ەلوردا اكىمى مۇعالىمدەردىڭ باسپانا ماسەلەسى قالاي شەشىلەتىنىن ايتتى

كولگىنوۆتىڭ ايتۋىنشا, مۇعالىمدەردىڭ جالاقىسى جىل سايىن 25%-كە وسەدى. سونداي-اق, ولاردىڭ تۇرمىستىق جاعدايىن جاقسارتۋ بويىنشا دا شارالار قابىلدانىپ جاتىر.

«مۇعالىمدەر ءبىلىم ساپاسىن عانا ويلاۋى ءۇشىن وقۋ ورىندارىن جۇيەلى تۇردە سالۋ كەرەك. بيىل مەكتەپ قۇرىلىسى قارقىنىنىڭ ارتۋىنا بايلانىستى ءۇش اۋىسىمدى مەكتەپتەر سانىن 8-دەن 4-كە دەيىن, تولى رەجيمدەگى مەكتەپتەردى 22-دەن 14-كە دەيىن ازايتا الدىق», دەپ جازدى قالا اكىمى.

سونىمەن قاتار  5 جىل كەزەڭگە ارنالعان كەشەندى جوسپار اياسىندا 50 مەملەكەتتىك مەكتەپ قۇرىلىسى جوسپارلانىپ وتىر.

ۇستازداردىڭ باسپانا جاعدايىن شەشۋ ءۇشىن دە شارالار قابىلدانادى.

«مەملەكەت باسشىسى «پەداگوگ مارتەبەسى تۋرالى» زاڭ قابىلدادى. بيىلعى 1 قاڭتاردان باستاپ مۇعالىمدەردىڭ جالاقىسى 25%-عا ءوستى, الداعى جىلدارى دا ەڭبەكاقى ارتادى. تۇرعىن ءۇي سەرتيفيكاتتارى تەگىن بەرىلەدى. قازاقستان يپوتەكا كومپانياسىمەن بىرلەسىپ, ءبىر مىڭ الەۋمەتتىك پاتەر تاپسىرامىز. ولاردى الۋشىلار قاتارىندا ءبىلىم سالاسىنىڭ ماماندارى دا بار. 2019 جىلى مۇعالىمدەرگە جاتاقحانا سالىپ بەردىك», دەدى ول.

اكىمنىڭ ايتۋىنشا, «مۇعالىم» ماماندىعى بويىنشا گرانتتار سانىن كوبەيدى, تەگىن بىلىمگە شامامەن 900 گرانت ءبولىندى.