تۇركىستان وبلىسىندا ءبىر جىل بۇرىن بولعان توناۋ ىسىنە قاتىستى كۇدىكتى ۇستالدى, دەپ حابارلايدى Egemen.kz. پوليتسيانىڭ حابارلاۋىنشا, كەلەس اۋدانى پوليتسياسىنا 2019 جىلدىڭ قازان ايىندا جەرگىلىكتى تۇرعىن ارىزدانىپ كەلگەن.
جابىرلەنۋشى ەر ادامنىڭ ايتۋىنشا, كەشكى ساعات 20:30 شاماسىندا ونىڭ ۇيىنە بەلگىسىز ازامات زاڭسىز كىرىپ, ۇستەل ۇستىندە تۇرعان وررو ماركالى ۇيالى تەلەفونىن اشىق تۇردە الىپ كەتكەن. قارسىلىعىنا قاراماستان دورەكىلىك تانىتىپ, ياعني بوتەننىڭ مۇلكىن يەمدەنىپ, قاشىپ كەتكەن.
كەلتىرىلگەن جالپى شىعىن كولەمى 100 مىڭ تەڭگە.
پوليتسيا قىزمەتكەرلەرى اتالعان جايتتى قر قك-ءنىڭ 191-بابى (توناۋ) بويىنشا سوتقا دەيىنگى تەرگەپ-تەكسسەرۋدىڭ بىرىڭعاي تىزىلىمىنە تىركەدى. وقيعا ورنىنا كەلەس پوليتسيا ءبولىمىنىڭ تاجىريبەلى ءتارتىپ ساقشىلارىنان قۇرىلعان جەدەل-تەرگەۋ توبى جىبەرىلدى.
اشىق تۇردە تۇرعىندى توناعان كۇدىكتىگە رەسپۋبليكا كولەمىندە ىزدەۋ جاريالاندى. كەلەس اۋداندىق سوتىمەن وعان سىرتتاي كۇزەتپەن ۇستاۋ تۇرىندەگى بۇلتارتپاۋ شاراسى تاعايىندالدى.
جىلعا جالعاسقان جەدەل-ىزدەستىرۋ ءىس-شارالارىنىڭ ناتيجەسىندە كەلەس اۋدانىنىڭ پوليتسيا قىزمەتكەرلەرى توناۋ قىلمىسىنا قاتىسى بار كۇدىكتىنىڭ ىزىنە شىقتى. كۇدىككە ىلىنگەن ازامات نۇر-سۇلتان قالاسىنداعى كوشەلەردىڭ بىرىندە قولعا ءتۇستى.
ۇستالعان جاس جىگىت پوليتسيا بولىمىنە جەتكىزىلدى. ول جەرگىلىكتى تۇرعىن بولىپ شىقتى. كۇدىكتى قىلمىس جاسايتىن كۇنى كوشە بويىندا ماس حالدە كەلە جاتىپ, وزگەنىڭ اشىق تۇرعان قاقپاسى ارقىلى كىرگەن. توناۋ جولىمەن الىنعان ۇيالى تەلەفوندى 40 مىڭ تەڭگەگە ساتىپ جىبەرىپ, سول اقشامەن نۇر-سۇلتان قالاسىنا كەتكەن.
كۇدىكتى قاماۋعا الىندى. قازىرگى تاڭدا تەرگەۋ امالدارى جۇرگىزىلىپ جاتىر.