ءىس, 2 مىڭ 200 اكىمشىلىك ءىس قوزعالدى, 816 ءوتىنىش بويىنشا شارالار قابىلداندى, 949 ازاماتقا زاڭگەرلىك كومەك جانە كەڭەستەر بەرىلدى.
جالپى, 2020 جىلدىڭ 11 ايىنىڭ قورىتىندىسى بويىنشا قالادا قىلمىس بارلىق باعىتتار بويىنشا 47,8% تومەندەدى. سونىمەن قاتار مودۋلدىك پوستتار ورناتىلعان جەرلەردە قىلمىس دەڭگەيى ورتا ەسەپپەن 60% تومەندەدى. قازىرگى ۋاقىتتا تاعى 7 مودۋلدىك پوستتى ءبولۋ ماسەلەسى قاراستىرىلىپ جاتىر.