قىزىلوردا قالاسىنداعى نازارباەۆ زياتكەرلىك مەكتەبىنىڭ «سامعا» بي توبى لوندوندا وتكەن حالىقارالىق شىعارماشىلىق فەستيۆالىندە 1-ورىن يەلەندى, دەپ حابارلايدى Egemen.kz
قاشىقتان ۇيىمداستىرىلعان فەستيۆالدە كوپتەگەن مەملەكەتتىڭ وكىلدەرىمەن باق سىناسقان جاس زياتكەرلەر قازاق ءبيىن ورىنداپ, ۇزدىك دەپ تانىلدى.
11-سىنىپ وقۋشىسى بايان ساريباەۆا جەكە ورىنداۋدا ەرەكشەلەنىپ, پولشانىڭ «DIGI-TALENTY. JESIEN-2020» حالىقارالىق فەستيۆالىندە «قىز قيالى» اتتى بي قويىلىمىمەن ءبىرىنشى دارەجەلى ديپلوم يەگەرى اتاندى.
ايتا كەتەيىك, «سامعا» بي توبى زياتكەرلىك مەكتەپ جانىنان قۇرىلعان. بۇگىندە ۇجىمنىڭ 50-دەن استام بەلسەندى مۇشەلەرى ءارتۇرلى جانرداعى ءبيدى مەڭگەرىپ, ۇلتتىق ونەر ناسيحاتىنا ۇلەستەرىن قوسىپ ءجۇر.