الماتى قالاسىنىڭ اكىمى باقىتجان ساعىنتاەۆ ءوزىنىڭ Instagram-داعى جەكە پاراقشاسىندا مەگاپوليستىڭ جاڭا ىقشاماۋداندارىنداعى ينجەنەرلىك جەلىلەر قۇرىلىسىنىڭ قارقىنى تۋرالى ايتتى.
ب. ساعىنتاەۆتىڭ ايتۋىنشا, ينجەنەرلىك جەلىلەر — قالانىڭ تىنىس-تىرشىلىگىن قامتاماسىز ەتۋ جۇيەسىنىڭ كۇرە تامىرى. بىرەر جىل بۇرىن قالاعا قوسىلعان ايماقتاردىڭ ارقاسىندا مەگاپوليستىڭ اۋماعى كەڭەيدى. سايكەسىنشە بۇل — جاڭا جەلىلەردى قاجەت ەتەدى.
ء«وتىپ بارا جاتقان جىل جەمىستى بولدى. جۇزدەگەن شاقىرىم سۋمەن جابدىقتاۋ, سۋ بۇرۋ جەلىلەرى مەن بىرنەشە كسس سالىندى. ناۋرىزباي اۋدانىندا سۇزگى-سورعى ستانساسىنىڭ قۇرىلىسى باستالدى», — دەپ جازدى اكىم.
بۇرىندارى حابارلانعانىنداي, ينجەنەرلىك ينفراقۇرىلىمدى دامىتۋ اياسىندا بيىل 300 شاقىرىمعا جۋىق سۋ قۇبىرى مەن كارىز جەلىسى سالىندى. ناتيجەسىندە, «جاڭا الماتىنىڭ» شەتكى ىقشاماۋداندارىنىڭ 50 مىڭ قالا تۇرعىنى ورتالىق سۋمەن جابدىقتاۋ مەن سۋ بۇرۋ جەلىسىنە قوسىلادى.
2019 جىلى اۋديت جۇرگىزىلىپ, ونىڭ بارىسىندا 2,3 مىڭعا جۋىق كوشەدە سىرتقى جارىقتىڭ جوق ەكەنى انىقتالدى. ناتيجەسىندە تاياۋداعى 2 جىل ىشىندە قالانى جارىقپەن تولىق قامتاماسىز ەتۋ جونىندە شەشىم قابىلداندى. جىل سوڭىنا دەيىن قالا شەتىندەگى 1423 كوشە جارىقتاندىرىلادى, بۇل قالانىڭ 4 اۋدانىندا 100% جارىقتاندىرۋدى قامتاماسىز ەتەدى.
2021 جىلدىڭ سوڭىنا دەيىن المالى, اۋەزوۆ, بوستاندىق, مەدەۋ اۋداندارىنداعى قالعان 601 كوشەنى جارىقتاندىرۋ جوسپارلانۋدا.
جول ينفراقۇرىلىمىن دامىتۋ اياسىندا جاڭا الماتىنىڭ ىقشاماۋداندارىندا 42,8 شاقىرىم جول سالىندى. ۇزىندىعى 192 شاقىرىم بولاتىن 270 كوشەدە ورتاشا جوندەۋ, ۇزىندىعى 86 شاقىرىم بولاتىن تروتۋارلاردى رەتكە كەلتىرۋ جانە جوندەۋ جۇمىستارى اياقتالدى. 4 ساياباق پەن 5 جاياۋ جۇرگىنشىلەر ايماعىن اباتتاندىرۋ قاراستىرىلۋدا.
اعىمداعى جىلى جوسپاردا كورسەتىلگەن بارلىق شارالار تولىق ورىندالدى. كەلەر جىلى شەتكى ايماقتاردى دامىتۋ جونىندەگى جوبالار ىسكە اساتىن بولاتىن, ول ءۇشىن قارجىلاندىرۋ كوزدەرىنەن جالپى سوماسى 200 ميلليارد تەڭگەدەن استام قاراجات بولىنەدى دەپ جوسپارلانۋدا.