پاۆلودار وبلىسى اكىمىنىڭ ورىنباسارى اساين بايحانوۆ ءوزىنىڭ Instagram جەلىسىندە جەرگىلىكتى كاسىپكەرلەر ازىق-ت ۇلىك باعاسىن سەبەپسىز كوتەرگەنىن جازدى，دەپ حابارلايدى Egemen.kz
پاۆلودارلىقتار الەۋمەتتىك جەلىدە ازىق-ت ۇلىك باعاسىنىڭ جاڭا جىل قارساڭىندا اياقاستى كوتەرىلگەنىنە نارازىلىق ءبىلدىردى.
ولار قيار, قىزاناق, ماندارين جانە تاعى باسقا جەمىس پەن كوكونىستىڭ قىمباتتاعانىن جازدى. بۇل جايتقا ءوڭىر باسشىسىنىڭ ورىنباسارى كوز جەتكىزدى.
"كەشە ۇيگە ازىق-ت ۇلىك الۋ ءۇشىن ساتباەۆ كوشەسىندەگى Small دۇكەنىنە باردىم. ساتىپ الۋشىلار كوپ بولدى, كاسسادا كەزەك ۇزاق تۇردى. ەكى كۇن بۇرىن "راقمەت" بازارىنا كوتەرمە باعانى قاداعالاۋ ءۇشىن بارعانمىن. مەن بۇل شاعىمنىڭ ورىندى ەكەنىن قولدايمىن, باعانىڭ نەگىزسىز كوتەرىلگەنى كورىنىپ تۇر. بۇل ءارتۇرلى دۇكەندە ءبىر تاۋاردىڭ باعاسى بىردەي ەمەس ەكەنىنەن ءبىلىندى. ونىڭ ۇستىنە ولاردىڭ كەيبىرى ءبىر-بىرىنەن 50-100 مەتر جەردە تۇر", دەپ جازدى بايحانوۆ.
اساين بايحانوۆتىڭ ايتۋىنشا，بولشەك ساۋدادا ازىق-ت ۇلىك باعاسىن تەكسەرۋ ءۇشىن وبلىستا ايماقتىق كوميسسيا قۇرۋ تۋرالى شەشىم شىعارعان.
ونىڭ قۇرامىندا كاسىپكەرلىك جانە ساۋدا, اۋىل شارۋاشىلىعى باسقارماسىنىڭ, انتيمونوپوليا ورگانى, سەس وكىلدەرى بار. سونداي-اق توپقا ءوزى جەتەكشىلىك ەتەتىنىن ايتتى.
وبلىس اكىمىنىڭ ورىنباسارى تەكسەرىستىڭ قورىتىندىسى تۋرالى حاباردار ەتۋدى ۋادە ەتتى.