وسى جىلدىڭ 11 ايىندا 621,4 مىڭ ادام ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ قاتىسۋشىسى بولدى. ول ارقىلى 413,7 مىڭ ادام جۇمىسقا ورنالاستىرىلسا, ونىڭ ىشىندە 269,2 مىڭ ادام تۇراقتى جۇمىسقا تۇردى, دەپ حابارلايدى Egemen.kz.
206,5 مىڭ ادام سۋبسيديالاناتىن جۇمىس ورىندارىمەن قامتىلدى, ونىڭ ىشىندە 19,1 مىڭ ادام الەۋمەتتىك جۇمىس ورىندارىنا, 34,1 مىڭ ادام جاستار پراكتيكاسىنا, 153,3 مىڭ ادام قوعامدىق جۇمىستارعا ورنالاستىرىلدى.
ەڭبەك رەسۋرستارىنىڭ ۇتقىرلىعىن ارتتىرۋ ماقساتىندا اعىمداعى جىلعى 1 جەلتوقسانداعى جاعداي بويىنشا جۇمىس كۇشى مول وڭىرلەردەن 5 665 ادام, ياعني 1 610 وتباسى قونىس اۋداردى.
2020 جىلعى 1 جەلتوقسانداعى جاعداي بويىنشا قىسقا مەرزىمدى وقىتۋ كۋرستارىنا 18,7 مىڭ ادام جىبەرىلدى, تجكب بويىنشا وقىتۋمەن 18,4 مىڭ ادام قامتىلدى.
مەملەكەتتىك باعدارلاما اياسىندا جىل باسىنان بەرى جاپپاي كاسىپكەرلىكتى دامىتۋعا 12 647 ميكروكرەديت بەرىلدى, ونىڭ ىشىندە اۋىل تۇرعىندارىنا 11 162 ميكروكرەديت بەرىلدى. ميكروكرەديت الۋشىلار 13 585 جۇمىس ورنىن اشتى.
سونداي-اق, باعدارلاماعا قاتىسۋشىلارعا جاڭا بيزنەس-يدەيالاردى جۇزەگە اسىرۋ ءۇشىن 200 اەك مولشەرىندە 43 مىڭنان استام مەملەكەتتىك گرانت بەرىلەدى. اعىمداعى جىلعى 1 جەلتوقساندا 42,4 مىڭنان اسا گرانت ءبولىنىپ ۇلگەردى.
بۇدان باسقا, 33,2 مىڭ ادام «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋدان ءوتتى.