ماقتاارال اۋدانىنىڭ پروكۋراتۋراسى مەن "اتامەكەن" كەدەندىك بەكەتىنىڭ قىزمەتكەرلەرى جەدەل ىزدەستىرۋ شارالارى بارىسىندا قازاقستان رەسپۋبليكاسىنان وزبەكستان رەسپۋبليكاسىنا 7 جاساندى تىنىس الۋ اپپاراتىن كونتراباندالىق جولمەن جەتكىزبەك بولعان تۇلعالاردى قۇرىقتاعان ەدى, دەپ حابارلايدى Egemen.kz
كۇنى كەشە ماقتاارال اۋدانىنىڭ اكىمى باقىت اسانوۆ پەن اۋداننىڭ پروكۋرورى جۇماعالي بوتابەكوۆ كونترابانداشىلاردان تاركىلەنگەن جاساندى تىنىس الۋ اپپاراتتارىن "مىرزاكەنت" جانە "اتاكەنت" اۋداندىق اۋرۋحانالارىنىڭ باسشىلىعىنا تابىس ەتتى.
اتاپ ايتقاندا, 5-ەۋىن "مىرزاكەنت" اۋداندىق اۋرۋحاناسىنا, 2-ەۋىن "اتاكەنت" اۋداندىق اۋرۋحاناسىنىڭ بالانسىنا وتكىزىپ بەردى.
"كوروناۆيرۋس ينفەكتسياسى اسقىنعان جاعدايدا ادامنىڭ وكپەسىندەگى تىنىس الۋ جولدارىن زاقىمدايدى. ناۋقاسقا وتتەگى جەتىسپەي قينالادى. مىنە, وسىنداي جاعدايدا تىنىس الۋ اپپاراتتارىنىڭ ماڭىزى زور. سوندىقتان بۇل قۇرىلعىلارعا دەگەن سۇرانىس وتە جوعارى جانە وسىنداي زاڭسىزدىقتاردىڭ الدىن الا وتىرىپ ناۋقاستارعا وتە قاجەتتى قۇرىلعىلاردى ءبىزدىڭ مەكەمەمىزگە تابىس ەتكەن پروكۋراتۋرا قىزمەتكەرلەرىنە العىس بىلدىرەمىز", دەيدى "مىرزاكەنت" اۋداندىق اۋرۋحاناسىنىڭ باس دارىگەرىنىڭ ورىنباسارى نۇرجان نۇراشەۆ.