سولتۇستىك قازاقستان وبلىسىنىڭ پوليتسەيلەرى زاڭسىز ءتورت ەلىكتى اتقان كۇدىكتىلەردى ۇستادى, – دەپ حابارلايدى Polisia.kz.
سقو تابيعاتتى قورعاۋ پوليتسەيلەرى مۇددەلى ۆەدومستۆولاردىڭ قىزمەتكەرلەرىمەن جانۋارلار دۇنيەسىن براكونەرلەردەن قورعاۋ بويىنشا تۇراقتى بىرلەسكەن رەيدتەردى وتكىزەدى.
5 جەلتوقساندا كەزەكتى رەيد بارىسىندا مامليۋت اۋدانىنىڭ پب تابيعاتتى قورعاۋ پوليتسياسى قىزمەتكەرلەرى مەڭگەسەر اڭشىلىق شارۋاشىلىعى قورىقشىسىمەن كاتاناي س. ماڭىنداعى جەردە پەتروپاۆلدىڭ 37 جاستاعى تۇرعىنى باسقارعان “Nissan Hilux” اۆتوكولىگىن توقتاتقان. ونىڭ جولاۋشىلارى تاعى ءبىر قالالىق پەن ەكى اۋدان تۇرعىنى بولعان. كولىك سالونىنان قىناپقا سالىنعان تەگىس ۇڭعىلى قارۋ, 42 پاترونى بار وقشانتاي, پىشاق تابىلدى. جۇكسالعىشتا باستارى كەسىلگەن, اتىس جاراقاتى كەلتىرىلگەن ءتورت ءسىبىر ەلىگى جاتقان. اتالعان فاكتى قر قىلمىستىق كودەكسىنىڭ 337-بابى (زاڭسىز اڭشىلىق) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
– قازىرگى ۋاقىتتا ەكى قارۋدىڭ يەسى 54 جانە 48 جاستاعى اۋىل تۇرعىنى كۇدىكتى دەپ تانىلدى, – دەيدى مامليۋت اۋدانىنىڭ پب باستىعى سەرىك ءالجانوۆ. – ولار ۋاقىتشا ۇستاۋ يزولياتورىنا قامالدى. جانۋارلاردىڭ دەنەسى, قارۋ مەن اۆتوكولىك تاركىلەندى, قاجەتتى ساراپتامالار تاعايىندالىپ, تەرگەۋ جۇرگىزىلۋدە.