ەلىمىزدىڭ التى وڭىرىندە داۋىلدى ەسكەرتۋ جاريالاندى

20 جەلتوقساندا نۇر-سۇلتان قالاسىندا قار جاۋادى, بۇرقاسىن بولادى, اقمولا, قاراعاندى, پاۆلودار, سولتۇستىك قازاقستان وبلىستارىندا قار جاۋادى, كەي جەرلەردە بۇرقاسىن بولادى, تۇمان, سولتۇستىك, سولتۇستىك-باتىستان سەكۋندىنا 15-20 مەتر جەل سوعادى. داۋىلدىڭ ورىن الۋ ىقتيمالدىعى 85-90 %. 20 جەلتوقسانعا قاراعان ءتۇنى تۇركىستان وبلىسى مەن شىمكەنت قالاسىنىڭ كەي جەرلەرىندە قاتتى جاۋىن-شاشىن (جاڭبىر, قار) بولادى. كەي جەرلەردە تۇمان, كوكتايعاق بولادى, باتىستان, سولتۇستىك-باتىستان سەكۋندىنا 15-20 مەتر جىلدامدىقپەن جەل سوعادى.

20 جەلتوقساندا ماڭعىستاۋ وبلىسىنىڭ كەي جەرلەرىندە كوكتايعاق, تۇمان كۇتىلەدى.

ازاماتتاردى اۋا-رايىنىڭ وزگەرىستەرىن باقىلاۋعا شاقىرامىز. داۋىلدى ەسكەرتۋ تۋرالى حابارلامالاردى تىڭداپ, قاجەتتى ساقتىق شارالارىن ساقتاڭىزدار.

قىس ماۋسىمىندا كولىكپەن الىس جولدارعا شىقپاس بۇرىن, اۋا رايى بولجامىن مىندەتتى تۇردە زەردەلەگەن ءجون.

ەگەر قاتتى بوران, بۇرقاسىن بولسا, جول كەپتەلىسىندە ۇزاق تۇرىپ قالۋىڭىز مۇمكىن. ءتىپتى جول-كولىك وقيعاسىنا دا تاپ بولۋىڭىز ىقتيمال.

ەگەر قانداي دا ءبىر ەلدى مەكەنگە شۇعىل بارۋىڭىز كەرەك بولسا, دىتتەگەن جەرىڭىزگە كەدەرگىسىز جەتۋ ءۇشىن تەمىرجول كولىگىن پايدالانۋعا كەڭەس بەرەمىز.

تومەندە كەلتىرىلگەن قاراپايىم ۇسىنىمداردى ورىنداساڭىز, بوران بولعان كەزدە جانە بوراننان كەيىن امان قالۋعا كوپ سەپتىگىن تيگىزەدى.

قىستا جولعا شىعار الدىندا:

1. مۇقيات اۋا رايى بولجامىن زەردەلەڭىز;

2. قوزعالىس ءۇشىن قانداي جولدار جابىلۋى مۇمكىن ەكەنىن انىقتاڭىز.

اقپاراتتى «قازاۆتوجول» ۇك سايتىندا تولىعىمەن جابىق ۋچاسكەلەردىڭ كارتاسىن كورۋگە بولادى. نە بولماسا بىرىڭعاي تەلەفون ءنومىرى 1403 نەمەسە قۇتقارۋ قىزمەتىنىڭ «112» تەلەفون ءنومىرى, سونداي-اق «دارمەن» ءموبيلدى قوسىمشاسى ارقىلى ناقتىلاۋعا بولادى. 

«112» قىزمەتىنەن رەسمي داۋىلدى ەسكەرتۋ العان جاعدايدا ەلدى مەكەندەردەن جانە جولعا شىعۋدان باس تارتا تۇرۋ قاجەت.

شۇعىل قىزمەتتەر اۆتوموبيلدەردى لەكتىك ىلەسىپ جۇرۋگە شەشىم قابىلداعان جاعدايدا:

- جول قوزعالىسى ەرەجەلەرىن ساقتاڭىز;

- ىلەسىپ جۇرەتىن شۇعىل قىزمەت بەلگىلەگەن جىلدامدىق رەجيمىن ساقتاڭىز;

- وتكىزۋ پۋنكتىنەن شىققان ءاۆتوموبيلدىڭ ارتىنان ىلەسىڭىز جانە ونى باسىپ وزباڭىز;

- الدىندا كەلە جاتقان ءاۆتوموبيلدىڭ اراسىنداعى قاشىقتىقتى ساقتاڭىز;

- الدىندا كەتىپ بارا جاتقان اۆتوموبيلدەردى باسىپ وزۋعا بولمايدى;

- اينالاڭداعى قوزعالىسقا ۇلكەن ءمان بەرىڭىز.