سىبايلاس جەمقورلىققا قارسى ءىس-قيمىل اگەنتتىگىنىڭ «Protecting bussines and investments» جوباسى اياسىندا كاسىپكەرلەر مەن ينۆەستورلاردى سىبايلاس جەمقورلىققا قارسى سۇيەمەلدەۋ جۇمىستارى جۇرگىزىلىپ كەلەدى, دەپ حابارلايدى Egemen.kz
جوبا اياسىندا قىزىلوردا وبلىسىندا «قىزىلوردا كومپوزيتتىك ماتەريالدار زاۋىتى» جشس مەن سىبايلاس جەمقورلىققا قارسى ءىس-قيمىل اگەنتتىگىنىڭ وبلىس بويىنشا دەپارتامەنتى اراسىندا ءوزارا ىنتىماقتاستىق مەموراندۋمىنا قول قويىلدى.
وسىلايشا «قىزىلوردا كومپوزيتتىك ماتەريالدار زاۋىتى» جشس-ءنىڭ وڭىردە شىنى تالشىقتارىن جانە كومپوزيتتىك ماتەريالدار شىعارىپ, وسى باعىتتاعى يمپورتتىق ماتەرالدىڭ كولەمىن ازايتۋعا باعىتتالعان جالپى قۇنى 1,5 ملرد تەڭگەلىك جوباسىن جۇرگىزۋدە اكىمشىلىك كەدەرگىلەردىڭ الدىن الىپ, سىبايلاس جەمقورلىققا قارسى ءىس-قيمىل بويىنشا ءوزارا ىقپالداستىق پەن ىنتىماقتاستىق قۇرۋدىڭ نەگىزى قالاندى.
شاراعا دەپارتامەنت باسشىسىنىڭ ءبىرىنشى ورىنباسارى ب. نيازوۆ, وبلىستىق يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى ج. بەردەنوۆا, ينۆەستور ت.بورانباەۆ قاتىستى.
بۇگىنگى كۇنى سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى «Protecting bussines and investments» جوباسى شەڭبەرىندە جالپى قۇنى 555,8 ملرد تەڭگەنى قۇرايتىن 22 ينۆەستيتسيالىق جوبانى سىبايلاس جەمقورلىققا قارسى سۇيەمەلدەۋگە الدى.
ءىس-شارادا دەپارتامەنت باسشىسىنىڭ ءبىرىنشى ورىنباسارى ب. نيازوۆ ينۆەستورلار مەن كاسىپكەرلەر ءۇشىن قولايلى بيزنەس كليمات جاساۋ ماقساتىندا جۇمىستار جالعاساتىنىن اتاپ ءوتتى.