2013 جىلعى 17 قىركۇيەك, استانا, ۇكىمەت ءۇيى قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىن اشۋ (جابۋ), ولاردىڭ جۇمىس ىستەۋى (پايدالانىلۋى), ولاردى ساناتتارعا ءبولۋ, جىكتەۋ, جايلاستىرۋ قاعيدالارىن, سونداي-اق تەحنيكالىق جاراقتاندىرۋ جانە جۇمىسىن ۇيىمداستىرۋ جونىندەگى تالاپتاردى بەكىتۋ تۋرالى
«قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى №70 قازاقستان رەسپۋبليكاسىنىڭ زاڭى 55-بابىنىڭ 9) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:1. قوسا بەرىلىپ وتىرعان قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىن اشۋ (جابۋ), ولاردىڭ جۇمىس ىستەۋى (پايدالانىلۋى), ولاردى ساناتتارعا ءبولۋ, جىكتەۋ, جايلاستىرۋ قاعيدالارى, سونداي-اق تەحنيكالىق جاراقتاندىرۋ جانە جۇمىسىن ۇيىمداستىرۋ جونىندەگى تالاپتار بەكىتىلسىن. 2. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن.3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 17 قىركۇيەكتەگى №977 قاۋلىسىمەن بەكىتىلگەن
قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىن اشۋ (جابۋ), ولاردىڭ جۇمىس ىستەۋى (پايدالانىلۋى), ساناتتارعا ءبولۋ, جىكتەۋ, جايلاستىرۋ قاعيدالارى, سونداي-اق تەحنيكالىق جاراقتاندىرۋ جانە جۇمىسىن ۇيىمداستىرۋ جونىندەگى تالاپتار
1. جالپى ەرەجەلەر1. وسى قاعيدالار قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىن (بۇدان ءارى – وتكىزۋ پۋنكتى) اشۋ (جابۋ), ولاردىڭ جۇمىس ىستەۋى (پايدالانىلۋى), ساناتتارعا ءبولۋ, جىكتەۋ, جايلاستىرۋ ءتارتىبىن, سونداي-اق تەحنيكالىق جاراقتاندىرۋ جانە جۇمىسىن ۇيىمداستىرۋ جونىندەگى تالاپتاردى ايقىندايدى.2. قازاقستان رەسپۋبليكاسىنىڭ مەملەكەتتىك شەكاراسىن ادامداردىڭ كەسىپ ءوتۋىنىڭ, ول ارقىلى كولىك قۇرالدارىن, جۇكتەردى, تاۋارلاردى, جانۋارلاردى, وسىمدىك ونىمدەرىن جانە وزگە دە م ۇلىكتى (بۇدان ءارى – كولىك قۇرالدارى جانە جۇكتەر) تاسىمالداۋدىڭ بەلگىلەنگەن ءتارتىبىنىڭ ساقتالۋىن قامتاماسىز ەتۋ ءۇشىن وتكىزۋ پۋنكتتەرىندە شەكارالىق, كەدەندىك, سانيتاريالىق-كارانتيندىك, ۆەتەريناريالىق, كولىكتىك جانە كارانتيندىك فيتوسانيتاريالىق باقىلاۋ (بۇدان ءارى – مەملەكەتتىك باقىلاۋ) جۇزەگە اسىرىلادى.2. وتكىزۋ پۋنكتتەرىن اشۋ ءتارتىبى3. وتكىزۋ پۋنكتىن ورناتۋدىڭ ورىندىلىعىن ايقىنداۋ ءۇشىن مۇددەلى مەملەكەتتىك ورگان (بۇدان ءارى – باستاماشى) مەملەكەتتىك باقىلاۋ ورگاندارىنا مىناداي ماتەريالداردى قوسا بەرە وتىرىپ, وتكىزۋ پۋنكتتەرىن ورناتۋ تۋرالى ءوتىنىشحات جىبەرەدى:1) جوسپارلاناتىن وتكىزۋ قابىلەتى جانە وتكىزۋ پۋنكتىن اشۋ مەرزىمى تۋرالى مالىمەتتەر;2) وتكىزۋ پۋنكتى وبەكتىلەرىن جوبالاۋعا, سالۋعا جانە كۇتىپ-ۇستاۋعا, سونداي-اق ولاردى جابدىقتاۋعا, تەحنيكالىق جاراقتاندىرۋعا, مەملەكەتتىك باقىلاۋدى ۇيىمداستىرۋ ءۇشىن قاجەتتى كولىكتىك, ينجەنەرلىك جانە الەۋمەتتىك-تۇرمىستىق ينفراقۇرىلىمداردى قۇرۋ مەن دامىتۋعا ارنالعان قاراجات شىعىنىنىڭ ەسەپتەمەسى جانە نەگىزدەمەسى;3) جوسپارلانعان ورنالاستىرۋ ايماعىن بەلگىلەي وتىرىپ, مەملەكەتتىك شەكارا ارقىلى وتكىزۋ پۋنكتىندە شەكارالىق, كەدەندىك جانە باقىلاۋدىڭ وزگە دە تۇرلەرىن ۇيىمداستىرۋ ءۇشىن قاجەتتى, مەملەكەتتىك شەكارا ارقىلى وتكىزۋ پۋنكتتەرى وبەكتىلەرىن ورنالاستىرۋ جوسپارلانعان اۋماقتىڭ (اكۆاتوريدىڭ) سحەماسى;4) مەملەكەتتىك شەكارا ارقىلى وتكىزۋ پۋنكتى وبەكتىلەرىن ورنالاستىرۋ كوزدەلگەن جەر ۋچاسكەسىن الۋ بويىنشا ۇسىنىستار; 5) جەرگىلىكتى (وبلىستىق) اتقارۋشى ورگاننىڭ ءوز اۋماعىندا وتكىزۋ پۋنكتىن (باستاماشى ول بولماعان جاعدايدا) ورنالاستىرۋعا كەلىسىمى.4. مەملەكەتتىك باقىلاۋ ورگاندارى ولارعا ۇسىنىلعان ماتەريالداردى قارايدى جانە ولار ۇسىنىلعان كۇننەن باستاپ ون بەس جۇمىس كۇنى ىشىندە وتكىزۋ پۋنكتىن جىكتەۋ جانە مەملەكەتتىك باقىلاۋ ورگاندارىنىڭ قاجەتتى شتات سانى بويىنشا ۇسىنىستارمەن, ونى اشۋدىڭ ورىندىلىعى نەمەسە قاجەتتىلىكتىڭ بولماۋى تۋرالى ءوز قورىتىندىسىن باستاماشىعا جولدايدى.5. باستاماشى مەملەكەتتىك باقىلاۋ ورگاندارىنا مىنالاردى:1) كەدەن وداعىنىڭ سىرتقى شەكارالارىندا اۆتوموبيلدىك وتكىزۋ پۋنكتىن ورناتۋ بويىنشا – قازاقستان رەسپۋبليكاسى قارجى ءمينيسترىنىڭ كەدەندىك باقىلاۋ كوميتەتىنە;2) قازاقستان-رەسەي شەكاراسىندا اۆتوموبيلدىك وتكىزۋ پۋنكتىن ورناتۋ بويىنشا – قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنە;3) تەمىرجول, اۆياتسيالىق, تەڭىز جانە وزەن وتكىزۋ پۋنكتىن ورناتۋ بويىنشا – قازاقستان رەسپۋبليكاسى كولىك جانە كوممۋنيكاتسيا مينيسترلىگىنە كەلىسىلگەن ماتەريالدار مەن قورىتىندىلاردى جىبەرەدى.6. شەكتەس مەملەكەتپەن وتكىزۋ پۋنكتىن ورناتۋ ماسەلەسى قازاقستان رەسپۋبليكاسى سىرتقى ىستەر مينيسترلىگىمەن كەلىسىلەدى. سودان كەيىن وسى قاعيدالاردىڭ 5-تارماعىندا كورسەتىلگەن مەملەكەتتىك ورگاندار بەلگىلەنگەن تارتىپپەن ءتيىستى كەلىسىم جوبالارىن ازىرلەيدى.7. وتكىزۋ پۋنكتىن اشۋ تۋرالى شەكتەس مەملەكەتپەن كەلىسىم جاسالعاننان كەيىن وسى قاعيدالاردىڭ 5-تارماعىندا كورسەتىلگەن مەملەكەتتىك ورگاندار وتكىزۋ پۋنكتىنىڭ اتاۋى مەن مارتەبەسىن كورسەتە وتىرىپ, ونى ورناتۋ تۋرالى بەلگىلەنگەن تارتىپپەن مۇددەلى مەملەكەتتىك ورگاندارمەن كەلىسىلگەن قازاقستان رەسپۋبليكاسىنىڭ ۇكىمەتى قاۋلىسىنىڭ جوباسىن قازاقستان رەسپۋبليكاسىنىڭ ۇكىمەتىنە ۇسىنادى.8. قازاقستان رەسپۋبليكاسىنىڭ ۇكىمەتى بەلگىلەنگەن تارتىپپەن قابىلداعان وتكىزۋ پۋنكتىن ورناتۋ تۋرالى شەشىم وتكىزۋ پۋنكتى وبەكتىلەرىن جوبالاۋ, سالۋ (قايتا جاڭارتۋ), جايلاستىرۋدى قارجىلاندىرۋدى اشۋ ءۇشىن جانە تەحنيكالىق جاراقتاندىرۋ, ودان ءارى كۇتىپ-ۇستاۋدىڭ كولىكتىك, ينجەنەرلىك جانە الەۋمەتتىك-تۇرمىستىق ينفراقۇرىلىمىن قۇرۋ جانە دامىتۋ, سونداي-اق مەملەكەتتىك باقىلاۋ ورگاندارىنىڭ بولىمشەلەرىن قالىپتاستىرۋ ءۇشىن نەگىز بولىپ تابىلادى.9. قازاقستان رەسپۋبليكاسىنىڭ ۇكىمەتى وتكىزۋ پۋنكتىن ورناتۋ تۋرالى شەشىم قابىلداعاننان كەيىن وسى قاعيدالاردىڭ 5-تارماعىندا كورسەتىلگەن مەملەكەتتىك ورگاندار تاپسىرىس بەرۋشىنىڭ فۋنكتسيالارىن ورىندايدى, ول مەملەكەتتىك باقىلاۋ ورگاندارىنىڭ ۇسىنىستارى نەگىزىندە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وتكىزۋ پۋنكتىن جوبالاۋدى, سالۋدى جانە پايدالانۋعا ەنگىزۋدى قامتاماسىز ەتەدى.10. وتكىزۋ پۋنكتتەرى وسى قاعيدالاردىڭ ەرەجەلەرى مەن تالاپتارىن ەسكەرە وتىرىپ, ولار ارقىلى كولىكتىك, جۇك جانە جولاۋشىلار اعىمىنىڭ قارقىندى ءوتۋىن, سونداي-اق بەلگىلەنگەن مەملەكەتتىك باقىلاۋ تۇرلەرىن جۇرگىزۋ تيىمدىلىگىن قامتاماسىز ەتۋگە بەيىمدەلگەن بىرىڭعاي كەشەندەر رەتىندە جوبالانادى جانە سالىنادى. 11. وتكىزۋ پۋنكتى وبەكتىلەرىن پايدالانۋعا ەنگىزۋ قورىتىندىلارى بويىنشا وبەكتىلەر زاڭنامادا بەلگىلەنگەن تارتىپپەن تيىسىلىگى بويىنشا مەملەكەتتىك باقىلاۋ ورگانىنىڭ تەڭگەرىمىنە بەرىلەدى.3. وتكىزۋ پۋنكتتەرىن جابۋ ءتارتىبى12. وتكىزۋ پۋنكتى ۋاقىتشا نەمەسە تولىق جابىلۋى مۇمكىن.13. وتكىزۋ پۋنكتىن ۋاقىتشا جابۋ:1) توتەنشە جاعدايلار, دۇلەي اپاتتار, تەحنوگەندىك سيپاتتاعى ءمان-جايلار, كارانتيندىك جانە ادامداردىڭ ەرەكشە قاۋىپتى جۇقپالى اۋرۋلارىنىڭ, حالىقارالىق ەپيزووتيالىق بيۋرونىڭ تىزىمىنە ەنگىزىلگەن جانۋارلار اۋرۋلارىنىڭ جانە/نەمەسە كارانتيندىك زيانكەستەردىڭ, وسىمدىكتەردىڭ نەمەسە ارامشوپتەردىڭ جانە كولىك قاتىناسىن جۇزەگە اسىرۋدى نەمەسە مەملەكەتتىك باقىلاۋ ورگاندارىنىڭ جۇمىس ىستەۋىنە مۇمكىندىك بەرمەيتىن باسقا اۋرۋلاردىڭ تارالۋ قاۋپى, سانيتاريالىق-ەپيدەميالىق, فيتوسانيتاريالىق احۋالدىڭ ناشارلاۋى جاعدايىندا قازاقستان رەسپۋبليكاسى ۇكىمەتىنىڭ شەشىمى بويىنشا.وتكىزۋ پۋنكتىن ۋاقىتشا جابۋ تۋرالى شەشىمدە وتكىزۋ پۋنكتىنىڭ جۇمىس ىستەۋىن توقتاتۋ مەرزىمى مەن نەگىزدەمەسى كورسەتىلەدى;2) مەملەكەتتىك باقىلاۋ وتكىزۋ پۋنكتتەرىندە قۇرىلىس (رەكونسترۋكتسيالاۋ) جۇمىستارىن جۇرگىزۋگە كەدەرگى كەلتىرگەن جانە قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس ىستەرى تۋرالى زاڭناماسىنىڭ تالاپتارىن بۇزعان جاعدايدا;3) حالىقارالىق شارتتاردا كوزدەلگەن جاعدايلاردا جۇرگىزىلەدى.14. وتكىزۋ پۋنكتىن ۋاقىتشا جابۋ تۋرالى شەشىم قابىلداۋ نەمەسە ونى جويۋ تۋرالى حالىقارالىق شارتتاردا كوزدەلگەن تارتىپپەن شەكتەس مەملەكەتكە, ال قاجەت بولعان كەزدە – باسقا دا مۇددەلى مەملەكەتتەرگە ديپلوماتيالىق ارنالار ارقىلى حابارلانادى.15. وتكىزۋ پۋنكتى:1) مەملەكەتتىك شەكارا ارقىلى كولىك قاتىناسىن توقتاتۋ تۋرالى قازاقستان رەسپۋبليكاسىنىڭ حالىقارالىق شارتتارىنىڭ كۇشىنە ەنۋى;2) قازاقستان رەسپۋبليكاسى قاتىسۋشىسى بولىپ تابىلاتىن ءتيىستى حالىقارالىق شارتقا وتكىزۋ پۋنكتىن جابۋ تۋرالى وزگەرىستەر ەنگىزۋ نە قازاقستان رەسپۋبليكاسىنىڭ مۇددەلى مەملەكەتتىك ورگاندارىنىڭ, وبلىستاردىڭ جەرگىلىكتى اتقارۋشى ورگاندارىنىڭ وتكىزۋ پۋنكتىنىڭ ودان ءارى جۇمىس ىستەۋىنىڭ ورىنسىزدىعى نەمەسە مۇمكىن ەمەستىگى تۋرالى ۇسىنىسى بويىنشا قازاقستان رەسپۋبليكاسىنىڭ ودان شىعۋى;3) قازاقستان رەسپۋبليكاسى قاتىسۋشىسى بولىپ تابىلاتىن ءتيىستى ەكىجاقتى حالىقارالىق شارتتان قاتىسۋشى مەملەكەتتىڭ شىعۋى نەگىزىندە تولىق جابىلۋى مۇمكىن.16. بۇدان باسقا مەملەكەتتىك باقىلاۋ ورگاندار ۇسىنعان وتكىزۋ پۋنكتىنىڭ جۇمىس ىستەۋىنىڭ ورىنسىزدىعى نەمەسە مۇمكىن ەمەستىگى تۋرالى كەلىسىلگەن قورىتىندىنىڭ نەگىزىندە ۇكىمەتتىڭ شەشىمى بويىنشا وتكىزۋ پۋنكتى تولىق جابىلۋى مۇمكىن.17. ۇكىمەتتىڭ شەشىمىمەن وتكىزۋ پۋنكتىنىڭ بەكىتىلگەن تىزبەسىنە ءتيىستى وزگەرىستەر ەنگىزىلەدى. قابىلدانعان شەشىم تۋرالى شەكتەس مەملەكەتكە جانە قاجەت بولعان كەزدە باسقا دا مۇددەلى مەملەكەتتەرگە ديپلوماتيالىق ارنالار ارقىلى حابارلانادى.4. وتكىزۋ پۋنكتتەرىنىڭ جۇمىس ىستەۋ (پايدالانىلۋ) ءتارتىبى18. وتكىزۋ پۋنكتىنىڭ ينفراقۇرىلىمىن كۇتىپ-ۇستاۋ (پايدالانۋ) ول تەڭگەرىمىندە بولاتىن مەملەكەتتىك ورگانعا جۇكتەلەدى.19. ادامدار, كولىك قۇرالدارى جانە جۇكتەر قازاقستان رەسپۋبليكاسىنىڭ مەملەكەتتىك شەكاراسى ارقىلى وتكەن كەزدە وتكىزۋ پۋنكتىندە ولارعا باقىلاۋ جۇرگىزۋ كەزىندە قازاقستان رەسپۋبليكاسى مەملەكەتتىك ورگاندارىنىڭ ءوزارا ءىس-قيمىل ءتارتىبى مەملەكەتتىك باقىلاۋ ورگاندارىنىڭ بىرلەسكەن اكتىسىمەن ايقىندالادى.20. ءاربىر وتكىزۋ پۋنكتىندە ونىڭ ەرەكشەلىگىنە (ساناتتارعا ءبولۋ, جىكتەۋ, ينفراقۇرىلىمدى جانە تەحنيكامەن جاراقتاندىرۋدى دامىتۋ, شەكارا سىزىعىنان قاشىقتىعى, جىل مەزگىلى) بايلانىستى مەملەكەتتىك شەكارا ارقىلى وتكىزۋدى ۇيىمداستىرۋدىڭ بەكىتىلگەن ۇلگى سحەماسى نەگىزىندە مەملەكەتتىك باقىلاۋ ورگانى جانە كولىك ۇيىمدارى باسشىلارىنىڭ بىرلەسكەن شەشىمىمەن شەكارا ارقىلى ادامداردى, كولىك قۇرالدارىن جانە جۇكتەردى وتكىزۋدى ۇيىمداستىرۋ سحەماسى ازىرلەنەدى جانە بەكىتىلەدى.وتكىزۋ پۋنكتى جۇمىسىنىڭ جالپى ءتارتىبى (جۇمىستى باستاۋ جانە اياقتاۋ ۋاقىتى, تەحنولوگيالىق ۇزىلىستەر) كولىك ۇيىمدارىنىڭ اكىمشىلىگىمەن (اۋەجاي, تەڭىز نەمەسە وزەن پورتى, شەكارالىق تەمىرجول ۆوكزالى, ستانتسيا جانە باسقا كولىك ۇيىمدارىنىڭ باسشىلارىمەن) كەلىسىم بويىنشا باقىلاۋ ورگاندارى باسشىلارىنىڭ بىرلەسكەن شەشىمىمەن بەكىتىلەدى جانە شەكتەس مەملەكەتتىڭ شەكارالىق وكىلدەرىمەن كەلىسىلەدى.21. قولدانىستاعى ۇكىمەتارالىق كەلىسىمدەر شەڭبەرىندە شەكتەس مەملەكەتتەرمەن بىرلەسكەن باقىلاۋدى ۇيىمداستىرۋ كەزىندە ونى جۇزەگە اسىرۋ ءتارتىبى (دايەكتىگى) جانە نىساندارى ەكى جاقتى ۇكىمەتارالىق كەلىسىمدەردىڭ نورمالارىنا سايكەس ازىرلەنەتىن جەكەلەگەن حاتتامالارمەن ايقىندالادى.5. وتكىزۋ پۋنكتتەرىن ساناتتارعا ءبولۋ 22. ترانزيتتىك كولىك الەۋەتىن دامىتۋدى, حالىقارالىق قاتىناستىڭ قارقىندىلىعىن, وتكىزۋ پۋنكتتەرىنىڭ ءتيىمدى جۇمىس ىستەۋىن قامتاماسىز ەتۋ, شەكارالىق ىنتىماقتاستىقتى دامىتۋ جانە ۇلتتىق قاۋىپسىزدىك قاتەرىنە قارسى ءىس-قيمىل جاساۋدىڭ سەنىمدى دەڭگەيى ءۇشىن قولايلى جاعدايلار جاساۋ ماقساتىندا حالىقارالىق قاتىناستار تۇرلەرى بويىنشا جىكتەۋگە, مارتەبەسىنە, جۇمىس رەجيمىنە, قاتىناس سيپاتىنا, جۇمىس ىستەۋ تارتىبىنە بايلانىستى وتكىزۋ پۋنكتتەرىنىڭ مىناداي ساناتتارى بەلگىلەنەدى:1) 1-سانات – جولاۋشىلار اعىنىنىڭ قارقىندىلىعى 1000 جولاۋشىدان جوعارى جانە اۆتوكولىك قۇرالى 200 بىرلىكتەن استام, مارتەبەسى – حالىقارالىق; 2) 2-سانات – جولاۋشىلار اعىنىنىڭ قارقىندىلىعى 800-1000 جولاۋشى جانە اۆتوكولىك قۇرالى 180-200 بىرلىكتەن استام, مارتەبەسى – حالىقارالىق;3) 3-سانات – جولاۋشىلار اعىنىنىڭ قارقىندىلىعى 500-800 جولاۋشى جانە اۆتوكولىك قۇرالى 50-180 بىرلىك, مارتەبەسى – ەكىجاقتى نەمەسە حالىقارالىق;1, 2, 3-ساناتتى وتكىزۋ پۋنكتتەرى قوزعالىسى قارقىندى اۋەجايلاردا, تەڭىز پورتتارىندا, تەمىرجول ستانتسيالارىندا جانە اۆتوماگيسترالداردا, جولاۋشىلار مەن كولىك اعىندارىنىڭ قارقىندىلىعىنا بايلانىستى تاۋلىك بويعى جۇمىس رەجيمىمەن قۇرىلادى;4) 4-سانات – جولاۋشىلار اعىنىنىڭ قارقىندىلىعى 500 جولاۋشىعا دەيىن جانە اۆتوكولىك قۇرالى 100-150 بىرلىكتەن استام, مارتەبەسى – ەكىجاقتى نەمەسە حالىقارالىق;5) 5-سانات – جولاۋشىلار اعىنىنىڭ قارقىندىلىعى 300 جولاۋشىعا دەيىن جانە اۆتوكولىك قۇرالى 100 بىرلىككە دەيىن, مارتەبەسى – ەكىجاقتى نەمەسە حالىقارالىق;4, 5-ساناتتى وتكىزۋ پۋنكتتەرى كۇندىزگى جۇمىس رەجيمىمەن (تاۋلىكتىڭ جارىق ۋاقىتىندا) اۆتوموبيل جولدارىندا, وزەن وتكىزۋ پۋنكتتەرىندە قۇرىلادى جانە جولاۋشىلار مەن كولىك اعىندارى قارقىنىنا بايلانىستى حالىقارالىق نەمەسە ەكىجاقتى مارتەبەگە يە بولادى.وتكىزۋ پۋنكتىنە سانات بەرۋ مەملەكەتتىك باقىلاۋ ورگاندارىنىڭ قۇرىلىمدىق بولىمشەلەرىن قالىپتاستىرۋ كەزىندە ەسكەرىلەدى6. وتكىزۋ پۋنكتتەرىن جىكتەۋ23. وتكىزۋ پۋنكتتەرى:1) حالىقارالىق قاتىناس ءتۇرى بويىنشا:اۆتوموبيلدىك (اۆتوجولدىق);تەمىرجولدىق,تەڭىز;وزەن;اۋە (اۆياتسيالىق);جاياۋ;ارالاس;2) مارتەبەسى بويىنشا:كوپجاقتى (حالىقارالىق);ەكىجاقتى;3) جۇمىس رەجيمى بويىنشا:كۇندىزگى (جارىق ۋاقىتتاعى);تاۋلىك بويعى;قاتىناس سيپاتى بويىنشا:جۇك;جولاۋشىلار;جۇك-جولاۋشىلار;5) جۇمىس ىستەۋ ءتارتىبى بويىنشا:تۇراقتى (تۇراقتى نەگىزدە جۇمىس ىستەيتىن);ماۋسىمدىق (تۇراقتى ەمەس نەگىزدە جۇمىس ىستەيتىن);ۋاقىتشا بولىپ جىكتەلەدى.24. وتكىزۋ پۋنكتتەرى:1) كوپجاقتى – مەملەكەتتىك شەكارانى ازاماتتىعىنا قاراماستان ادامداردىڭ, ونىڭ ىشىندە ازاماتتىعى جوق ادامداردىڭ كەسىپ ءوتۋى, سونداي-اق ول ارقىلى مەملەكەتتىك تيەسىلىگىنە قاراماستان كولىك قۇرالدارىن, جۇكتەردى, تاۋارلار مەن جانۋارلاردى تاسىمالداۋ ءۇشىن;2) ەكىجاقتى – مەملەكەتتىك شەكارانى قازاقستان رەسپۋبليكاسى جانە شەكتەس مەملەكەت ازاماتتارىنىڭ عانا كەسىپ ءوتۋى, سونداي-اق ول ارقىلى قازاقستان رەسپۋبليكاسىنىڭ جانە شەكتەس مەملەكەتتىڭ اۋماعىندا پايدالانۋعا ارنالعان كولىك قۇرالدارىن, جۇكتەردى, تاۋارلار مەن جانۋارلاردى تاسىمالداۋ ءۇشىن.25. وتكىزۋ پۋنكتىن جىكتەۋ قازاقستان رەسپۋبليكاسىنىڭ حالىقارالىق شارتىندا ايقىندالادى.26. وتكىزۋ پۋنكتىن جىكتەۋ ونى حالىقارالىق شارتتا وزگەرتكەن جاعدايدا وزگەرتىلۋى مۇمكىن, ودان كەيىن قاجەت بولعان كەزدە ماتەريالدىق-تەحنيكالىق جاراقتاندىرۋ ءۇشىن وتكىزۋ پۋنكتىن رەكونسترۋكتسيالاۋ جۇرگىزىلەدى.7. وتكىزۋ پۋنكتتەرىن جايلاستىرۋ ءتارتىبى27. وتكىزۋ پۋنكتتەرىن جوبالاۋ جانە سالۋ كەزىندە ونىڭ گەوگرافيالىق جاعدايى, جەر بەدەرى, كولىكتىك-ترانزيتتىك الەۋەتى جانە بىرلەسكەن باقىلاۋدى جۇزەگە اسىرۋ مۇمكىندىگى ەسكەرىلەدى.28. وتكىزۋ پۋنكتىندە عيماراتتار مەن قۇرىلىستاردىڭ ورنىن ايقىنداۋ مىناداي قاعيداتتارعا نەگىزدەلەدى:1) مەملەكەتتىك باقىلاۋ ورگاندارى شتاتىنىڭ جەتكىلىكتىلىگى جانە مەملەكەتتىڭ ۇلتتىق قاۋىپسىزدىگىن قامتاماسىز ەتۋدە باقىلاۋ سەنىمدىلىگىنىڭ جوعارى دارەجەسىن قامتاماسىز ەتۋ;2) تەحنيكالىق باقىلاۋ قۇرالدارىن ۇتىمدى پايدالانۋ جانە باقىلاۋدىڭ بارلىق تۇرلەرىنىڭ راسىمىندە جاڭا تەحنولوگيالاردى ەنگىزۋ.29. وتكىزۋ پۋنكتتەرىن سالۋ جوباسى مەملەكەتتىك باقىلاۋ ورگاندارىمەن كەلىسىلەدى.30. وتكىزۋ پۋنكتتەرىنىڭ عيماراتتارى مەن قۇرىلىستارىنا (اۋەجايلارداعى, تەڭىز پورتتارىنداعى جانە تەمىرجول ستانتسيالارىنداعى وتكىزۋ پۋنكتتەرى ءۇشىن بولىنگەن قىزمەتتىك ءۇي-جايلارعا), ولاردىڭ سايكەستىگى وتكىزىلەتىن مەملەكەتتىك باقىلاۋ سيپاتىنا جانە جولاۋشىلار مەن كولىك قۇرالدارىنىڭ قۇجاتتارىن رەسىمدەۋ بويىنشا جۇرگىزىلەتىن وپەراتسيالار بويىنشا, مەملەكەتتىك شەكارانى كەسىپ وتەتىن ادامدار جانە مەملەكەتتىك باقىلاۋ ورگاندارىنىڭ قىزمەتكەرلەرى ءۇشىن جاعدايدى قامتاماسىز ەتۋ بويىنشا تالاپتار قويىلادى.31. اۆتوموبيلدىك وتكىزۋ پۋنكتتەرىنىڭ ورنالاساتىن جەرى بار جول جەلىسىن نەگىزگە الا وتىرىپ ايقىندالادى. جولدىڭ ءوتۋىنىڭ وزگەرۋىنە بايلانىستى رەكونسترۋكتسيالاۋ كەزىندە (جول تراسساسىنىڭ ورنىن اۋىستىرۋ) وتكىزۋ پۋنكتىنىڭ ورنالاساتىن جەرى ناقتىلانادى جانە شەكتەس تاراپتىڭ قۇزىرەتتى ورگاندارىمەن كەلىسىلەدى.32. اۆتوموبيلدىك وتكىزۋ پۋنكتى مەملەكەتتىك شەكاراعا تىكەلەي جاقىن جەردە سالىنادى.جەردىڭ بەدەرلىك جاعدايىنا بايلانىستى وتكىزۋ پۋنكتتەرى مەملەكەتتىك شەكارا جەلىسىنەن قاجەتتى اراقاشىقتىققا اۋىستىرىلۋى مۇمكىن.33. اۆتوموبيلدىك وتكىزۋ پۋنكتتەرى وتكىزۋ پۋنكتى وبەكتىلەرىنىڭ كەڭەيتىلۋىن جانە ارالدىق ورنالاسۋىنىڭ سيممەتريالىق ورنالاسۋىن ەسكەرە وتىرىپ, جول توسەمىن كەڭەيتۋ ارقىلى تىكەلەي اۆتوموبيل جولدارىندا ورنالاستىرىلادى. بۇل رەتتە كولىك قۇرالدارىنىڭ وتكىزۋ پۋنكتىن اينالىپ ءوتۋىن بولدىرماۋ ءۇشىن جاعدايلار جاسالادى.34. جوبالاۋ كەزىندە كولىكتەر مەن ادامدار اعىنىن, كىرۋى جانە شىعۋى بويىنشا, كولىك قۇرالدارىنىڭ ءتيپى بويىنشا (جەڭىل, جۇك, اۆتوبۋستار, جاياۋ جۇرەتىن باعىتتار) ءبولۋ, قورشاۋ جانە پۋنكت اۋماعىن جانە كولىك قۇرالدارى تۇرلەرىن تەكسەرۋ ورىندارىن جارىقتاندىرۋ.35. وتكىزۋ پۋنكتتەرى قوزعالىستىڭ ەكى باعىتىندا جولاۋشىلارعا ءبىر ۋاقىتتا قىزمەت كورسەتۋ جاعدايلارىن قامتاماسىز ەتۋدى نەگىزگە الا وتىرىپ جوبالانادى, بۇل رەتتە:1) قوزعالىستىڭ ەكى باعىتىندا جولاۋشىلاردى رەسىمدەۋ ءۇشىن «كىرۋ» (كەلۋ, ۇشىپ كەلۋ), «شىعۋ» (كەتۋ, ۇشىپ كەتۋ) وقشاۋلاندىرىلعان زالدار;2) اسا ماڭىزدى ادامدارعا (VIP) قىزمەت كورسەتۋ زالى جانە بيزنەس زال ء(سىر), ترانزيتپەن (ترانسفەرمەن) جۇرەتىن جولاۋشىلار ءۇشىن كۇتۋ زالى (تەك اۆياتسيالىق جانە تەڭىز وتكىزۋ پۋنكتتەرى ءۇشىن);3) مەملەكەتتىك باقىلاۋ ورگاندارى ءۇشىن قىزمەتتىك ءۇي-جايلار جانە باقىلاۋدى جۇزەگە اسىرۋعا ارنالعان ورىندار;4) قازاقستان رەسپۋبليكاسىنا كىرۋىنە باس تارتىلعان ادامداردى جانە ۇستالعان ادامداردى ۋاقىتشا ورنالاستىرۋ ءۇشىن سانيتاريالىق توراپتارى بار (ايەلدەر مەن ەر ادامدار ءۇشىن – بولەك) وقشاۋلانعان ءۇي-جاي, دۋش كابينالارى (ايەلدەر مەن ەر ادامدار ءۇشىن – بولەك), قىسقا مەرزىمدى تىنىعۋ ءۇشىن بولمە.36. وتكىزۋ پۋنكتەرىنىڭ ەكى فۋنكتسيونالدىق بولىگى بولادى:1) قىزمەتتىك – وندا باقىلاۋدىڭ بارلىق تۇرلەرى تىكەلەي جۇزەگە اسىرىلادى;2) اكىمشىلىك – ول مەملەكەتتىك باقىلاۋ ورگاندارى بولىمشەلەرىن ورنالاستىرۋ جانە ولاردىڭ قىزمەتتىك جۇمىسىن قامتاماسىز ەتۋ ءۇشىن قىزمەت اتقارادى.ەكى بولىك تە ءبىر-بىرىنەن وقشاۋلانعان (بولىنگەن) بولۋى جانە دەربەس پايدالانىلادى.37. وتكىزۋ پۋنكتىنىڭ اكىمشىلىك عيماراتتىڭ بىرنەشە قاباتى بولعان جاعدايدا شەتەلگە جۇرەتىن جولاۋشىلاردى رەسىمدەۋگە ارنالعان زالى بار قىزمەتتىك بولىك كولىكتىك الاڭ دەڭگەيىنە (كولىك قۇرالدارىنان شىعاتىن جەرگە) ەڭ جاقىن قاباتتا ورنالاسۋى ءتيىس.38. كەلۋ مەن كەتۋگە ارنالعان قوزعالىس باعىتتارى بويىنشا قىزمەتتىك بولىك ەكى بولىككە بولىنەدى جانە شەتەلگە جۇرەتىن جولاۋشىلاردى رەسىمدەۋ نەمەسە ولارعا قىزمەت كورسەتۋ جۇرگىزىلەتىن ءۇي-جايلاردى قامتيدى.ءاربىر بولىكتە مىنالار كوزدەلەدى:1) باقىلاۋ كەزەڭىندە ۋاقىتشا بولۋ ءۇشىن سانيتاريالىق-تۇرمىستىق جاعدايلار جاسالعان (وتىرۋ ءۇشىن ورىندار, دارەتحانا بولمەلەرى) جولاۋشىلارعا ارنالعان زالدار. كىرۋ زالىندا قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق پۋنكتىن ورنالاستىرۋ ءۇشىن ءۇي-جاي كوزدەلۋى مۇمكىن:2) پاسپورتتىق باقىلاۋ كابينالارى (پاسپورتتاردى تەكسەرۋ ءۇشىن ورىندار);3) قاجەتتى قۇجاتتاردى تولتىرۋعا ارنالعان جەرى بار كەدەندىك باقىلاۋ ايماعى;4) جولاۋشىلاردى جەكە قاراپ تەكسەرۋدى جۇرگىزۋگە ارنالعان ءۇي-جاي (شەكارالىق جانە كەدەندىك باقىلاۋ ورگاندارىنىڭ بىرلەسىپ پايدالانۋى ءۇشىن);5) باقىلاۋدىڭ باسقا تۇرلەرىن جۇرگىزۋگە ارنالعان ورىندار.پاسپورتتىق باقىلاۋ ءۇي-جايلارى مەن كابينالاردىڭ سانى بولجامدى جولاۋشىلار اعىمىن مەن ونىڭ پەرسپەكتيۆالىق دامۋىنىڭ جوبالاۋ كەزەڭىندە ايقىندالادى.39. شەكارانى كەسىپ وتەتىن ادامداردىڭ قولايلىلىعى ءۇشىن شەكارالىق, كەدەندىك باقىلاۋ رەجيمدىك ايماقتارىنان تىس جەردە وتكىزۋ پۋنكتتەرىندە قوسىمشا:1) ۆاليۋتا ايىرباستاۋ پۋنكتتەرى;2) ءدامحانالار (بۋفەتتەر);3) ءارتۇرلى تۋريستىك, كولىكتىك, ساقتاندىرۋ جانە باسقا دا ۇيىمداردىڭ كەڭسەلەرى;4) پوچتا بولىمشەسى, سويلەسۋ پۋنكتى;5) ەكىنشى دەڭگەيدەگى بانكتەردىڭ بولىمشەلەرى;6) وقشاۋلاعىشى بار مەدپۋنكتتەر ورنالاسۋى مۇمكىن.40. قارقىندى جولاۋشىلار اعىنى بار وتكىزۋ پۋنكتتەرىندە جولاۋشىلار مەن باقىلاۋ ورگاندارىنىڭ قىزمەتكەرلەرى ءۇشىن كىرۋ ورىندارىنىڭ بولەك بولۋى مۇمكىن.41. مەملەكەتتىك باقىلاۋ ورگاندارىن ورنالاستىرۋ ءۇشىن وتكىزۋ پۋنكتىندە مىناداي ءۇي-جايلار كوزدەلەدى:1) مەملەكەتتىك باقىلاۋدى جۇرگىزۋگە ارنالعان جۇمىس ورىندارى;2) شەكارالىق ورگان بولىمشەسىنىڭ قىزمەتتىك ءۇي-جايى;3) كەدەندىك ورگان بولىمشەسىنىڭ قىزمەتتىك ءۇي-جايى;4) ادامداردى جەكە قاراپ تەكسەرۋگە ارنالعان ءۇي-جايلار;5) سانيتاريالىق-كارانتيندىك پۋنكتتى (بۇدان ءارى – سكپ), شەكارالىق باقىلاۋ ۆەتەريناريالىق پۋنكتىن (بۇدان ءارى – شبۆپ) جانە وسىمدىكتەر كارانتينى بويىنشا شەكارالىق پۋنكتتى (بۇدان ءارى – وكشپ), (فيتوسانيتاريالىق باقىلاۋ بەكەتى (بۇدان ءارى – فبپ)) ورنالاستىرۋعا ارنالعان قىزمەتتىك ءۇي-جايلار;6) سپك, شبۆپ, وكشپ, (سبپ) ارنايى ءۇي-جايلارى جانە كولىكتىك باقىلاۋ بەكەتى;7) زەرتحانالار جانە سپك, شبۆپ, وكشپ, (سبپ) وقشاۋلاعىشتارى;8) رەسمي كەزدەسۋگە ارنالعان زالدار;9) قارۋلاردى ساقتاۋ ءۇشىن ءۇي-جايلار;10) سەرۆەر بولمەلەرىن, بايلانىس توراپتارىن ورنالاستىرۋعا ارنالعان ءۇي-جايلار;11) تاماقتانۋ مەن تىنىعۋعا ارنالعان ءۇي-جايلار;12) سانيتاريالىق توراپتار, دۋش بولمەلەرى (ەر ادامدار مەن ايەلدەر ءۇشىن - بولەك);13) قىزمەتتىك يتتەردى ۇستاۋعا ارنالعان ءۇي-جايلار (ۆولەرلەر);14) ەلەكترمەن قورەكتەندىرۋ جانە رەزەرۆتىك ەلەكترمەن قورەكتەندىرۋ جۇيەسىنە ارنالعان ءۇي-جايلار.42. قىزمەتتەردىڭ ارقايسىسىنا ارنالعان ءۇي-جايلاردىڭ سانى, ولاردىڭ اۋدانى جانە ارنايى تالاپتاردىڭ بولۋى جوبالاۋ ساتىسىندا ءتيىستى مەملەكەتتىك باقىلاۋ ورگاندارىمەن كەلىسىلەدى.43. اۆياتسيالىق, تەڭىز جانە تەمىرجول وتكىزۋ پۋنكتتەرىندە شەتەلدىك قاتىناستاعى كولىك قۇرالدارىنىڭ تۇراق ورىندارى وسى وتكىزۋ پۋنكتىندە باقىلاۋدى جۇزەگە اسىراتىن شەكارالىق باقىلاۋ بولىمشەلەرىمەن جانە كەدەندىك ورگاندارمەن كەلىسىم بويىنشا ءتيىستى كولىك ۇيىمدارى باسشىلارىنىڭ بۇيرىقتارىمەن بەلگىلەنەدى.تەمىرجول وتكىزۋ پۋنكتتەرىندە شەكارالىق باقىلاۋ جانە كەدەندىك باقىلاۋ ورگاندارىنىڭ قوسىمشا قاراپ تەكسەرۋ جۇرگىزۋى ءۇشىن تەمىرجول ۆاگوندارىنىڭ بوس تۇرۋى مەن كونتەينەرلىك الاڭدار ءۇشىن تۇيىقتارمەن جابدىقتالادى.44. شەتەلدىك قاتىناستاعى كولىك قۇرالدارىن رەسىمدەۋ ورىندارىنا بوگدە ادامداردىڭ كىرۋىن بولدىرماۋ ماقساتىندا تۇراق ورىندارى قورشاۋلارمەن جابدىقتالادى. بۇل رەتتە قاراپ تەكسەرۋ الاڭدارىندا, كىرۋ مەن شىعۋ ورىندارىندا, اۋىستىرىپ تيەۋ ورىندارىندا جانە كولىك قۇرالدارىن تەرەڭدەتىپ تەكسەرۋ پاۆيلوندارىندا بارىنشا قارقىندىلىقپەن جارىقتاندىرۋ كوزدەلەدى.45. اۆتوكولىككە ارنالعان قاراپ تەكسەرۋ الاڭدارى باقىلاۋدىڭ بارلىق تۇرلەرى تىكەلەي قوزعالىس بەلدەۋلەرىندە جۇزەگە اسىرىلاتىنداي, ال ارنايى باقىلاۋ جۇرگىزۋ قاجەت بولعان جاعدايدا كولىك قۇرالىن جالپى اعىننان شىعارۋ مۇمكىندىگىن قامتاماسىز ەتەتىندەي ورنالاسادى. 46. قوزعالىس قارقىنىن نەگىزگە الا وتىرىپ, اۆتوكولىكتى رەسىمدەۋ الاڭدارىنىڭ اۆتوكولىكتىڭ ءبىر نەمەسە بىرنەشە تۇرلەرىنە قىزمەت كورسەتۋگە ارنالعان باقىلاۋ سەكتسيالارىنىڭ قاجەتتى سانى بولۋى ءتيىس. ءاربىر باقىلاۋ سەكتسياسى ەكى جاققا قوزعالىستىڭ ەكى باقىلاۋ بەلدەۋىمەن ءبىر باعىتتاۋشى ارالدان تۇرادى. باعىتتاۋشى ارالدا مەملەكەتتىك باقىلاۋ ورگاندارىنىڭ ارنايى باقىلاۋ پاۆيلوندارى ورنالاسادى.47. باعىتتاۋشى ارالدىڭ ەنى كەمىندە 3 مەتر بولۋى جانە قوزعالىستىڭ باقىلاۋ بەلدەۋىنىڭ بۇكىل ۇزىندىعى بويىنشا, ولاردان بيىكتىگى كەمىندە 0,12 - 0,15 مەتر كورىنەتىن بورديۋرلەرمەن بولىنگەن تروتۋارلار تۇرىندە رەسىمدەلۋى ءتيىس.48. قوزعالىسقا ارنالعان قوزعالىستىڭ باقىلاۋ بەلدەۋىنىڭ ەنى اۆتوكولىك ءتۇرىن نەگىزگە الا وتىرىپ انىقتالادى:1) جەڭىل ماشينالار – 3 – 3,5 مەتر;2) جۇك ماشينالارى مەن اۆتوبۋستار – 3,5 مەتر.49. گاباريتتى ەمەس جانە ارناي جۇكتەردى تاسىمالداۋدى ەسكەرە وتىرىپ, قوزعالىستىڭ شەتكى بەلدەۋلەرىن ءاربىر باعىت ءۇشىن 4,5 مەتر ەنىمەن كوزدەلەدى.50. باقىلاۋ سەكتسيالارى مەن قوزعالىس بەلدەۋلەرىنىڭ سانى كوزدەلىپ وتىرعان قوزعالىسقا بايلانىستى ايقىندالادى.51. باقىلاۋ پاۆيلوندارى اۆتوكولىكتى باقىلاۋدى ءبىر مەزگىلدە جۇرگىزۋدى قامتاماسىز ەتۋ ءۇشىن باعىتتاۋشى الاڭشالاردىڭ ەكى جاعىنان ورنالاسادى. ولاردا مەملەكەتتىك باقىلاۋ ورگاندارىنىڭ قىزمەتكەرلەرى ءۇشىن جەكە ءۇي-جايلار كوزدەلەدى.52. اۆتوكولىكتى رەسىمدەۋ الاڭدارى اتموسفەرالىق جاۋىن-شاشىننان قورعاۋ ءۇشىن شاتىرمەن جابدىقتالادى.گاباريتتى ەمەس جۇكتەردى وتكىزۋدى قامتاماسىز ەتۋ ءۇشىن قوزعالىستىڭ شەتكى بەلدەۋىن اشىق قالدىرۋ قاجەت.53. كەدەن وداعىنىڭ سىرتقى وتكىزۋ پۋنكتتەرىندە قاراپ تەكسەرۋ الاڭىنا كىرۋ الدىندا ولشەۋ جابدىقتارىمەن جانە گاباريتتى ولشەۋ ءۇشىن باسقا دا قۇرال-سايماندارمەن جاراقتاندىرىلعان كولىكتىك باقىلاۋ بەكەتى جابدىقتالادى.54. وتكىزۋ پۋنكتتەرىندەگى جول كوممۋنيكاتسيالىق جۇيە وتكىزۋ پۋنكتىنىڭ دامۋ پەرسپەكتيۆاسىن جانە كولىك قۇرالدارىنىڭ قوزعالىس باعىتتارىن وزگەرتۋ مۇمكىندىگىن ەسكەرە وتىرىپ, قاربالاس ساعاتتا كولىك قۇرالدارىنىڭ ەڭ كوپ سانىن وتكىزۋ قابىلەتىن ەسەپكە الا وتىرىپ سالىنادى.55. ءجۇرۋ بولىكتەرىنىڭ جەتكىلىكتى ەنى بولادى جانە وتكىزۋ پۋنكتى اۋماعىنا كىرۋگە دەيىن كولىك قۇرالدارىنىڭ ورىن اۋىستىرۋ جاعدايىن قامتاماسىز ەتەدى.56. وتكىزۋ پۋنكتى اۋدانىندا كولدەنەڭ تاڭبالاۋدى, تىك جول بەلگىلەرىن, باعدارشامداردى جانە باسقا نۇسقامالاردى پايدالانۋ ارقىلى قوزعالىستى ءتيىمدى باسقارۋ قامتاماسىز ەتىلەدى.57. قىزمەت كورسەتۋ وبەكتىلەرى (تاماقتانۋ پۋنكتتەرى, بانكتىك تەرمينالدار, ۆاليۋتا ايىرباستاۋ پۋنكتتەرى, باجسىز ساۋدا دۇكەندەرى) وتكىزۋ پۋنكتىندەگى رەجيم مەن كەدەندىك رەجيم ماسەلەلەرى بويىنشا قازاقستان رەسپۋبليكاسى زاڭناماسىنىڭ تالاپتارىن ساقتاۋمەن وتكىزۋ پۋنكتتەرىندە ورنالاسادى. 58. وتكىزۋ پۋنكتتەرىندە قوزعالىس قاۋىپسىزدىگىن جانە باقىلاۋدى قامتاماسىز ەتۋ ماقساتىندا شەكارالىق باقىلاۋ بولىمشەسى بويىنشا كەزەكشى پۋلتىمەن ىسكە قوسىلاتىن ارنايى كەدەرگىلەر, توسقاۋىلدار جانە باسقا دا قۇرىلعىلار قۇرىلادى. وسى جۇيە اۆتوكولىك قۇرالدارىنىڭ ءتيىستى باقىلاۋ تۇرلەرىنەن وتپەستەن وتكىزۋ پۋنكتىنىڭ شەگىنەن تىس سانكتسياسىز كەتۋ مۇمكىندىگىنىڭ جولىن كەسۋگە ارنالعان. فۋنكتسيونالدىق ماقساتىنا بايلانىستى توسقاۋىلدار ساقتاندىرعىش جانە جۇمىستىق بولادى. ساقتاندىرعىش توسقاۋىلدار وتكىزۋ پۋنكتىنىڭ رەجيمدىك اۋماعىنا كىرۋ جانە شىعۋ كەزىندە قوزعالىستى بۇعاتتاۋ ءۇشىن قىزمەت ەتەدى. جۇمىستىق توسقاۋىلدار كولىك قۇرالدارىنىڭ قاراپ تەكسەرۋ الاڭدارىندا باقىلاۋ بەلدەۋلەرىندەگى قوزعالىسىن باقىلاۋ ءۇشىن قىزمەت ەتەدى. ولاردىڭ ولشەمدەرى مەن كونسترۋكتسيالارى ءجۇرۋ بولىگىنىڭ ەنىنە نەمەسە ولار جاباتىن قوزعالىس بەلدەۋىنە سايكەس انىقتالادى. توسقاۋىلدار اكىمشىلىك عيماراتتاردان جانە شەكارالىق قىزمەتتەردىڭ باقىلاۋ پاۆيلوندارىنان قاشىقتىقتان باسقارىلاتىن قۇرىلعىمەن جابدىقتالادى.59. جوعارىدا ايتىلعان تالاپتار جوبالاۋ مەن سالۋ كەزەڭىندە ىسكە اسىرىلادى.8. وتكىزۋ پۋنكتتەرىن تەحنيكالىق جاراقتاندىرۋعا قويىلاتىن تالاپتار60. وتكىزۋ پۋنكتتەرىن تەحنيكالىق جاراقتاندىرۋ بويىنشا تالاپتار ترانزيتتىك-كولىكتىك الەۋەتتىڭ دامۋىنا, حالىقارالىق قاتىناس جولدارىنىڭ كەڭەيۋىنە, جاڭعىرتىلۋىنا, رەكونسترۋكتسيالانۋىنا بايلانىستى ولاردى جەتىلدىرۋگە ارنالعان.61. وتكىزۋ پۋنكتتەرىندە باقىلاۋدىڭ بەلگىلەنگەن تۇرلەرىن جۇرگىزۋ ءۇشىن:1) پاسپورتتىق باقىلاۋ;2) ادامدار دەنەسىنىڭ قىزۋىن جاناسپاي ولشەۋ;3) باگاج بەن قول جۇگىن قاراۋ (قاراپ تەكسەرۋ);4) كولىك قۇرالدارى مەن تاۋارلاردى قاراۋ (قاراپ تەكسەرۋ);5) اۆتوكولىك قۇرالدارىن ەلەكتروندىق ەسەپكە الۋ;6) اۆتوكولىك قۇرالدارىنىڭ پارامەترلەرى مەن گاباريتتىك مولشەرىن اۆتوماتتى تۇردە (بولەك) انىقتاۋ;7) رادياتسيالىق باقىلاۋ;8) اكەلۋگە, اكەتۋگە تىيىم سالىنعان قارۋ-جاراقتى, ەسىرتكىلەردى جانە باسقا دا تاۋارلاردى انىقتاۋ;9) بايلانىس;10) تەلەۆيزيالىق (بەينە) باقىلاۋ;11) ءورت سيگناليزاتسياسى;12) كۇزەتتىڭ ينجەنەرلىك قۇرالدارى, كىرۋدى باقىلاۋ جانە كۇزەت سيگناليزاتسياسى;13) ىقپالداستىرىلعان اقپاراتتىق جۇيە;14) بيولوگيالىق قالدىقتاردى جيناۋ جانە كادەگە جاراتۋ;15) كولىك قۇرالدارىن تازارتۋ جانە دەزينفەكتسيالاۋ;16) كارانتيندەگى ونىمدەردى زالالسىزداندىرۋ; 17) ساعات ساناعى;18) رەزەرۆتىك ەلەكترمەن قورەكتەندىرۋ جۇيەلەرىن قۇرۋ.62. جۇيەنىڭ تىزبەسى مەن قۇرامى ءاربىر وتكىزۋ پۋنكتى ءۇشىن جوبالاۋ كەزەڭىندە:1) كولىك قاتىناسىنىڭ ءتۇرىن (اۆتوموبيلدىك, اۆياتسيالىق, تەمىرجول, تەڭىز, وزەن (كول) جاياۋ جۇرگىنشى, ارالاس),2) ادامداردى, كولىك قۇرالدارىن, جۇكتەر مەن تاۋارلاردى وتكىزۋدىڭ تەحنولوگيالىق سحەماسىن;3) وتكىزۋ قابىلەتتىلىگىن (تاۋلىگىنە, ساعاتىنا ادامداردىڭ, كولىك قۇرالدارىنىڭ قوزعالىس قارقىندىلىعى);4) كولىك پەن ادام اعىندارىن كەلۋ مەن كەتۋگە ءبولۋدى; 5) كولىك قۇرالدارىنىڭ ۇلگىلەرىن (جەڭىل, جۇك اۆتوكولىك قۇرالدارى, اۆتوبۋستار, اۋە كەمەلەرى, جولاۋشىلار پوەزدارى, تەمىرجول جۇك سوستاۆتارى, جاياۋ جۇرگىنشى باعىتتارى);6) وتكىزۋ پۋنكتتەرىندە ورناتىلعان رەجيمدى; 7) كولىك قۇرالدارىن, جۇكتەردى جانە تاۋارلاردى تەكسەرۋ (قاراپ تەكسەرۋ) ورىندارىنىڭ اۋماعى مەن سانىن ەسكەرە وتىرىپ انىقتالادى.تىزبە مەن جۇيە قۇرامى مۇددەلى مەملەكەتتىك ورگاندارمەن كەلىسىلەدى.63. پاسپورتتىق باقىلاۋ جۇيەسى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ لاۋازىمدى ادامدارىنىڭ شەكارا ارقىلى ادامداردى وتكىزۋ ءۇشىن نەگىزدەردىڭ جەتكىلىكتىلىگىن تەكسەرۋدىڭ بەلگىلەنگەن راسىمدەرىن ورىنداۋعا ارنالعان جانە «بۇركىت» بىرىڭعاي اقپاراتتىق جۇيەسىن ىقپالداستىرىلعان قۇجاتتاردى تەكسەرۋ جونىندەگى تەحنيكالىق قۇرالداردى, قۇجاتتاردىڭ تۇپنۇسقالىعىن تەكسەرۋ اسپاپتارىن, قوسالقى جابدىقتاردى (داكتيلوسكوپيالىق سكانەرلەر, سپەكترلىك ليۋمينەستسەنتتىك لۋپا), ارنايى باعدارلامالىق قامتىلىمدى جانە شەكارالىق باقىلاۋ قۇرالدارىن قولدانۋ نەگىزىندە قۇرىلادى.جۇيەنى قۇرۋ كەزىندە:1) شەكارانى كەسىپ ءوتۋ قۇقىعىنا پاسپورتتاردى جانە باسقا دا قۇجاتتاردى اۆتوماتتى تۇردە وڭدەۋگە ارنالعان, ونىڭ ىشىندە بيومەتريالىق پارامەترلەرى بار (قۇجاتتاردىڭ ماگنيتتىك جولاعىنان اقپاراتتى وقۋ, ساۋساق تاڭباسى, كوزدىڭ سىرتقى ءمولدىر قابىعى, قۇجات يەسىنىڭ بەت بەينەسى بويىنشا سايكەستەندىرۋ) اسپاپتاردى, اپپاراتۋرالاردى تۇرلەندىرۋ مۇمكىندىگى;2) اقپاراتتى اۆتوماتتى تۇردە جانە قولمەن ەنگىزۋ, گرافيكالىق اقپاراتتى وقۋ باعدارلامالىق-تەحنيكالىق قۇرالداردى, ماشينا وقي الاتىن ايماقتى, شتريح-كودتى جانە پاسپورتتىق-ۆيزالىق قۇجاتتاردا ورنالاسقان ميكروسحەمانى قولدانا وتىرىپ, ۇلتتىق جانە شەتەلدىك پاسپورتتىق-ۆيزالىق قۇجاتتاردان دەرەكقورلاردى قالىپتاستىرۋ;3) پاسپورتتىق-ۆيزالىق قۇجاتتاردىڭ قولدانىستاعى ۇلگىگە سايكەستىگىنە, ولاردىڭ قولدانىلۋ مەرزىمىن جانە بەرىلگەن پاسپورتتىق-ۆيزالىق قۇجاتتاردىڭ ليميتتەرى بويىنشا تەكسەرۋ; 4) پاسپورتتىق-ۆيزالىق قۇجاتتاردىڭ اتريبۋتتارىن باقىلاۋ ءتىزىمى بويىنشا تەكسەرۋ; 5) اقپاراتتىق قاۋىپسىزدىكتى قامتاماسىز ەتۋ;6) ەركىن ۋاقىت ارالىعىنداعى شەكارالىق باقىلاۋ ناتيجەلەرى بويىنشا ستاتيستيكالىق ەسەپتەردى قالىپتاستىرۋ كوزدەلگەن.64. دەنە قىزۋى جوعارى ادامداردى قاشىقتىقتان انىقتاۋعا ارنالعان دەنە قىزۋىن جاناسپاي ولشەۋ جۇيەسى. دەنە قىزۋى جوعارى ادامداردى قاشىقتىقتان انىقتاۋعا ارنالعان اسپاپتار سانى جولاۋشىلار اعىنىنىڭ تىعىزدىعىمەن جانە جابدىقتاردىڭ تەحنيكالىق سيپاتتامالارىمەن انىقتالادى.65. جولاۋشىلاردىڭ جانە كولىك قۇرالدارىنىڭ قىزمەت كورسەتۋشى پەرسونالىنىڭ باگاجى مەن قول جۇگىن تەكسەرۋ (قاراپ تەكسەرۋ) جۇيەسى تىيىم سالىنعان (شەكتەلگەن) تاۋارلاردى تاسىمالداۋعا جول بەرمەۋ ماقساتىندا ولاردى تەكسەرۋگە ارنالعان جانە رەنگەنتەلەۆيزيالىق جانە باسقا دا ارنايى اپپاراتۋرامەن جابدىقتالادى. شەتەلگە باراتىن جولاۋشىلاردىڭ باگاجىن جانە قول جۇگىن قاراۋدى (قاراپ تەكسەرۋدى) رەنتگەنسكوپيالىق جانە باسقا دا اپپاراتۋرانى پايدالانا وتىرىپ, كەدەن قىزمەتكەرلەرى جۇزەگە اسىرادى.66. مەملەكەتتىك شەكارا ارقىلى وتەتىن كولىك قۇرالدارىن جانە تاۋارلاردى قاراۋ (قاراپ تەكسەرۋ) جۇيەسى مەملەكەتتىك شەكارا ارقىلى وتكىزۋگە تىيىم سالىنعان (شەكتەلگەن) تاۋارلاردى انىقتاۋ ماقساتىندا تەكسەرىلەدى جانە مەملەكەتتىك شەكارادان وتكىزۋگە تىيىم سالىنعان تاۋارلاردى انىقتاۋعا مۇمكىندىك بەرەتىن, ءارتۇرلى تۇرلەندىرىلگەن تەحنيكالىق باقىلاۋ قۇرالىن قامتيدى.كولىك قۇرالدارىن, جۇكتەردى جانە تاۋارلاردى قاراۋ (قاراپ تەكسەرۋ) ءۇشىن قازاقستان رەسپۋبليكاسىنا (قازاقستان رەسپۋبليكاسىنان) اكەلۋگە (اكەتۋگە) تىيىم سالىنعان زاتتار مەن ماتەريالداردى تابۋعا مۇمكىندىك بەرەتىن وزىق تەحنولوگيانى پايدالانۋعا نەگىزدەلەتىن ءارتۇرلى تۇرلەندىرىلگەن اسپاپتار قولدانىلادى.67. اۆتوكولىك قۇرالدارىن ەلەكتروندىق ەسەپكە الۋ جۇيەسى اۆتوموبيلدىك وتكىزۋ پۋنكتتەرىندە ورناتىلادى جانە مەملەكەتتىك شەكارانى كەسىپ وتەتىن اۆتوكولىك قۇرالدارىنىڭ مەملەكەتتىك تىركەۋ نومىرلەرىن وقۋدى, ساقتاۋدى مەملەكەتتىك تىركەۋ نومىرلەرىنىڭ دەرەكقورلارىن جۇرگىزۋدى قامتاماسىز ەتۋى ءتيىس. 68. اۆتوكولىك قۇرالدارىنىڭ سالماقتىق پارامەترلەرى مەن گاباريتتىك ولشەمدەرىن اۆتوماتتى (بىلىكتى بويىنشا) تۇردە انىقتاۋ جۇيەسى كەدەن وداعىنىڭ سىرتقى شەكاراسىندا ورناتىلادى جانە اۆتوماتتى رەجيمدە كولىك قۇرالدارىنىڭ سالماقتىق پارامەترلەرى مەن گاباريتتىك ولشەمدەرىن انىقتاۋعا مۇمكىندىك بەرەدى.69. رادياتسيالىق باقىلاۋ جۇيەسى يونداندىرعىش ساۋلەلەنۋ كوزدەرىن انىقتاۋعا, تابيعي رادياتسيالىق فون دەڭگەيىنىڭ ارتۋىن ايقىنداۋعا جانە انىقتالعان يونداندىرعىش ساۋلەلەنۋ كوزدەرىن سايكەستەندىرۋگە مۇمكىندىك بەرەتىن ستاتسيونارلىق اپپاراتۋرادان جانە/نەمەسە جىلجىمالى جابدىقتان تۇرادى.70. قارۋ-جاراقتى, ەسىرتكى زاتتاردى جانە تاسىمالداۋعا تىيىم سالىنعان (شەكتەلگەن) باسقا دا زاتتاردى, ماتەريالداردى, تاۋارلاردى انىقتاۋ جۇيەسى شەكارالىق جانە كەدەن ورگانداردىڭ بىرلەسىپ پايدالانۋىنا ارنالعان جانە ستاتسيونارلىق مەتالل ىزدەگىشتەر مەن رەنگەنوسكوپيالىق قۇرىلعىلار, باسقا دا تەحنيكالىق قۇرالدار نەگىزىندە قۇرىلادى.اۋەجايلارداعى, تەڭىز جانە وزەن پورتتارىنداعى, شەكارالىق تەمىرجول ستانتسيالارىنداعى وتكىزۋ پۋنكتتەرىندە وسى جۇيە كولىك قاۋىپسىزدىگىن قامتاماسىز ەتۋ جۇيەلەرىمەن ىقپالداسادى.71. بايلانىس جۇيەسى, تەلەكوممۋنيكاتسيالىق ينفراقۇرىلىمدى قوسا العاندا, وتكىزۋ پۋنكتى شەگىندە مەملەكەتتىك باقىلاۋ ورگاندارىنىڭ ءوزارا ءىس-قيمىلىن, سونداي-اق باقىلاۋ ورگاندارىنىڭ ءوزارا ءىس-قيمىل جاسايتىن قۇرىلىمدارمەن جانە جوعارى باسقارۋ ورگاندارىمەن ۇزدىكسىز تۇراقتى بايلانىسىن قامتاماسىز ەتەدى. ىشكى تەلەفون بايلانىسى جۇيەسى اۆتوماتتى تەلەفون ستانتسيالارى, ەلۋ ابونەنتكە دەيىن سىيىمدىلىعى بار ديرەكتورلىق بايلانىس كوممۋتاتورلارى (پاسپورتتىق باقىلاۋ كابيناسىنىڭ, كولىك قۇرالدارىنىڭ باقىلاۋ پاۆيلوندارىنىڭ, قىزمەتتىك ءۇي-جايلاردىڭ سانىنا بايلانىستى) نەگىزىندە قۇرىلادى.مەملەكەتتىك باقىلاۋ ورگاندارى بولىمشەلەرىنىڭ قىزمەتتىك ءۇي-جايلارىندا ىشكى, قالاارالىق جانە حالىقارالىق بايلانىسقا جانە ينتەرنەتكە شىعاتىن قاجەتتى تەلەفوندار سانى ورناتىلادى. وتكىزۋ پۋنكتتەرىندە بايلانىس توراپتارىن ءتيىستى ۆەدومستۆولاردىڭ جوعارى بايلانىسى تورابىمەن بايلانىستىرۋ مۇمكىندىگى قامتاماسىز ەتىلەدى.راديوبايلانىستىڭ ۋلتراقىسقا تولقىندى جۇيەسى ستاتسيونارلىق جانە جىلجىمالى راديوستانتسيالار نەگىزىندە قۇرىلادى.72. تەلەۆيزيالىق بەينەباقىلاۋ جۇيەسى شەكارالىق جانە كەدەن ورگاندارىنىڭ وتكىزۋ پۋنكتتەرى وبەكتىلەرىن (اۋماقتارىن) ەلەكتروندىق تەحنيكالىق قۇرالدار كومەگىمەن ۆيزۋالدى باقىلاۋدى قامتاماسىز ەتۋگە ارنالعان.جۇيە ءارتۇرلى تيپتەگى تەلەۆيزيالىق جۇيەلەردى قولدانۋمەن قۇرىلادى جانە دەرەكتەردى ساقتاي وتىرىپ, ناقتى ۋاقىت رەجيمىندە وتكىزۋ پۋنكتتەرى وبەكتىلەرىنە (اۋماقتارىنا) باقىلاۋدى جۇرگىزۋ مۇمكىندىگىن قامتاماسىز ەتەدى.وتكىزۋ پۋنكتتەرىندە مەملەكەتتىك باقىلاۋ ورگاندارىنىڭ جەكە بەينەباقىلاۋ جۇيەسىن نە ءبىر بىرلەسكەن جۇيەنى پايدالانۋ مۇمكىندىگى بار.جۇيە تەلەكامەرالارى عيماراتتا, اۆتوكولىكتى قاراپ تەكسەرۋ الاڭدارىندا, سونداي-اق وتكىزۋ پۋنكتى اۋماعىنىڭ پەريمەترى بويىنشا ورنالاستىرىلادى, بۇل رەتتە ولاردىڭ بولىگى كورسەتىلىپ نەمەسە جاسىرىن ورناتىلادى.73. وتكىزۋ پۋنكتىنىڭ ءورت سيگناليزاتسياسى جۇيەسى – وتكىزۋ پۋنكتىنىڭ جانە جالپى ءورت بەكەتىنەن باقىلاناتىن وبەكتىلەردە مونتاجدالعان ءورت سيگناليزاتسياسى جانە ءورت ءسوندىرۋ قوندىرعىلارى جيىنتىعى ءورتتى اۆتوماتتى تابۋدى ناقتى وتكىزۋ پۋنكتى جاعدايىندا ءورتتى جويۋ جانە ادامداردى قاۋىپسىز (رۇقسات ەتىلگەن ءورت تاۋەكەلىن ەسكەرە وتىرىپ) كوشىرۋدى ۇيىمداستىرۋ ماقساتىندا ءورت تۋرالى حاباردار ەتۋ جۇيەسىن جانە ءورت ءسوندىرۋ قوندىرعىسىن قوسۋ ءۇشىن قاجەتتى ۋاقىت ىشىندە ءورت تۋرالى حابارلامانى بەرىلگەن تۇردە وڭدەۋدى, بەرۋدى قامتاماسىز ەتۋى ءتيىس.كۇزەت سيگناليزاتسياسى جۇيەسى وتكىزۋ پۋنكتىنىڭ بارلىق ءۇي-جايلارىندا ورناتىلاتىن وعان تۇتىندىك, تەمپەراتۋرالىق داتچيكتەردىڭ قاجەتتى سانىن قوسۋعا مۇمكىندىك بەرەتىن ستاتسيونارلىق اپپاراتۋرانى قولدانا وتىرىپ جابدىقتالادى.74. كۇزەت, كىرۋدى باقىلاۋ جانە كۇزەت سيگناليزاتسياسىنىڭ ينجەنەرلىك قۇرالدارى جۇيەسى ينجەنەرلىك جەلىلەر مەن كوممۋنيكاتسيا جۇيەسىمەن بىرىكتىرىلگەن, بىرلەسىپ قولدانىلاتىن كۇزەتتىڭ تەحنيكالىق قۇرالدارىن قولدانا وتىرىپ جابدىقتالادى جانە وتكىزۋ پۋنكتىنىڭ اۋماعى مەن رەجيمدىك ايماعىنا رۇقساتسىز كىرىپ كەتۋدى (كىرىپ كەتۋگە ارەكەت ەتۋدى) انىقتاۋعا, اقپاراتتى بەرىلگەن تۇرىندە وپەراتور پۋلتىنە جيناۋعا, وڭدەۋ مەن ۇسىنۋعا ارنالعان.ءۇي-جايعا كىرۋدى باقىلاۋ جۇيەسى وقىلاتىن ماگنيتتىك (ەلەكتروندىق) كارتوچكالاردى پايدالانا وتىرىپ قۇرىلادى. اۆياتسيالىق وتكىزۋ پۋنكتتەرىندە وسى جۇيەنىڭ اكىمشىسى اۆياتسيالىق قاۋىپسىزدىك قىزمەتىنىڭ بولىمشەسى, قالعاندارىندا قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىنىڭ بولىمشەلەرى بولىپ تابىلادى.75. وتكىزۋ پۋنكتىنىڭ ىقپالداستىرىلعان اقپاراتتىق جۇيەسى كەدەن وداعىنىڭ سىرتقى جانە ءوزارا ساۋداسىنىڭ ىقپالداستىرىلعان اقپاراتتىق جۇيەسىن قالىپتاستىرۋ تۇجىرىمداماسىنا سايكەس (ەۋرازيالىق ەكونوميكالىق قوعامداستىقتىڭ ۇكىمەتارالىق كەڭەسىنىڭ 2010 جىلعى 19 قاراشاداعى № 60 شەشىمىمەن بەكىتىلگەن) قۇرىلادى.76. بيولوگيالىق قالدىقتاردى جيناۋ مەن كادەگە جاراتۋ جۇيەسى كەدەن وداعىنىڭ سىرتقى شەكاراسىندا ورناتىلادى جانە جەكە تۇلعالاردىڭ قول جۇگىندە, باگاجىندا جانە پوشتا جونەلتىلىمدەرىندە انىقتالعان جانۋار جانە وسىمدىك تەكتى تاۋارلاردى جيناۋدى, ۋاقىتشا ساقتاۋدى (قاجەت بولعان كەزدە كادەگە جاراتۋ ورنىنا دەيىن تاسىمالداۋ) جانە جويۋدى