بۇگىن الماتىدا قالا اكىمى باقىتجان ساعىنتاەۆتىڭ جانە ءبىلىم بەرۋ ۇيىمدارىنىڭ ءبىرىنشى باسشىلارىنىڭ قاتىسۋىمەن قالانىڭ ءبىلىم باسقارماسى القاسىنىڭ وتىرىسى ءوتتى. جۇزدەسۋدە ءبىلىم بەرۋ جۇيەسىن دامىتۋدىڭ وزەكتى ماسەلەلەرى قارالدى, دەپ حابارلايدى Egemen.kz
مەكتەپكە دەيىنگى ءبىلىم بەرۋمەن قامتۋدى ارتتىرۋ بويىنشا جۇرگىزىلىپ جاتقان جۇمىستارعا ەرەكشە نازار اۋدارىلدى. مەكتەپكە دەيىنگى ءبىلىم بەرۋمەن قامتۋدى ارتتىرۋ بويىنشا جۇرگىزىلىپ جاتقان جۇمىستارعا ەرەكشە نازار اۋدارىلدى.
بالا تۋ كورسەتكىشىنىڭ جوعارى بولۋىنا جانە بەلسەندى كوشى-قون ۇدەرىستەرىنە بايلانىستى اكىمنىڭ تاپسىرماسى بويىنشا بالاباقشالارداعى ورىن تاپشىلىعى مەن كەزەك ماسەلەلەرىن شەشۋ جونىندەگى شارالار كۇشەيتىلدى.
قالالىق ءبىلىم باسقارماسىنىڭ باسشىسى ءلاززات جىلقىباەۆا مەكتەپكە دەيىنگى تاربيەمەن 1 جاستان 6 جاسقا دەيىنگى 65 080 بالا, 3 جاستان 6 جاسقا دەيىنگى 57 020 بالا قامتىلعانىن باياندادى.
كەزەكتى ازايتۋ ءۇشىن كەلەسىدەي شارالار قابىلداندى:
اعىمداعى جىلى 670 ورىندىق 4 مەملەكەتتىك بالاباقشا پايدالانۋعا بەرىلىپ, 120 ورىندىق تاعى 1 مەملەكەتتىك بالاباقشانىڭ قۇرىلىسى اياقتالۋعا جاقىن;
"جۇمىسپەن قامتۋدىڭ جول كارتاسى" اياسىندا 520 ورىندىق تاعى 3 مەملەكەتتىك بالاباقشانىڭ قۇرىلىسى جۇرگىزىلۋدە;
بيىلعى جىلى 1 378 ورىندىق 48 جەكەمەنشىك مەكتەپكە دەيىنگى ۇيىم اشىلدى.
5 جىل ىشىندە 360-قا جۋىق جەكەمەنشىك بالاباقشادا 14 900 ورىنعا ارنالعان مەملەكەتتىك ءبىلىم بەرۋ تاپسىرىسىن كەزەڭ-كەزەڭىمەن ورنالاستىرۋ جوسپارلانىپ وتىر.
سونىمەن قاتار ورىن تاپشىلىعىن تومەندەتۋ ماقساتىندا جەكە ءبىلىم بەرۋ ۇيىمدارىنا جالعا بەرىلگەن مەملەكەتتىك بالاباقشالاردى قايتارۋ بويىنشا شارالار قاراستىرىلعان. وسى جۇمىس اياسىندا اۋەزوۆ اۋدانىنداعى جالعا بەرىلگەن "سكازكا" بالاباقشاسىنىڭ عيماراتى قايتارىلدى, قازىر كۇردەلى جوندەۋ جۇرگىزىلۋدە جانە 2021 جىلى وندا 320 ورىندىق 14 توپ اشىلاتىن بولادى.
ايتا كەتۋ كەرەك, مەگاپوليس اكىمىنىڭ باستاماسىمەن جەرگىلىكتى بيۋدجەت ەسەبىنەن جەكەمەنشىك بالاباقشالاردا اتا-انالاردىڭ تولەمىن سۋبسيديالاۋ بويىنشا شارالار قابىلدانىپ جاتىر.
"جالپى قابىلدانعان شارالار ەسەبىنەن 5 جىل ىشىندە بالاباقشالاردا 20 مىڭنان استام جاڭا ورىن اشۋ جوسپارلانۋدا", دەپ اتاپ ءوتتى ل.جىلقىباەۆا.