الماتىدا ەسىرتكى ساتقان قىلمىستىق توپ انىقتالدى

ماقساتتى جەدەل-ىزدەستىرۋ شارالارىن جۇرگىزۋ كەزىندە الماتى قالاسىندا «گاشيش» ەسىرتكىسىن ساتۋمەن جانە تاراتۋمەن اينالىسقان جەتى ادامنان تۇراتىن توپ ۇستالدى.

ء«بىزدىڭ ءبولىمنىڭ قىزمەتكەرلەرى جەدەل-ىزدەستىرۋ شارالارىن جۇرگىزۋ بارىسىندا قر قك-ءنىڭ 297-بابى 3-بولىمىمەن تىركەلگەن قىلمىستىق ءىس شەڭبەرىندە ا. ەسىمدى ازاماتتىڭ الماتى قالاسىنىڭ اۋماعىندا بولا تۇرا, ەسىرتكى زاتتاردى زاڭسىز ساقتاۋ جانە ساتۋ ماقساتىندا 2018 جىلدىڭ قاراشاسىنان 2020 جىلدىڭ اقپانىنا دەيىن ۇيىمداسقان توپ قۇرىپ, وعان جەتەكشىلىك ەتتى», دەپ حابارلادى الماتى قالالىق پد ەسىرتكى قىلمىستارىمەن كۇرەس باسقارماسىنىڭ باستىعى ەرلان الماعامبەتوۆ.

اتالعان فاكت بويىنشا قىلمىستىق ۇيىمنىڭ ۇيىمداسقان توبىن قۇرۋ جانە باسقارۋ, سونداي-اق ولارعا قاتىسۋ, قىلمىستىق ىستەرى قر قق-ءنىڭ 262 بابىنىڭ 1 جانە 2 بولىگى بويىنشا تىركەلدى.

ۇستالعانداردان ءبىر تراۆماتيكالىق تاپانشا, ءبىر تەگىس ۇڭعىلى مىلتىق, جالپى سالماعى 4 كەلى 868,38 گر بولاتىن «گاشيش» ەسىرتكى زاتى تاركىلەندى.

ۇستالعان ادامدارعا قاتىستى مىنا باپتار بويىنشا قىلمىستىق ءىس قوزعالدى:

قك-ءنىڭ 262-بابى, 1.2-بولىگى (ۇيىمداسقان قىلمىستىق توپ قۇرۋ جانە ۇيىمداستىرۋ) – ەكى قىلمىستىق ءىس; قر قك-ءنىڭ 297-بابى 1-3-بولىگى (ەسىرتكى ساتۋ) – 22 قىلمىستىق ءىس; قر قك-ءنىڭ 296-بابى 4-بولىگى (ەسىرتكىنى اسا ءىرى كولەمدە ساقتاۋ) – ەكى قىلمىستىق ءىس; قر قك-ءنىڭ 287-بابى, 2-بولىگى (اتىس قارۋىن زاڭسىز ساقتاۋ) – ەكى قىلمىستىق ءىس; قر قك-ءنىڭ 302-بابى 2-بولىگى (ەسىرتكى جاسايتىن جەردى ۇستاۋ) – ءبىر قىلمىستىق ءىس.