مۇرات باقتيار ۇلىنىڭ توراعالىق ەتۋىمەن وتكەن سەناتتىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا ءبىلىم, قوعامدىق كەڭەستەر, مادەنيەت جانە سپورت جونىندەگى بىرقاتار زاڭ جوبالارى قارالدى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق كەڭەستەردىڭ قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قوعامدىق كەڭەستەر ينستيتۋتىن ودان ءارى دامىتۋعا, مەملەكەتتىك ورگاندار مەن كۆازيمەملەكەتتىك سەكتوردىڭ شەشىمدەر قابىلداۋىنا ازاماتتىق قوعامدى تارتۋ تەتىكتەرىن جەتىلدىرۋگە باعىتتالعان.
وتىرىس بارىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مادەنيەت, دەنە شىنىقتىرۋ جانە سپورت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلاندى. وندا بالالارمەن بىرگە ەرەكشە قاجەتتىلىكتەرى بار ادامداردىڭ سپورت سەكتسيالارىندا جانە شىعارماشىلىق ۇيىرمەلەردە شۇعىلدانۋ مۇمكىندىكتەرىن كەڭەيتەدى, حالىققا ارنالعان سپورت ينفراقۇرىلىمىنىڭ قولجەتىمدىلىگىن قامتاماسىز ەتەدى.
زاڭ ءبىلىم بەرۋدىڭ بارلىق دەڭگەيىندەگى وقۋ باعدارلاماسىنا ۇلتتىق سپورت تۇرلەرىن ەنگىزۋدى كوزدەيدى.
سەنات دەپۋتاتتارى سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى. قۇجات پەداگوگتاردى الەۋمەتتىك قورعاۋدى ارتتىرۋ, ءبىلىم بەرۋ ۇيىمدارىن مەملەكەتتىك قارجىلاندىرۋ, ءبىلىم بەرۋ پروتسەسىن جەتىلدىرۋ جونىندەگى جەكەلەگەن ەرەجەلەردى قامتيدى.
زاڭ جوبالارى پالاتانىڭ قاراۋىنا جىبەرىلدى.