قىزىلوردا وبلىسى قازالى اۋدانى بەكارىستان بي اۋىلىنداعى اۋىز سۋ سەرۆيستىك جەلىگە قوسىلدى. بۇل ماسەلە ەلباسىنىڭ باستاماسىمەن قولعا الىنعان «اۋىل – ەل بەسىگى» ارنايى جوباسى اياسىندا جۇزەگە اسىپ وتىر, دەپ حابارلايدى Egemen.kz.
ناتيجەسىندە ەلدى مەكەندەگى 3 الەۋمەتتىك نىسان مەن 454 تۇرعىن ۇيگە اۋىز سۋ تارتىلدى. وسىلايشا بۇعان دەيىن ءبىرشاما قيىنشىلىقتاردى كورگەن تۇرعىندار باسپانالارىنا سۋ كىرگىزىپ الدى.
ايتا كەتەيىك, جىلدىڭ باسىندا قازالى اۋدانىندا اۋىز سۋ سەرۆيستىك جەلىگە قوسىلماعان 3 ەلدى مەكەن بولاتىن. بۇگىنگى كۇنى ولاردىڭ سانى ەكەۋگە قىسقارىپ وتىر. قازىر جانقوجا باتىر مەن مايداكول اۋىلدارىنداعى اۋىز سۋدى سەرۆيستىك جەلىگە قوسۋ جۇمىستارى باستالىپ كەتتى. ونداعى قۇرىلىس جۇمىستارى كەلەسى جىلى اياقتالادى.