شىمكەنت قالاسىندا تۇرعىنداردى باسپانامەن قامتۋ ماقساتىندا تۇرعىن ءۇي قۇرىلىسى قارقىندى ءجۇرىپ جاتىر, دەپ حابارلايدى Egemen.kz
بۇگىندە شاھاردا الاڭى 1 ملن شارشى مەتردەن استام 14 224 پاتەرلى 262 كوپ قاباتتى تۇرعىن ءۇيدىڭ قۇرىلىسى ءجۇرىپ جاتىر. سونىڭ ىشىندە جەكە قۇرىلىسشىلار ەسەبىنەن 6 147 پاتەرلى 126 كوپقاباتتى تۇرعىن ءۇي دە بار.
پرەزيدەنت جولداۋىندا ازاماتتاردىڭ الەۋمەتتىك ءال-اۋقاتى, ەڭ الدىمەن باسپانا ماسەلەسىنە تىكەلەي بايلانىستى ەكەنىن ايتقان ەدى. وسىعان وراي شىمكەنت قالاسىندا بيۋدجەت ەسەبىنەن 8077 پاتەرلى 136 كوپقاباتتى تۇرعىن ءۇيدىڭ قۇرىلىسى جۇرگىزىلىپ وتىر. جىل سوڭىنا دەيىن 280 پاتەرلى 5 جالدامالى, 4 461 پاتەرلى 77 نەسيەلىك تۇرعىن ءۇيدىڭ قۇرىلىسى اياقتالادى.
قۇرىلىس باسقارماسىنىڭ مالىمەتىنە سايكەس, بيىل قالادا قۇرىلىس جۇمىسى بويىنشا جاقسى كورسەتكىشكە قول جەتكىزگەن. 11 ايدا 103,3 ملرد تەڭگەگە قۇرىلىس جۇمىسى جۇرگىزىلىپ, وتكەن جىلدىڭ سايكەس كەزەڭىمەن سالىستىرعاندا 159,3 پايىزعا جەتكەن.
قوسىمشا سۇراقتار بويىنشا تەگىن 109 بىرىڭعاي بايلانىس نومىرىنە حابارلاسۋعا بولادى.