بۇگىن قازالى اۋدانى اكىمدىگىنىڭ ءماجىلىس زالىندا ەنەرگەتيكا سالاسى قىزمەتكەرلەرىنىڭ كاسىبي مەرەكەسىنە وراي اۋدان اكىمى مۇرات ەرگەشباەۆ سالا قىزمەتكەرلەرى مەن ارداگەرلەرىن مەرەكەمەن قۇتتىقتادى, دەپ حابارلايدى Egemen.kz.
مەرەكەلىك جيىن بارىسىندا ەنەرگەتيكا سالاسىنىڭ ماماندارى مەن ەڭبەك سىڭىرگەن قىزمەتكەرلەرىنە, سالانىڭ باستاۋ العان ساتىندە تىنىمسىز ەڭبەكتەرىمەن ونىڭ دامۋىنا زور ۇلەس قوسقان ارداگەرلەرگە ەرەكشە قۇرمەت كورسەتىلدى.
«ەنەرگەتيكتەر كۇنى» مەرەكەسىنە وراي قازاقستان ەلەكتر ەنەرگەتيكالىق قاۋىمداستىعىنىڭ «ارداگەر ەنەرگەتيك» توسبەلگىسىمەن قوڭىربەك اجىمبەتوۆ, قازاقستان ەنەرگەتيكتەرىنىڭ سالالىق كاسىپوداعىنىڭ «قۇرمەت» بەلگىسىمەن اۋداندىق ەلەكتر تورابىنىڭ ينجەنەرى سەرىك ايتجان ماراپاتتالدى.
سونىمەن قاتار, بىرقاتار سالا قىزمەتكەرلەرگە وبلىس اكىمى مەن ورىنباسارىنىڭ جانە اۋدان اكىمىنىڭ, وبلىستىق ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسى باسشىسىنىڭ «العىس حاتى» تابىستالدى.