اقتاۋدا دزيۋدودان ەرلەر مەن ايەلدەر اراسىندا وتكەن قازاقستان چەمپيوناتى ءوز مارەسىنە جەتتى. ەڭ سوڭعى جۇلدەلەر جيىنتىعىن اسا اۋىر سالماقتاعى بالۋاندار ساراپقا سالدى, دەپ حابارلايدى Egemen.kz.
الىپتاردىڭ ايقاسى كىل مىقتىلاردىڭ باسىن قوستى. سولاردىڭ اراسىندا ءتۇرلى حالىقارالىق دودالاردا ىسىلعاندار جانە ءار جىلدارى «قازاقستان بارىسى» تۋرنيرىندە ونەر كورسەتكەن تۇيە بالۋاندار دا بولدى.
بۇل تارتىستا شىعىستىڭ شىمىر جىگىتتەر وزدەرىنىڭ مىقتىلىعىن مويىنداتتى. فينالدىق سايىستا قوس كوماندالىق ارىپتەس كۇش سىناستى. وزىنەن الدەقايدا ەڭسەلى ءارى تاجىربەلى ەراسىل قاجىباەۆتى قاپى قالدىرعان ءادىل ورازباەۆ باس جۇلدەنى قانجىعاسىنا بايلادى. ال جامبىلدىق عالىمجان قىرىقباي مەن قىزىلوردالىق ەلامان ەرعاليەۆ قولا مەدالدى ەنشىلەدى.