الماتى وبلىسى كوپسالالى كلينيكالىق اۋرۋحاناسىندا جاڭا تۋعان نارەستەلەرگە ارنالعان پاتولوگيا ءبولىمى اشىلدى. ەندى مۇندا شۇعىل مەديتسينالىق كومەكتى قاجەت ەتەتىن سابيلەرگە بارلىق جاعداي جاسالادى, دەپ حابارلايدى Egemen.kz.
بۇل اۋرۋحانادا وسىعان دەيىن پاتولوگيا ءبولىمى بولماعان. اۋىر جاعدايدا بوسانعان انالاردى, شالا تۋعان بالالاردى قالاداعى بالالار اۋرۋحاناسىنا, ارنايى عىلىمي ورتالىقتارعا اپارۋ كەرەك بولاتىن. بۇدان بىلاي بۇل وزەكتى ماسەلەنىڭ ءتۇيىنى شەشىلدى, دەپ حابارلادى وبلىس اكىمدىگىنىڭ ءباسپاسوز قىزمەتى.الماتى كوپسالالى كلينيكالىق اۋرۋحاناسى الماتى وبلىسىنداعى ءىرى مەديتسينالىق مەكەمە. بۇل مەكەمەنى دارىگەر, مەديتسينا عىلىمىنىڭ كانديداتى, دوتسەنت قارلىعاش جۇبانىشەۆا باسقاراتىن بولادى. قالعان دارىگەرلەر دە شەت ەلدەردە ءبىلىمىن شىڭداعان بىلىكتى ماماندار.
مۇندا ۋلترادىبىستىق زەرتتەۋ اپاراتتارى, جاساندى تىنىس الۋ قۇرىلعىلارى جانە باسقا دا قۇرال-جابدىقتار بار.جاڭادان اشىلعان ءبولىم 10 ورىنعا ارنالعان.