الماتىدا «ەل ءۇمىتى» جوباسىنا قاتىسقان ۇزدىك جاستار ماراپاتتالدى

«ەل ءۇمىتى» جوباسى تۇڭعىش پرەزيدەنت ­–­ ەلباسى نۇرسۇلتان نازارباەۆتىڭ باستاماسىمەن جۇزەگە اسىرىلىپ كەلەدى. باعدارلاماعا 14-29 جاس ارالىعىنداعى 571 الماتىلىق قاتىستىپ, ولاردىڭ 90-ى مەدالمەن ماراپاتتالدى.

زياتكەرلىك وليمپيادالاردىڭ جەڭىمپازدارى اتانعان بەس وقۋشى مەن ولاردى سايىسقا دايىنداعان 15 مۇعالىم – «ەل ماقتانىشى» سىيلىعىمەن ماراپاتتالدى.

بيىلعى جىلى ينتەللەكتۋالدى سايىستارعا قالانىڭ 359 وقۋشىسى قاتىسىپ, ونىڭ 237-ءسى جۇلدەلى ورىندارعا يە بولدى.

قالا اكىمى باقىتجان ساعىنتاەۆ تۇڭعىش پرەزيدەنت – ەلباسىنىڭ ارنايى ماراپاتتارىنىڭ يەلەرىن قۇتتىقتاي وتىرىپ, دارىندى جاستاردى قولداۋ شارالارى مەن ءبىلىم الۋ مەن قابىلەتتى جان-جاقتى دامىتۋ ءۇشىن جاعدايلار جاساۋ كەرەكتىگىنە توقتالدى.

بيىلعى جىلى قولداۋ شارالارى اياسىندا 500-دەن استام جاس مۇعالىم جالپى سوماسى 30 ملن تەڭگەنى قۇرايتىن ءبىر رەتتىك ماتەريالدىق كومەك الدى. سونداي-اق, مۇعالىمدەردى قارجىلاي قولداۋ ماقساتىندا جالاقى 2020 جىلدىڭ 1 قاڭتارىنان باستاپ 25% ءوستى.

سونىمەن قاتار, 2020 جىلدان باستاپ العاش رەت ءوز جۇمىسىندا جوعارى كورسەتكىشتەرگە قول جەتكىزگەن قالانىڭ ۇزدىك مۇعالىمدەرى ءۇشىن اقشالاي سىيلىقتارمەن قاتار, الماتى قالاسى اكىمىنىڭ ارنايى گرانتتارى ەنگىزىلدى. 2 بولمەلى پاتەر مەن اۆتوكولىك جىل سايىنعى قالالىق «الماتى قالاسى مۇعالىمى» بايقاۋىنىڭ جەڭىمپازدارىنىڭ جۇلدە قورى بولدى. سونىمەن بىرگە مۇعالىمدەردىڭ تۇرمىستىق جاعدايلارىن جاقسارتۋ جۇمىستارى جالعاسىن تاۋىپ جاتىر. وسىلايشا, بيىل 266 جاس مۇعالىم ۇيمەن قامتاماسىز ەتىلدى.