ەلدىگىمىزدىڭ بەلگىسى مەملەكەتتىك رامىزدەرىمىزگە دەگەن قۇرمەت ەرەكشە بولۋى ءتيىس. مۇنى جەتە تۇسىنەتىن قازاقستاندىقتار ەلتاڭبامىزعا, انۇرانىمىزعا جانە كوك تۋىمىزعا دەگەن قۇرمەتىن ەشقاشان تومەندەتكەن ەمەس. بۇل ءسوزىمىزدىڭ باستى ايعاعى رەتىندە ەلىمىزدىڭ بارلىق ايماقتارىندا مەملەكەتتىك رامىزدەردى ۇلىقتاۋعا ارنالعان ءتۇرلى ءىس-شارالاردىڭ جىل ون ەكى اي بويى تولاسسىز ۇيىمداستىرىلاتىنىن ايتۋعا بولادى. مۇنداي يگى ءىس-شارالار, اسىرەسە تاۋەلسىزدىك كۇنى قارساڭىندا قارقىن الىپ, حالىقتىڭ رۋحىن اسقاقتاتا تۇسەتىنى كوڭىلدى مارقايتادى.
تاۋەلسىزدىك كۇنى قارساڭىندا تۇرعىنداردىڭ مەملەكەتتىك رامىزدەرگە دەگەن قۇرمەتىن ارتتىرۋ, وسكەلەڭ ۇرپاقتىڭ پاتريوتتىق سەزىمىن جاڭعىرتۋ ماقساتىندا تۇركىستان وبلىسى كولەمىندە «مەنىڭ تۋىم – مەنىڭ ەلىم!» پاتريوتتىق اكتسياسى ۇيىمداستىرىلدى.
اكتسيا اياسىندا وبلىستىڭ بارلىق اۋدان, قالالارىنداعى جەرگىلىكتى تۇرعىندار ءوز ۇيلەرى مەن ەلدى مەكەندەردەگى الەۋمەتتىك, كاسىپكەرلىك نىسانداردىڭ سىرتىنا مەملەكەتتىك تۋ ءىلىپ, مەرەكە قارساڭىندا حالىققا پاتريوتتىق رۋح سىيلادى. وبلىس ورتالىعى تۇركىستان قالاسىنان باستاۋ العان ءىس-شارا وبلىستاعى 16 اۋدان, قالادا جالعاستى. اكتسيا بارىسىندا وبلىستا 20-دان اسا تۇرعىن ءۇي مەن عيماراتتىڭ بالكوندارىنا, تەرەزەلەرىنە 300-دەن اسا مەملەكەتتىك تۋ ورناتىلىپ, 200-دەن اسا جاستار مەن تۇرعىندار قاتىستى.
سونىمەن قاتار تۇركىستان قالاسى – «جاستار رەسۋرستىق ورتالىعى» عيماراتىنا جانە كوپ قاباتتى تۇرعىن ۇيلەردىڭ بالكوندارىنا – 36, ارىس قالاسى – باتىرلار الاڭى, ايتەكە بي كوشەسى №66 كوپ قاباتتى تۇرعىن ءۇي – 16, كەنتاۋ قالاسى – كوپ قاباتتى تۇرعىن ۇيلەردىڭ بالكوندارىنا – 16, سارىاعاش قالاسى – سارىاعاش اۋداندىق مادەنيەت ءۇيىنىڭ سىرتقى الاڭى مەن كوپ قاباتتى تۇرعىن ۇيلەردىڭ بالكوندارىنا – 70, لەڭگىر قالاسى – كوپ قاباتتى تۇرعىن ءۇي مەن ورتالىق الاڭدارعا (4 عيمارات) – 30, شاردارا قالاسى – كوپ قاباتتى تۇرعىن ءۇيدىڭ تەرەزەلەرىنە – 16, جەتىساي قالاسى – كوپ قاباتتى تۇرعىن ءۇيدىڭ تەرەزەلەرىنە 16 مەملەكەتتىك تۋ ءىلىندى.
سونداي-اق ارنايى حەشتەگپەن الەۋمەتتىك جەلىلەردە جازبالار, ازاماتتاردىڭ مەملەكەتتىك تۋمەن تۇسكەن فوتولارى مەن بەينەروليكتەرى جاريالانىپ, اكتسيا حالىقتىق سيپاتتا جالعاسىن تاپتى.