2021 جىلى تۇركىستان وبلىسىندا قۇرىلىسى «قازاقستاننىڭ دامۋ بانكى» اق قارجىلاندىرعان «كەرۋەن-ساراي» كوپفۋنكتسيونالدى جاڭا تۋريستىك كەشەنى سالىنادى, دەپ حابارلايدى Egemen.kz.
جوبانىڭ جالپى قۇنى – 87 ملرد تەڭگە, بۇل رەتتە قدب قارىزىنىڭ كولەمى 20 جىل مەرزىمگە 40 ملرد تەڭگەنى, ال قارىز الۋشىنىڭ مەنشىكتى قاتىسۋ ۇلەسى - 47 ملرد تەڭگەنى قۇرادى. بانكتىڭ قارجى قاراجاتى جابدىقتاردى ساتىپ الۋعا, سونداي-اق قۇرىلىس-مونتاجداۋ جۇمىستارىنا باعىتتالعان.
مامىلە تۇركىستان وبلىسىنىڭ الەۋمەتتىك-ەكونوميكالىق دامۋىنىڭ 2024 جىلعا دەيىنگى كەشەندى جوسپارى اياسىندا جۇزەگە اسىرىلدى.
بيىل تۋريزم سالاسى بۇكىل الەمدە پاندەميانىڭ تەرىس ىقپالىنا ۇشىراعانىنا قاراماستان, قازاقستاننىڭ ىشكى جانە سىرتقى ءتۋريزمدى دامىتۋ بويىنشا ۇلكەن الەۋەتى, سونداي-اق الەمدىك قوعامداستىققا باي تابيعي الەم ۇسىنۋ مۇمكىندىگى بار. اتاپ ايتقاندا, تۇركىستان قالاسى ۇلى جىبەك جولىنىڭ ءدال ورتاسىندا ورنالاسقان جانە باي تاريحى مەن ەكونوميكالىق دامۋ الەۋەتى بار تۇركى الەمىنىڭ رۋحاني استاناسى بولىپ تابىلادى.
«كەرۋەن-ساراي» تۋريستىك كەشەنى تۋريستەر تۇركىستان تاريحىمەن, قازاقستاننىڭ مادەنيەتىمەن, تاريحي تۇلعالارىمەن جانە ۇلتتىق سپورتىمەن جاقىنىراق تانىسا الاتىن وڭىردەگى ەڭ اۋقىمدى جوبا بولادى.
«كاراۆان-ساراي» كوپفۋنكتسيونالدى تۋريستىك كەشەنى 115 نومىرگە ەسەپتەلگەن پرەميۋم كلاستى ەكى قوناق ءۇيدى, جىلىنا 300 مىڭ ادام جۇرەرلىك ساۋدا جانە وتباسىلىق-ويىن-ساۋىق ورتالىقتارىن, سونداي-اق پانورامالىق اتتراكتسيوندى, spa-ورتالىقتاردى, كينوتەاتردى جانە فۋد-كورتتى قامتيدى.
ينۆەستيتسيالىق جوبانى 2021 جىلدىڭ 1 توقسانىندا پايدالانۋعا بەرۋ جوسپارلانۋدا, تاپسىرىس بەرۋشى – «Turkistan Silk Way Harbor» جشس.
ايتا كەتەيىك, 2018 جىلى تۇركىستان وبلىس ورتالىعى مارتەبەسىن الدى, بۇل ءوڭىردىڭ قارقىندى دامۋىنا ىقپال ەتتى. ساۋدا بەلسەندىلىگىن ارتتىرۋ جانە حالىقتىڭ ءوسۋى ءۇشىن قالانى دامىتۋعا ۇكىمەت 2024 جىلعا دەيىن 1 ترلن تەڭگەدەن استام ينۆەستيتسيا سالۋدى جوسپارلاپ وتىر.