"سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىنە (سالىق كودەكسى) ەنگىزىلگەن تولىقتىرۋلار مەن وزگەتۋلەرگە سايكەس, ەلەكتروندى شوت-فاكتۋرالار جازىپ بەرۋگە مىندەتتى سالىق تولەۋشىلەردىڭ تىزبەسى كەڭەيتىلدى. اتالعان تولىقتىرۋلار سالىق كودەكسىنىڭ 412-بابىنا ەنگىزىلگەن, دەپ حابارلايدى Egemen.kz
ەلەكتروندى شوت-فاكتۋرالار جازىپ بەرۋگە مىندەتتى سالىق تولەۋشىلەردىڭ تىزبەسى كەلەسى ساناتتارمەن تولىقتىرىلادى:
- ەلەكتروندى شوت-فاكتۋرالار اقپاراتتىق جۇيەسىنىڭ "ۆيرتۋالدى قويما" مودۋلىنە كەلىپ تۇسكەن تاۋارلار وسىنداي سالىق تولەۋشىلەرگە وتكىزىلگەن جاعدايدا, قوسىلعان قۇن سالىعىن تولەۋشىلەر بولىپ تابىلمايتىن سالىق تولەۋشىلەر;
- قۇنى 1 000-ەسەلەلەنگەن اەك-تەن اساتىن ازاماتتىق-قۇقىقتىق مامىلە بويىنشا قازاقستان رەسپۋبليكاسىندا قوسىلعان قۇن سالىعىن تولەۋشى رەتىندە تىركەلمەگەن رەزيدەنت-زاڭدى تۇلعالار (مەملەكەتتىك مەكەمەلەر مەن ورتا ءبىلىم بەرەتىن مەملەكەتتىك ۇيىمداردى قوسپاعاندا), قىزمەتىن فيليال, وكىلدىك ارقىلى جۇزەگە اسىراتىن بەيرەزيدەنتتەر, دارا كاسىپكەرلەر, جەكە پراكتيكامەن اينالىساتىن ادامدار;
- جۇكتەردى حالىقارالىق تاسىمالداۋ قىزمەتتەرىن كورسەتەتىن سالىق تولەۋشىلەر.
تۇزەتۋلەر 2021 جىلدىڭ 1 ساۋىرىنەن باستاپ قولدانىسقا ەنەدى.