اتىراۋ وبلىسىندا ءۇش تاۋلىكتە 344 ادام كوروناۆيرۋسقا شالدىقتى, دەپ حابارلايدى Egemen.kz. وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتىنىڭ مالىمەتىنشە, 25 جەلتوقساندا 79, ال 26 جەلتوقساندا 132 ادام كوروناۆيرۋس ينفەكتسياسىنا شالدىققان ەدى. ەندى سولاردىڭ قاتارىنا تاعى 133 ناۋقاس قوسىلدى.
«وتكەن تاۋلىكتە 133 ادامنىڭ كوروناۆيرۋس ينفەكتسياسىنا شالدىققانى انىقتالدى. ونىڭ ىشىندە 38 ناۋقاس اتىراۋ قالاسىندا تىركەلدى. ال جىلىوي اۋداىندا 5, قىزىلقوعادا – 2, يندەردە – 6, ماقاتتا – 3, قۇرمانعازى اۋدانىندا 8 ادامنان سovid-19 ينفەكتسياسى انىقتالدى. تەڭىز كەنىشىندە 71 جۇمىسشىدان كوروناۆيرۋس بەلگىسى تابىلدى. قاۋىپتى ىندەت 36 ناۋقاستا سيمپتومدى تۇردە وتۋدە» دەپ حابارلادى باسقارمانىڭ ءباسپاسوز قىزمەتى.
وتكەن تاۋلىكتە 25 ادام كوروناۆيرۋس ينفەكتسياسىنان ەمدەلىپ شىقتى. ءۇي جاعدايىندا ەمدەلۋشىلەردىڭ قاتارىن 330 ادام قۇراپ وتىر.
وبلىستىق ينفەكتسيالىق ستاتسيوناردا 119, اۋداندارداعى ينفەكتسيالىق ستاتسيونارلاردا 22 پاتسيەنت ەمدەلۋگە جاتقىزىلىپتى. ال تەڭىز كەنىشىندەگى ينفەكتسيالىق ستاتسيوناردا 516 ادام ەمدەلىپ جاتىر