جەدەل مالىمەتتەرگە سايكەس, 2020 جىلدىڭ جەلتوقسان ايىنىڭ باسىنان ەلىمىزدە 5 جاسقا دەيىنگى بالالار اراسىندا كوروناۆيرۋستىق ينفەكتسيانى جۇقتىرۋدىڭ 365 جاعدايى جانە 6-18 جاس ارالىعىنداعى بالالار اراسىندا 780 جاعداي تىركەلگەن.
سونىمەن قاتار, 5 جاسقا دەيىنگى بالالار اراسىندا كۆي جۇقتىرۋ دەڭگەيى بويىنشا ەڭ جوعارى كورسەتكىش – قوستاناي وبلىسىندا, 77 فاكتىسى انىقتالعان. شىمكەنت قالاسى, الماتى, اقتوبە جانە جامبىل وبلىستارىندا ءبىر فاكتىدەن تىركەلگەن. ال قىزىلوردا وبلىسىندا جەلتوقسان ايىنىڭ باسىنان 5 جاسقا دەيىنگى بالالار اراسىندا كۆي-ءدى جۇقتىرۋدىڭ بىردە-ءبىر فاكتىسى تىركەلگەن جوق.⠀6 جاس پەن 18 جاسقا دەيىنگى كۆي جۇقتىرعان بالالاردىڭ باسىم بولىگى پاۆلودار وبلىسىندا تىركەلگەن, 3 اپتا ىشىندە 165 بالا ىندەتتى جۇقتىرعان. جانە شىعىس قازاقستان وبلىسىندا 147 فاكتى, قوستاناي وبلىسىندا 120 جانە نۇر-سۇلتان قالاسىندا 108 جاعداي تىركەلگەن. ماڭعىستاۋ جانە تۇركىستان وبلىستارىندا ەكى جاعداي انىقتالعان. شىمكەنت قالاسى مەن قىزىلوردا وبلىسىندا اتالعان كەزەڭ اراسىندا بۇل ساناتتاعى بالالار اراسىندا كۆي جۇقتىرۋ دەرەگى تىركەلمەگەن.⠀سونىمەن قاتار, 2020 جىلدىڭ 1 جەلتوقسانىنان قازاقستاندا 5 جاسقا دەيىنگى بالالار اراسىندا COVID-19 بەلگىلەرى بار پنەۆمونيامەن سىرقاتتانۋدىڭ 49 وقيعاسى تىركەلدى. ولاردىڭ باسىم بولىگى اقمولا وبلىسىندا ورىن العانى انىقتالدى (16 فاكت). 6 جاستان 18 جاسقا دەيىنگى بالالار اراسىندا ىندەتتىڭ 88 جاعدايى تىركەلگەن, ەڭ كوبى – شىعىس قازاقستان وبلىسىندا (10 جاعداي) ورىن العان.