التايدىڭ ۇزدىكتەرى ماراپاتتالدى

- حالىق بىرلىگىنىڭ ارقاسىندا قۋاتتى مەملەكەت قۇرىلدى. ەلدىڭ الەۋمەتتىك-ەكونوميكالىق جاعدايى اناعۇرلىم جاقساردى. ءبىلىمدى ۇرپاق ءوسىپ كەلەدى, بىلىكتى ماماندار دايىندالىپ جاتىر. دەمەك, ەلىمىزدىڭ ەرتەڭى جارقىن بولارى انىق, – دەدى التاي اۋدانىنىڭ اكىمى قاليحان بايعونىسوۆ.

مەرەكەلىك جيىندا حالىق العىسىنا بولەنىپ جۇرگەن تراۆماتولوگيا ءبولىمىنىڭ مەڭگەرۋشىسى ءادىل توقسانباەۆ "ەرەن ەڭبەگى ءۇشىن" مەدالىمەن ماراپاتتالدى.

ال قازاقستان رەسپۋبليكاسىنىڭ قۇرمەت گراموتاسىنا "جىلۋ ورتالىعى" كمك قازاندىق ءماشينيسى الەكساندر كوروتكوۆ يە بولدى. سونداي-اق, كونستيتۋتسيانىڭ 25 جىلدىعىنا ارنالعان مەرەكەلىك مەدالدار "مادەنيەت ورتالىعى" مەكەمەسىنىڭ ديرەكتورى ر. كاراگۋجيناعا, وكتيابر كەنتىنىڭ دارىگەرلىك امبۋلاتورياسىنىڭ اكۋشەرى و. كالاچەۆاعا, "فاۆوريت" جشس ديرەكتورى س. وگنەۆقا, "نيۆى چاپاەۆو" جشس ديرەكتورى ج. بۋگۋباەۆقا, "بورودينو" جشس ديرەكتورى ك. بۋكەجانوۆقا, "جىلۋ ورتالىعى" كمك ديرەكتورى ا. لەونوۆقا بەرىلدى.

التاي اۋدانى