ۇلى عۇلاما ءابۋ ناسىر ءال-ءفارابيدىڭ 1150 جىلدىعى مەن حالقىمىزدىڭ ءبىرتۋار پەرزەنتى اباي قۇنانباي ۇلىنىڭ 175 جىلدىعىنا وراي قر سىرتقى ىستەر مينيسترلىگى اقشتاعى قازاقستاندىق ديپوكىلدىكتەرىمەن بىرلەسىپ, ءا. ءالىمجانوۆتىڭ «ۇستازدىڭ ورالۋى» جانە ج. ءابديلديننىڭ «اباي ۇلى ويشىل جانە گۋممانيست» اتتى كىتاپتارىن اعىلشىن تىلىندە جارىققا شىعاردى.
كىتاپتاردىڭ تانىستىرىلىمى ۆاشينگتونداعى اباي ورتالىعى مەن نيۋ-يوركتەگى روتاري كلۋبىندا ءوتتى.
حالقىمىزدىڭ دارىندى جازۋشىسى ءا. ءالىمجانوۆتىڭ «ۇستازدىڭ ورالۋى» رومانى ورتا عاسىرلاردا ءومىر سۇرگەن ۇلى فيلوسوۆ تۋرالى كوركەم ادەبي تىلدە اعىلشىن ءتىلدى وقىرمانعا باياندايدى.
ال كورنەكتى قوعام قايراتكەرى, اكادەميك ج. ءابديلديننىڭ «اباي ۇلى ويشىل جانە گۋممانيست» كىتابى بولسا, ابىز اقىننىڭ ءفالسافاسى جايىندا جازىلعان كىتاپتاردىڭ اعىلشىن تىلىندە جارىق كورگەن تۇڭعىش تۋىندىسى رەتىندە ەرەكشەلەنەدى.
اتالعان شىعارمالار امەريكاندىق وقىرمان قاۋىمىنىڭ قىزىعۋشىلىعىن العاشقى كۇندەرىنەن باستاپ وياتۋدا.