اقتاۋدا دزيۋدودان قازاقستان چەمپيوناتى اياقتالدى. ءتورت كۇنگە سوزىلعان تارتىستى باسەكەگە نۇر-سۇلتان, الماتى جانە شىمكەنت قالالارى مەن ەلىمىزدىڭ 14 وبلىسىنان 273 تاتامي شەبەرى قاتىستى, دەپ حابارلايدى Egemen.kz
ايەلدەر اراسىندا 57 كەلىدە شىمكەنتتىك سەۆارا نيشانباەۆا قارسىلاس شاق كەلتىرمەدى. جەرلەسىمىز وسىلايشا ءۇش دۇركىن قازاقستان چەمپيونى اتاندى. فينالدا وعان ەسە جىبەرگەن اقتوبەلىك ب.قۇساقباەۆا ەكىنشى ورىنعا يە بولدى. اتالعان سالماق دارەجەسىندە قولا جۇلدەنى الماتى وبلىسىنىڭ وكىلى گ.نۇردينوۆا مەن اقتوبەلىك ن.جارمانوۆا ءوزارا ءبولىستى.
ەرلەر اراسىندا 90 كەلىگە دەيىنگى سالماقتا باق سىناعان شىمكەنتتىك ەرسۇلتان مۇزاپپاروۆ كۇمىس جۇلدەگە قول جەتكىزدى. بۇل سالماقتا تۇركىستان وبلىسىنىڭ وكىلى ديدار حامزا توپ جارسا, ءۇشىنشى ورىندى اسلان ساعيتبەك (قوستاناي وبلىسى) پەن ادىلەت ميسين (اقتوبە وبلىسى) ەنشىلەدى.
ايتا كەتەيىك, وسى قازاقستان چەمپيوناتى ناتيجەسىندە ەلىمىزدىڭ جاڭا ۇلتتىق قۇراماسى جاساقتالماق.