ەلوردا اكىمى التاي كولگىنوۆ نۇر-سۇلتان قالاسىنىڭ ەنەرگەتيكتەرىمەن كەزدەسىپ, ولاردىڭ جالاقىسىن الدە دە كوتەرۋدى تاپسىردى. ولار «استانا-اەك» اق, «استانا-ەنەرگيا» اق, «استانا تەپلوترانزيت» اق جۇمىسشىلارى, ونىڭ ىشىندە «استانا سۋ ارناسى» مكك ماماندارى. قوسىمشا سىياقى دا بەرىلەتىن بولادى.
ەستەرىڭىزگە سالا كەتەيىك, التاي كولگىنوۆتىڭ تاپسىرماسى بويىنشا 2020 جىلدان باستاپ ەنەرگەتيكتەردىڭ جالاقىسى (بارلىق ۆەدومستۆولىق ۇيىمدار) ارتتى. قالا اكىمى قىزمەتكەرلەردى ەنەرگەتيكتەر كۇنىمەن قۇتتىقتاپ, ەڭبەك جاعدايلارىن جۇيەلى تۇردە جاقسارتۋ قاجەتتىگىن اتاپ ءوتتى.
ء«بىزىڭ كليمات كۇرت كونتينەنتالدى, ەلوردامىز الەمدەگى ەڭ سۋىق استانالاردىڭ ءبىرى. ەنەرگەتيكتەردىڭ تىنباي ەتكەن ەڭبەگىنىڭ ارقاسىندا قالاعا جىلۋ, جارىق, سۋ ۇزدىكسىز كەلىپ تۇرادى. قىس ايلارىندا ەنەرگيا كوزدەرىنە تۇسەتىن سالماق ارتادى. التىنشى تۋربينانى قوسۋ بىزگە قوسىمشا 120 مۆت ەلەكتر ەنەرگياسى مەن جىلىتۋ ءۇشىن 180 گيگاكالوريا بەرەدى. جەو-1 جانە جەو-2 قازاندىقتارى گازعا اۋىستىرىلدى. بۇل شارالار ەنەرگيا كوزدەرىنە سالماق تۇسىرمەۋگە مۇمكىندىك بەرەدى.
ەڭبەك جاعدايىن جاساۋ ءۇشىن بيىل جالاقىنى جوسپارلى تۇردە كوتەرە باستادىق, كەلەسى 2021 جىلى جالعاستىرامىز. ءبىز جۇمىسشىلارىمىزدىڭ ەڭبەگىن باعالايمىز! ەڭبەكتەرىڭىز ءۇشىن راحمەت! ەنەرگەتيكتەر كۇنىمەن!»,- دەدى التاي كولگىنوۆ.