اق جول» پارتياسىنىڭ ۇگىت-ناسيحات توبى ەلوردالىق جاس سايلاۋشىلارمەن كەزدەستى. كەزدەسۋدە پارتيانىڭ سايلاۋالدى باعدارلاماسىندا قامتىلعان وزەكتى ماسەلەلەر كەڭىنەن قوزعالدى.
ءىس-شارا جاڭا تەحنولوگياعا جۇگىنىپ قازاقستان, قىرعىزستان, وزبەكستان, رەسەي بويىنشا تاۋارلاردى جەتكىزۋمەن اينالىساتىن KBT Store كومپانياسىندا ءوتتى. كومپانيادا 18-35 جاس ارالىعىنداعى 1200 ادام جۇمىس ىستەيدى. كاسىپورىندى «100 جاڭا ەسىم» بايقاۋىنىڭ جەڭىمپازى, ءماجىلىس دەپۋتاتتىعىنا كانديدات, اقجولدىق ازات سەمبينوۆ باسقارادى.
ءوز سوزىندە ازات پەرۋاشەۆ «اق جول» پارتياسىنىڭ قۇرداستارىن العاش رەت سايلاۋدا داۋىس بەرۋ قۇقىعىنا يە بولۋىمەن قۇتتىقتادى.
پارتيا كوشباسشىسى سايلاۋالدى باعدارلاما تۋرالى ايتىپ, بيزنەستى قولداۋ جانە الەۋمەتتىك ادىلەتتىلىك بولىمدەرىنە ەرەكشە توقتالدى.
«اق جول» پارتياسى قازاقستاندى مۇمكىندىكتەر مەملەكەتىنە اينالدىرۋعا ۇمتىلۋدا. قازاقستاندا ءومىر ءسۇرۋ جانە جۇمىس ىستەۋ, وتانىمىزدا ءجۇرىپ دامۋ پەرسپەكتيۆالارى جاستارىمىز ءۇشىن كەز كەلگەن باسقا ەلدەرگە قاراعاندا الدەقايدا تارتىمدى بولۋى ءتيىس», دەدى ا.پەرۋاشەۆ.
ول ءوز سوزىندە پارتيانىڭ جاستاردى قولداۋ جونىندەگى باستامالارىنا ەرەكشە نازار اۋداردى. اتاپ ايتقاندا, «اق جولدىڭ» وتباسىلاردىڭ يپوتەكالارىن سۋبسيديالاۋ, اۋىلدارعا قولجەتىمدى سپورت كەشەندەرىنىڭ قاجەتتىلىگى, بالالار مەن جاستارعا ارنالعان تەگىن سپورت سەكتسيالارى, جۇمىسشى جاستارعا ارنالعان قولجەتىمدى تۇرعىن ءۇي سالۋ تۋرالى ۇسىنىستارىن العا تارتتى.
پارتيا باسشىسى جاستاردى ءاربىر كەزەكتى بالانىڭ دۇنيەگە كەلۋىن كەزەڭ-كەزەڭىمەن ىنتالاندىرۋ كەرەك دەگەن پىكىردە. «اق جول» پارتياسى ءبىرىنشى بالا تۋعان كەزدە جانە ودان ءارى ءاربىر كەلەسى بالا تۋعاندا 25%-عا سۋبسيديالاپ, 4-ءشى بالا دۇنيەگە كەلگەندە وتباسىنىڭ يپوتەكاسىن 0%-عا دەيىن تومەندەتە وتىرىپ, كوپ بالالى وتباسى ساناتىنا اۋىستىرۋدى 2012 جىلدان باستاپ كوتەرىپ كەلەدى.
كەزدەسۋدە قالالارعا كوشەتىن اۋىل جاستارىن قولداۋ ءۇشىن اكىمدىكتەردىڭ شاعىن وندىرىستەرگە, ءبىلىم بەرۋ مەكەمەلەرىنە جانە الەۋمەتتىك ينفراقۇرىلىمعا ارنالعان ءۇي-جايلارى بار ىقشام الەۋمەتتىك تۇرعىن ۇيلەردى جاپپاي سالىنۋى ماسەلەسى دە ايتىلدى.
– مۇنداي تۇرعىن ءۇي قاراپايىم جانە ارزان بولۋى كەرەك, سوندىقتان جاستار قالادا بەيىمدەلىپ, ءبىلىم الىپ, جۇمىس ىستەي باستايدى, اياققا تۇرىپ, وزدەرىنە ىڭعايلى جاعداي جاساۋعا مۇمكىندىك الادى, – دەيدى پارتيا توراعاسى ازات پەرۋاشەۆ.
كەزدەسۋ بارىسىندا قازاقستاننىڭ بولاشاعى جاستاردى قولداۋ بۇگىنىمىز بەن ەرتەڭىمىز ءۇشىن وتە ماڭىزدى ماسەلە ەكەنى كەڭىنەن ءسوز بولدى.
ءوز كەزەگىندە جيىنعا قاتىسۋشى جاستار دا تولعاندىرعان ساۋالدارىن قويدى.
وسىعان دەيىن وڭىرلەردەگى كاسىپكەرلەر مەن ءوندىرىس ورىندارىن ارالاعان «اق جول» پارتياسىنىڭ سايلاۋالدى ۇگىت-ناسيحات توبى ەلوردالىق جاستاردى نازارعا الدى.